60 thousand Modi Yoga

60 వేల మంది మోడీ యోగాసనాలు

Date:21/06/2018
న్యూఢిల్లీ ముచ్చట్లు:
నాలుగో అంతర్జాతీయ యోగా దినోత్సవం సందర్భంగా డెహ్రాడూన్‌లోని ఫారెస్ట్ రిసెర్చ్ ఇన్‌స్టిట్యూట్‌లో జరిగిన కార్యక్రమంలో ప్రధాని నరేంద్ర మోదీ పాల్గొన్నారు. దాదాపు 60 వేల మంది యోగ సాధకులతో కలిసి ప్రధాని ఆసనాలు వేశారు. అంతకు ముందు మోదీ మాట్లాడుతూ.. వేగవంతంగా మారుతున్న నేటి కాలంలో యోగా.. వ్యక్తుల శరీరం, మెదడు, ఆత్మలను ఒక్కటిచేసి ప్రశాంతతకు దోహదపడుతుందని అన్నారు. ఏటా అంతర్జాతీయ యోగా దినోత్సవం నిర్వహించడంతో ప్రపంచం మొత్తం యోగాను తమ జీవన విధానంలో భాగం చేసుకుందని మోదీ పేర్కొన్నారు. వాస్తవానికి మంచి ఆరోగ్యం, శ్రేయస్సు కోసం నిర్వహించే అతిపెద్ద ప్రజా ఉద్యమాలలో యోగా డే ఒకటిగా మారిందని ఆయన ప్రశంసించారు. ముంబైలోని రాజ్‌భవన్‌లో మహారాష్ట్ర గవర్నర్ విద్యాసాగరరావు యోగాసనాలు వేయగా, రాజస్థాన్‌లోని కోటాలో జరిగిన కార్యక్రమంలో ప్రముఖ యోగా గురువు రాందేవ్ బాబా పాల్గొన్నారు. ఈ కార్యక్రమంలో రాజస్థాన్ సీఎం వసుంధర రాజే సింధియా, పెద్ద సంఖ్యలో ప్రజల పాల్గొన్నారు. వారితో కలిసి రాందేవ్ బాబా యోగాసనాలు వేశారు. దేశవ్యాప్తంగా వివిధ ప్రాంతాల్లో ప్రజలు యోగా డే వేడుకల్లో ఉత్సాహంగా పాల్గొని, ఆసనాలు వేస్తున్నారు. మరోవైపు బెంగళూరులో జరిగిన యోగా డే వేడుకలకు కర్ణాటక ముఖ్యమంత్రి కుమారస్వామి, డిప్యూటీ సీఎం జి పరమేశ్వరలు గైర్హాజరయ్యారు. నౌకాదళ సిబ్బంది కోచిలో ఐఎన్ఎస్ జమునపై, ముంబైలో ఎన్ఎన్ఎస్ విరాట్‌పై యోగా డే జరుపుకున్నారు. విశాఖలోని ఈస్ట్రన్ నావెల్ కమాండ్ యోగా వేడుకల్లో వైస్ అడ్మిరల్ కరంవీర్ సింగ్ పాల్గొన్నారు.
60 వేల మంది మోడీ యోగాసనాలుhttp://www.telugumuchatlu.com/60-thousand-modi-yoga/
Tags:60 thousand Modi Yoga

Leave a Reply

Your email address will not be published. Required fields are marked *