నయా ఫీచర్స్ తో గూగుల్

Date:15/02/2018
ముంబై ముచ్చట్లు:
గూగుల్ సెర్చ్‌ వినియోగదారులకు శుభవార్త. గూగుల్ సంస్థ తన సెర్చ్ ఇంజిన్‌ను ఉపయోగించేవారి కోసం… సరికొత్త ఫీచర్‌ను అందుబాటులోకి తెచ్చింది. ఈ కొత్త ఫీచర్ ద్వారా గూగుల్ సెర్చ్‌లో కనిపించే రిజల్ట్స్ నుంచే హోటళ్లను, విమానాలను ​ నేరుగా బుక్ చేసుకోవచ్చు.వినియోగదారుడు తనకు కావల్సిన ఊరు పేరుతోపాటు పక్కనే హోటల్స్ అని గూగుల్‌ సెర్చ్‌లో టైప్ చేయాలి. వెంటనే సెర్చ్ రిజల్ట్స్‌లో సంబంధిత విషయాలతోపాటు ఓ గూగుల్ మ్యాప్ దర్శనమిస్తుంది. ఈ మ్యాప్‌లో వినియోగదారుడు సెర్చ్ చేసిన ప్రదేశంలో ఉన్న హోటల్ రూముల అద్దెలను చూపిస్తూ ఆ మ్యాప్ కనిపిస్తుంది. ఆ మ్యాప్‌పై క్లిక్ చేయగా.. వచ్చే స్క్రీన్‌లో హోటళ్ల అద్దెల వివరాలు మ్యాప్‌లో స్పష్టంగా కనిపిస్తాయి. ఇందులో వినియోగదారుడు తనకు కావాల్సిన హోటల్ రూమ్‌ను ఎంచుకుని, బుక్ చేసుకోవచ్చు.అదేవిధంగా ఈ ఫీచర్ ద్వారా యూజర్లు తాము ఉన్న ప్రదేశం నుంచి వెళ్లాలనుకునే ప్రదేశానికి విమానాలకు కూడా సెర్చ్ చేసుకోవచ్చు. తదనంతరం వచ్చే రిజల్ట్స్‌ ద్వారా నేరుగా విమానాలను బుక్ చేసుకోవచ్చు.
Tags: Google with Neo Features

Leave a Reply

Your email address will not be published. Required fields are marked *