హోస్ లోన్లను ఇలా తగ్గించుకోవచ్చు..

Date:13/03/2018
ముంబై ముచ్చట్లు:
ముఖ్య‌మైన బ్యాంకులు, ఆర్థిక సంస్థ‌లు రుణ వ‌డ్డీ రేట్ల‌ను కాస్త పెంచేశాయి. అంతే కాకుండా వ‌డ్డీ రేట్లు పెరిగిన‌ప్పుడు రుణ గ్ర‌హీత‌లు త‌మ రుణాల‌ను చెల్లించేసి డ‌బ్బు ఆదా చేసుకోవాలని చూస్తారు. గ‌తంలో ఎన్నో పెట్టుబ‌డి ఆప్ష‌న్లు ఉన్న కార‌ణంగా రుణ గ్ర‌హీత‌లు గృహ రుణం ముంద‌స్తు చెల్లింపు ఉత్త‌మ‌మైన‌దా కాదా అని తెగ ఆలోచించేవారు. ఎందుకంటే పెట్టుబ‌డుల్లో అక్క‌డ గృహ రుణంపై చెల్లించే వ‌డ్డీ కంటే ఎక్కువ రాబ‌డే వ‌చ్చేది.ఇది ఎంతో కాలం ఇలానే ఉండ‌దు. స్టాక్ మార్కెట్లు చాలా మంద‌కొడిగా ఉన్నాయి. ఒక ప‌క్క డెట్ ఫండ్లు నిరాశ‌జ‌న‌క రాబ‌డుల‌నిస్తున్నాయి. ఎఫ్‌డీ వ‌డ్డీ రేట్లు గ‌త రెండేళ్ల నుంచి దారుణంగా ప‌డిపోయాయి. ఇప్ప‌ట్లో పెరిగే అవ‌కాశం క‌నిపించ‌డం లేదు. కాబ‌ట్టి ఇప్పుడు ఒక్క రూపాయి మిగిలినా చాలా వ‌ర‌కూ దీర్ఘ‌కాలంలో అడ్వాంటేజి ఉంటుంది. అలా చూస్తే గృహ రుణం ముంద‌స్తు చెల్లింపు చేయ‌డం ఒక మంచి పెట్టుబ‌డి మార్గ‌మే.20 నుంచి 30 ఏళ్ల పాటు గ‌డువుండే దీర్ఘ‌కాల రుణాన్ని చెల్లించేయ‌డం వ‌ల్ల మ‌రికొన్ని ఇత‌ర ప్రయోజ‌నాలు ఉన్నాయి. మామూలుగా దీర్ఘ‌కాల పెట్టుబ‌డులు సంప‌ద‌ను పెంచి పోషిస్తున్న‌ట్లే, దీర్ఘ‌కాల రుణాలు వ‌డ్డీ భారాన్ని పెంచుతాయి. కొన్ని సంద‌ర్భాల్లో దీర్ఘ‌కాల రుణాన్ని భ‌రిస్తూ పోవాల్సిందే. యుక్త వ‌య‌సులో ఇంటి రుణం కోసం ఈఎంఐల రూపంలో ఇల్లు కొనేందుకు సిద్ద‌మైన వారు ఒకేసారి ఎక్కువ ఈఎంఐ సొమ్ము భారాన్ని మోయ‌లేరు. దీంతో ఎక్కువ కాలానికి త‌క్కువ ఈఎంఐ ఉండే విధంగా గృహ రుణం ఎంచుకుంటారు.అలాంటి సంద‌ర్భంలో మీ సంపాద‌న‌కు త‌గ్గ‌ట్లే చెల్లించే ఈఎంఐ సొమ్ము పెరుగుతూ ఉంటుంది. దీంతో రుణ కాల‌ప‌రిమితిపై ప్ర‌భావం ఉంటుంది. మీరు రూ.50 ల‌క్ష‌ల‌కు 8.5% వ‌డ్డీతో 20 ఏళ్ల కాలానికి రుణం తీసుకుంటే చెల్లించాల్సిన ఈఎంఐరూ.43,391గా ఉంటుంది. దీన్ని దృష్టిలో పెట్టుకుని 5% ఈఎంఐ విలువ ఏటా పెరుగుతుంద‌ని భావిస్తే మొత్తం రుణం 12 సంవ‌త్స‌రాల రెండు నెల‌ల్లో ముగుస్తుంది. కొంచెం భారం ఎక్కువ‌ వ‌హించేందుకు సిద్ద‌ప‌డ్డ‌ట్ల‌యితే 10% ఈఎంఐ పెరుగుతుంద‌నుకుంటే, మీ మొత్తం రుణం 10 సంవ‌త్స‌రాల్లో తీరిపోతుంది. రుణానికి సంబంధించిన అవుట్ స్టాండింగ్ బ్యాలెన్స్ త‌గ్గుతూ పోతే ఎవ‌రికైనా సంతోష‌మే.
Tags: HOW LOSE LENS

Leave a Reply

Your email address will not be published. Required fields are marked *