Joginati's second marriage

జోగినాయుడు రెండో పెళ్లి

Date:17/08/2018
హైద్రాబాద్ ముచ్చట్లు:
జెమినీ టీవీలో ప్రసారం అయిన ‘జోగి బ్రదర్స్’ కార్యక్రమంలో తనదైన శైలి యాసతో పాపులర్ అయిన జోగి నాయుడు రెండో వివాహం చేసుకున్నారు. అన్న‌వ‌రం శ్రీ స‌త్యనారాయ‌ణ స్వామి ఆల‌యంలో విశాఖ జిల్లా చెర్లోపాలెంకి చెందిన సౌజ‌న్య‌ను రెండో వివాహం చేసుకున్నారు . మొదట్లో ప్రముఖ యాంకర్ ఝాన్సీని ప్రేమించి పెళ్లాడాడు జోగి నాయుడు.
జెమినీ టీవీలో ప్రోగ్రాం డైరెక్టర్‌గా పనిచేస్తున్న సమయంలో జోగినాయుడు, యాంకర్ ఝాన్సీల మధ్య పరిచయం ప్రేమగా మారడంతో ఇద్దరూ పెళ్లి పీటలు ఎక్కారు. ఇద్దరికీ ఓ కుమార్తె కూడా ఉంది. అయితే వివాహం అనంతరం ఇద్దరి మధ్య బేధాభిప్రాయాలు తలెత్తడంతో 2014లో విడాకులు తీసుకున్నారు. ఝాన్సీ యాంకరింగ్‌తో పాటు సినిమాలతో బిజీగా ఉండగా.. జోగి నాయుడు అప్పుడప్పుడూ వెండి తెరపై కనిపించేవారు.
ఈవీవీ సత్యనారాయణ దర్శకత్వంలో వచ్చిన ‘మా ఆవిడ మీద ఒట్టు.. మీ ఆవిడ చాలా మంచిది’ అనే చిత్రంతో బుల్లి తెర నుండి వెండి తెరకు పరిచయం అయ్యారు జోగి నాయుడు. ఆ తరువాత అమ్మ నాన్న ఓ తమిళ అమ్మాయి, ఠాగూర్, వాసు, స్వామిరారా, కార్తికేయ చిత్రాల్లో కనిపించారు. యాంకర్ ఝన్సీతో విడిపోయిన 4 సంవత్సరాల తర్వాత రెండో పెళ్లి చేసుకున్న జోగి నాయుడు వివాహానికి టాలీవుడ్‌కి చెందిన కొద్దిమంది ప్రముఖులు, స్నేహితులు మాత్రమే హాజరయ్యారు.
Tags:Joginati’s second marriage

Leave a Reply

Your email address will not be published. Required fields are marked *