More than one hundred dead in Cuba accident

క్యూబా ప్రమాదంలో వందకు పైగా మృతులు

Date:19/05/2018
న్యూఢిల్లీ ముచ్చట్లు:
క్యూబాలో ఘోర విమానం ప్రమాదం చోటు చేసుకుంది. శుక్రవారం హవానా నుంచి తూర్పు క్యూబాలోని హోల్గున్‌ బయల్దేరిన విమానం టేకాఫ్ అయిన కాసేపటికే క్రాష్ అయ్యింది. ఈ ఘటనలో వంద మందికిపైగా ప్రాణాలు కోల్పోయినట్లు తెలుస్తోంది. ప్రమాదానికి గురైన బోయింగ్ 737 విమానంలో 105 మంది ప్రయాణికులు, 9 మంది సిబ్బంది ఉన్నారని జాతీయ మీడియా వెల్లడించింది. ప్లయిట్‌లో ఉన్న 114 మందిలో ముగ్గురు మాత్రమే తీవ్ర గాయాలతో బతికి బయటపడ్డారని క్యూబా అధ్యక్షుడు మిగ్యుయెల్ డియాజ్ కానెల్ తెలిపారు. ప్రమాదం విషయం తెలిసిన వెంటనే ఆయన సంఘటన స్థలానికి చేరుకున్నారు. ప్రమాదానికి కారణాలు తెలుసుకోవడానికి దర్యాప్తు ప్రారంభించినట్లు ఆయన తెలిపారు. హవానాకు 20 కి.మీ దూరంలో ఈ ప్రమాదం జరగ్గా.. పెద్ద పేలుడు శబ్దం వినిపించిందని, తర్వాత ఆకాశంలో దట్టమైన పొగ కమ్ముకుందని విమానం కూలిన ప్రదేశానికి దగ్గర్లో రెస్టారెంట్ నడిపే గిల్బెర్టో మెనెన్డ్‌జ్ తెలిపారు. ప్రమాదానికి గురైన విమానాన్ని గ్లోబల్ అనే మెక్సికన్ ఎయిర్‌లైన్ నుంచి క్యూబానా ఎయిర్‌లైన్ లీజుకు తీసుకుందని ఆ దేశ మీడియా తెలిపింది. 1979లో ఈ విమానాన్ని తయారు చేసినట్టు మెక్సికో ప్రభుత్వం తెలిపింది.
Tags:More than one hundred dead in Cuba accident

Leave a Reply

Your email address will not be published. Required fields are marked *