మే 14నుంచి ఇంటర్ సప్లిమెంటరీ

Date:13/04/2018
హైద్రాబాద్ ముచ్చట్లు:
తెలంగాణ ఇంటర్మీడియట్ పరీక్షా ఫలితాలు శుక్రవారం విడుదలయ్యాయి. ఫస్టియర్, సెకండియర్ ఫలితాలను ఒకేసారి విడుదల చేశారు.మే 14 నుంచి ఇంటర్మీడియట్ సప్లిమెంటరీ పరీక్షల్ని నిర్వహించనున్నారు. ఉదయం వేళల్లో ఫస్టియర్ విద్యార్థులకు, మధ్యాహ్నం వేళల్లో సెకండియర్ విద్యార్థులకు పరీక్షలు నిర్వహిస్తారు. ఏప్రిల్ 20లోగా పరీక్ష ఫీజు చెల్లించాల్సి ఉంటుంది. ఇంఫ్రూవ్‌మెంట్ రాయాలని భావించే ఫస్టియర్ విద్యార్థులు పేపర్‌కు రూ.150 చొప్పున ఫీజు కట్టాలని బోర్డు స్పష్టం చేసింది.  ఇంటర్ ఫస్టియర్‌లో 62.35 శాతం ఉత్తీర్ణత నమోదు కాగా, సెకండియర్లో 67.25 ఉత్తీర్ణత నమోదైంది. ఎప్పటిలాగే ఈ ఏడాది కూడా బాలికలే పై చేయి సాధించారు. ఫస్టియర్‌లో బాలికలు 69 శాతం సాధిస్తే.. బాలురు 55.66 శాతం మాత్రమే ఉత్తీర్ణత సాధించారు. సెకండియర్‌లో 73.25 శాతం మంది బాలికలు, 61 శాతం మంది బాలురు ఉత్తీర్ణులయ్యారు. సప్లిమెంటరీ ప్రాక్టికల్ పరీక్షలను మే 24 నుంచి మే 28 తేదీల మధ్య నిర్వహిస్తారు. ఎథిక్స్, హ్యూమన్ వాల్యూస్ పరీక్షను మే 29న, ఎన్విరాన్‌మెంటల్ ఎడ్యుకేషన్‌ పరీక్షను మే 30న నిర్వహిస్తారు.
Tags:Inter Supplementary from May 14

Leave a Reply

Your email address will not be published. Required fields are marked *