Geetha Govindham recorded in box office

బాక్సాఫీసు లో గీతా గోవిందం రికార్డ్

Date:15/09/2018
హైద్రాబాద్ ముచ్చట్లు
విజయ్ దేవరకొండ నటించిన ‘గీత గోవిందం’ చిత్రం భారీ కలెక్షన్లతో దూసుకెళ్తోంది. తెలుగు రాష్ట్రాల్లోనే కాకుండా, ఓవర్సీస్‌లోనూ ఓ రేంజ్‌లో వసూళ్లు రాబడుతోంది. యూఎస్ బాక్సాఫీస్ వద్ద ఈ సినిమా మెగాస్టార్ మూవీ కలెక్షన్లను కూడా దాటేసింది.
నెల రోజుల్లోనే ఈ చిత్రం అమెరికాలో ఖైదీ నంబర్ 150 లైఫ్ టైం కలెక్షన్లను అధిగమించింది. గత వారమే 2 మిలియన్ డాలర్ల క్లబ్‌లో చేరిన ‘గీత గోవిందం’ యూఎస్‌లో టాప్-10 తెలుగు చిత్రాల్లో ఒకటిగా నిలిచింది.
విజయ్ దేవరకొండ, రష్మికల నటనకు అమెరికాలో ఉన్న తెలుగు వాళ్లు ఇంప్రెస్ అయిపోయారు. దీంతో ఈ సినిమా టాప్-8లోకి దూసుకెళ్లింది. 30 రోజుల్లో ఈ చిత్రం యూఎస్‌లో 2.449 మిలియన్ డాలర్లు వసూలు చేసింది. దీంతో 2.447 మిలియన్ డాలర్లు రాబట్టిన ఖైదీ నంబర్ 150 చిత్రాన్ని దాటేసింది.
అంతకు ముందే టాప్-10లో ఉన్న ‘ఫిదా’ను కూడా ‘గీత గోవిందం’ వెనక్కి నెట్టింది. యూఎస్ బాక్సాఫీస్ వద్ద బాహుబలి-2 అగ్రస్థానంలో ఉండగా.. బాహుబలి రెండో స్థానలో ఉంది. రామ్ చరణ్ నటించిన ‘రంగస్థలం’ మూడోస్థానంలో.. భరత్ అనే నేను, శ్రీమంతుడు, మహానటి, అఆ చిత్రాలు తర్వాతి స్థానాల్లో ఉన్నాయి.
Tags:Geetha Govindham recorded in box office

Leave a Reply

Your email address will not be published. Required fields are marked *