American Jhalak to China

చైనాకు అమెరికా ఝలక్

Date:21/09/2018
న్యూఢిల్లీ ముచ్చట్లు:
రష్యా నుంచి ఆయుధాలు కొనుగోలు చేసిన చైనా మిలటరీకి అమెరికా ఝలక్ ఇచ్చింది. ఎస్-400 ఎయిర్ డిఫెన్స్ మిస్సైల్ సహా ఇతర ఆయుధాలను కొనుగోలు చేసినందుకు చైనాపై ట్రంప్ సర్కారు ఆంక్షలు విధించింది. భారత్ కూడా ఇదే తరహా ఆయుధాలను రష్యా నుంచి దిగుమతి చేసుకోవాలని భావిస్తోంది. ఈ నేపథ్యంలో.. ఇతర దేశాలు కూడా రష్యా నుంచి ఆయుధాలను కొనుగోలు చేసే విషయంలో ఒకటికి రెండుసార్లు ఆలోచించుకోవాలని అమెరికా హెచ్చరించడం ప్రాధాన్యం సంతరించుకుంది.
రష్యాతో ఇంటెలిజెన్స్, సైనిక సేవలు, ఆయుధాలకు సంబంధించి లావాదేవీలు నిర్వహించే దేశాలపై ఆంక్షలు విధించేలా అమెరికా గతేడాది సీఏఏటీఎస్ఏ పేరిట ఓ చట్టం చేసింది. ఎస్‌యూ-300 ఫైటర్ జెట్లు, ఎస్-400 మిస్సైళ్లను కొనుగోలు చేసినందుకు చైనాపై ఆంక్షలు విధిస్తున్నట్టు అమెరికా తెలిపింది.
2014లో ఉక్రెయిన్ నుంచి క్రిమియాను వేరు చేసేందు రష్యా ప్రయత్నించిన నాటి నుంచి అమెరికా, రష్యాల మధ్య సంబంధాలు పూర్తిగా దిగజారాయి. 2016 చివర్లో జరిగిన అమెరికా అధ్యక్ష ఎన్నికలను రష్యా ప్రభావితం చేసిందనే వార్తలు రావడం, సిరియా పౌర యుద్ధం కూడా ఇరుదేశాల మధ్య ఉద్రిక్తతలను పెంచింది.
దీంతో రష్యాకు ఆదాయ మార్గంగా ఉన్న ఆయుధాల ఎగుమతులపై దెబ్బకొట్టడానికి అమెరికా నడుం బిగించింది. ఇందులో భాగంగానే రష్యాకు చెందిన రొసొబోర్న్‌‌ఎక్స్‌పోర్ట్ నుంచి ఆయుధాలు కొనుగోలు చేసినందుకు.. చైనాకు చెందిన ఎక్విప్‌మెంట్ డెవలప్‌మెంట్ డిపార్ట్‌మెంట్ (ఈడీడీ), దాని అధిపతి లి షంగ్ఫూ‌పై అమెరికా తాజాగా ఆంక్షలు విధించింది.
ఈ ఆంక్షల ఫలితంగా తమ దేశంలోని ఈడీడీ ఆస్తులను అమెరికా స్వాధీనం చేసుకోలగదు. ఆంక్షలు ఎదుర్కొంటున్న వారితో అమెరికన్లు వ్యాపారం చేయకుండా అడ్డుకోగలదు.
Tags:American Jhalak to China

Leave a Reply

Your email address will not be published. Required fields are marked *