గూడూరు రోడ్లను పరిశీలించిన ఎమ్మెల్యే
గూడూరు ముచ్చట్లు:
గూడూరు పట్టణ పరిధిలో ఖాళీ స్థలాలు కలిగిన యజమానులు వాటిని పరిశుభ్రంగా ఉంచాలని లేనిపక్షంలో చట్టప్రకారం చర్యలు తీసుకుంటామని గూడూరు ఎమ్మెల్యే వరప్రసాదరావు పేర్కొన్నారు . గూడూరు పట్టణ పరిధిలోని బజార్ వీధి , బనిగి సాహెబ్ పేట , అశోక్ నగర్ ప్రాంతాల్లోని రోడ్లను ఎమ్మెల్యే వరప్రసాదరావు పరిశీలించారు . ఆయన వెంట గూడూరు మున్సిపల్ కమిషనర్ శ్రీకాంత్ , వైసిపి నాయకులు , స్థానిక వార్డు సచివాలయం సిబ్బంది , తదితరులు పాల్గొన్నారు .గూడూరు ఎమ్మెల్యే వరప్రసాదరావు గూడూరు పట్టణంలోని గాంధీ బొమ్మ నుండి బజారు వీధి మీదుగా అశోక్ నగర్ వరకు ఉన్న రోడ్లను ఆయన పరిశీలించారు . ఈ సందర్భంగా మున్సిపల్ శాఖ అధికారులకు పలు సూచనలు చేశారు . ఎమ్మెల్యే వరప్రసాదరావు మీడియాతో మాట్లాడుతూ పట్టణ పరిధిలో పారిశుధ్యం పై ప్రత్యేక శ్రద్ధ తీసుకొని చర్యలు చేపడుతున్నామని తెలిపారు . కావున పట్టణ ప్రజలు మున్సిపల్ శాఖ సిబ్బందికి సహకరించి గూడూరు పరిశుభ్రంగా ఉండేలా సహకారం అందించాలని కోరారు . ప్రజలకు అసౌకర్యంగా ఉండకుండా మున్సిపల్ శాఖ అధికారులు చర్యలు చేపడతారు అని తెలిపారు .
Tags: MLA inspecting Gudur roads