విడిపోయిన ఇంద్రాని, పీటర్ ముఖర్జిలు

Date:19/06/2018
ముంబై ముచ్చట్లు:
సంచలనం సృష్టించిన షీనా బోరా హత్య కేసులో ప్రధాని నిందితులైన ఇంద్రాని, పీటర్ ముఖర్జియాలు ప్రస్తుతం జైల్లో ఉన్న విషయం తెలిసిందే. అయితే ఈ జంట విడిపోవాలని నిర్ణయానికి వచ్చారు. విడాకులు కోరుతూ పీటర్ ముఖర్జియాకు నెల రోజుల కిందట ఇంద్రాణి నోటీసు పంపారు. ఆమె పంపిన నోటీసుపై సోమవారం తన అభిప్రాయాన్ని తెలిపిన ముఖర్జియా విడాకులకు సమ్మతించాడు. దీంతో 16 ఏళ్ల వారి వైవాహిక జీవితానికి స్వస్తి పలకనున్నారు. పీటర్ ముఖర్జీయా కూడా విడాకులు కోరుకుంటున్నారని ఇంద్రాణి తరఫు లాయర్ ఇదిత్ దే న్యాయస్థానానికి తెలియజేశారు. ఆర్థిక లావాదేవీలపై ఓ అవగాహనకు వచ్చిన తర్వాత ఇద్దరూ కలిసి విడాకులకు దరఖాస్తు చేశారని పేర్కొన్నాడు. తమది ప్రేమ వివాహమే కానీ, దురదృష్టవశాత్తూ అది విచ్ఛిన్నమయ్యిందని తన నోటీసులో ఇంద్రాణి పేర్కొంది. ఇప్పటికే పీటర్‌తో ఆర్థిక వ్యవహారాలపై పరస్పర అంగీకారానికి వచ్చినట్టు తెలిపింది. స్పెయిన్, లండన్‌లతోపాటు దేశంలో ఉన్న ఆస్తులు, బ్యాంకులోని ఫిక్సడ్ డిపాజిట్లు, దేశ విదేశీ సంస్థల్లో పెట్టుబడులను పంచుకోవాలని నిర్ణయించారు. ఇందుకు ఇరు వర్గాలు కూడా ఓ అంగీకారానికి వచ్చాయి. పరస్పర అంగీకారంతో బంద్రా కుటుంబ న్యాయస్థానంలో విడాకుల కోసం దరఖాస్తు చేసే ముందు తమ మధ్య ఉన్న అన్ని విభేదాలను పరిష్కరించుకోనున్నారు. కూతురు షీనా బోరా హత్య కేసులో ఇంద్రాణి, పీటర్‌ నిందితులుగా ఉన్న విషయం విదితమే. 2012లో జరిగిన షీనా బోరా హత్యోదంతం ఆలస్యంగా వెలుగులోకి వచ్చింది. ఈ కేసులో ఇంద్రాణిని 2015 ఆగస్టులో అరెస్ట్‌ చేశారు. పీటర్‌ కుమారుడు రాహుల్‌తో షీనా సన్నిహితంగా మెలుగుతుందని ఇంద్రాణి ఆమెను హత్య చేసినట్లు ఆరోపణలు ఉన్నాయి. మొదట షీనా హత్య కేసులో పీటర్‌కు ఏలాంటి సంబంధం లేదని అనుకున్నా, తర్వాత హత్యలో ఆయన ప్రమేయం కూడా ఉన్నట్లు ఆరోపణలతో ఆయనను కూడా అరెస్ట్‌ చేశారు.ఇంద్రాణి మొదట సిద్ధార్థ్‌ దాస్‌ అనే వ్యక్తితో సహజీవనం చేశారు. వారికి జన్మించిన పిల్లలు షీనా, మైఖేల్‌. వారిని తన తల్లిదండ్రుల వద్ద వదిలేసి ఇంద్రాణి ఇంట్లో నుంచి వెళ్లిపోయారు. తదనంతరం ఆమె కోల్‌కతాకు చెందిన సంజీవ్‌ ఖన్నా అనే వ్యక్తిని వివాహం చేసుకున్నారు. వీరికి వైదేహి అనే కూతురు ఉంది. షీనా, మైఖేల్‌లను ఇంద్రాణి తన తల్లిదండ్రుల వద్ద ఉంచింది. ఖన్నాతో విడిపోయిన అనంతరం ముంబాయికి వచ్చిన ఇంద్రాణి 2001లో పీటర్‌ను కలిశారు. వీరు 2002లో ప్రేమ వివాహం చేసుకున్నారు. పీటర్‌కు షీనాను తన చెల్లిగా పరిచయం చేసింది.
Tags:Indrapani and Peter Mukherjee

Leave a Reply

Your email address will not be published. Required fields are marked *