ఏపీలో ఉప ఎన్నికలు…?

Date:22/05/2018
న్యూఢిల్లీ ముచ్చట్లు:
 రాజీనామాలకు కట్టుబడి ఉన్నామని ప్రకటించారు వైఎస్సార్ కాంగ్రెస్ పార్టీ నేత, తిరుపతి ఎంపీ వి.వరప్రసాద్. ఏపీకి ప్రత్యేకహోదా సాధనకు రాజీనామాలు సరైన అస్త్రమే అని తాము భావిస్తున్నామని అందుకే రాజీనామాలకు కట్టుబడి ఉన్నామని ఆయన ప్రకటించారు. ఈ నెల 29న తనను కలవాలని లోక్‌సభ స్పీకర్ సుమిత్రా మహాజన్ రాజీనామాలు చేసిన వైసీపీ ఎంపీలకు లేఖ రాసిన నేఫథ్యంలో వరప్రసాద్ స్పందిస్తూ తాము రాజీనామాలకు కట్టుబడి ఉన్నామని స్పష్టం చేశారు. వీరితో సుమిత్రా మహాజన్ వ్యక్తిగతంగా మాట్లాడతారని, రాజీనామాల విషయంలో అభిప్రాయాలను అడిగి తెలుసుకుంటారని.. అనంతరం ఒక నిర్ణయం తీసుకునే అవకాశం ఉందని వార్తలు వస్తున్నాయి. ఈ నేపథ్యంలో స్పీకర్‌తో సమావేశంలో రాజీనామాలను ఆమోదించమనే తాము చెబుతామని వరప్రసాద్ ప్రకటించారు. వచ్చే ఏడాది ఏప్రిల్-మే నెలల్లో సాధారణ ఎన్నికలు జరగనున్నాయి. ఈ నేపథ్యంలో ఇప్పుడు ఎంపీల రాజీనామాలు ఆమోదం పొందితే, ఉప ఎన్నికలు వచ్చే అవకాశాలు పుష్కలంగా ఉన్నాయి. ఒకవేళ ముందస్తు ఎన్నికలు రాకపోతే.. రానున్న ఆరు నెలల్లో వైసీపీ ఎంపీలు రాజీనామాలు చేసే ఐదు సీట్లకూ ఉప ఎన్నికలు జరగే అవకాశం ఉంది. రాజీనామాలపై వచ్చే నెల ఆరంభానికళ్లా పూర్తి క్లారిటీ వచ్చే అవకాశం ఉంది.
Tags:By-election in AP

Leave a Reply

Your email address will not be published. Required fields are marked *