ఏదీ నిజం… ఏదీ అబద్దం

Date:13/02/2018
హైద్రాబాద్ ముచ్చట్లు:
పార్ల‌మెంటులో కేంద్ర ప్ర‌భుత్వం బ‌డ్జెట్ స‌మ‌ర్పించిన రోజు నుంచి ఆంధ్ర‌ప్ర‌దేశ్ ప్ర‌భుత్వం కేంద్రంపై త‌న అసంతృప్తిని వెళ్ల‌గ‌క్కుతూ ఉన్న‌ది. కేంద్రం ఒక‌లా, రాష్ట్ర ప్ర‌భుత్వం మ‌రోలా చెబుతుండ‌టంతో ప్ర‌జ‌ల్లో ఒక విధ‌మైన ఆందోళ‌న నెల‌కొని ఉంది. ఈ అస్ప‌ష్ట‌త నేప‌థ్యంలో కేంద్రంలోని భాజ‌పా వాద‌న‌, తెలుగుదేశం పార్టీలు వాద‌న‌ల‌ ఇలా వున్నాయి.
1. విభ‌జ‌న చ‌ట్టం ప్ర‌కారం రాష్ట్ర రెవెన్యూలోటును కేంద్రంతీర్చాలి.
భాజ‌పా వాద‌న‌: రెవెన్యూ లోటుకు సంబంధించి ఇప్ప‌టి వ‌ర‌కూ రూ.3979.5 కోట్లు విడుద‌ల చేశాం.
2015-20 నాటికి రూ.22,113 కోట్లు ఇస్తాం.
తెలుగుదేశం పార్టీ ఏం చెబుతోంది: 2014-15 సంవ‌త్స‌రానికి రూ.16 వేల కోట్ల లోటు ఉంద‌ని కంప్ట్రోల‌ర్ అండ్ ఆడిట‌ర్ జ‌న‌ర‌ల్ చెప్ప‌డం జ‌రిగింది. అయిన‌ప్ప‌టికీ కేవ‌లం రూ.4 వేల కోట్లు మాత్ర‌మే లోటు ఉన్న‌ట్లు కేంద్రం వాదిస్తోంది. ఇప్ప‌టికే రూ.3800 కోట్లు ఇవ్వ‌డం జ‌రిగింద‌ని ఇంకా వ‌చ్చేది రూ.120 కోట్లు మాత్ర‌మే ఇస్తామ‌ని చెబుతున్నారు.
2. బ‌డ్జెట్లో ఆంధ్ర రాజ‌ధాని అమ‌రావతి ఊసేలేదు
భాజ‌పా వాద‌న‌: రాజ‌ధాని నిర్మాణానికి రూ.3500 కోట్లిచ్చాం
తెలుగుదేశం పార్టీ ఏం చెబుతోంది: అమ‌రావ‌తి రాజ‌ధానికి కేవ‌లం రూ.1500 కోట్లు మాత్ర‌మే ఇచ్చారు. ఇందుకుగాను 6 లక్ష‌ల చ‌ద‌ర‌పు అడుగుల విస్తీర్ణం క‌లిగిన స‌చివాలయం, అసెంబ్లీ భ‌వ‌నాలు నిర్మించాము. 80 ల‌క్ష‌ల చ‌ద‌ర‌పు అడుగుల విస్తీర్ణంలో అధికారులు, సిబ్బంది నివాస భ‌వ‌నాలు నిర్మాణంలో ఉన్నాయి. అనేక రోడ్డు నిర్మాణంలో ఉన్నాయి. కొండ‌వీటీ వాగు లిఫ్ట్ నిర్మాణంలో ఉన్న‌ది
రాజ్ భ‌వ‌న్, స‌చివాల‌యం, హైకోర్టు, అసెంబ్లీ, కౌన్సిల్ నిర్మాణాల‌తో పాటు మౌలిక వ‌స‌తుల కోసం రూ.42,935 కోట్లు అవ‌స‌రం. ఈ అవ‌స‌రంతో పోలిస్తే కేంద్రం ఇచ్చింది ఏ విధంగానూ స‌రిపోదు. వీటికి సంబంధించి కేంద్ర ప్ర‌భుత్వానికి రాష్ట్ర ప్ర‌భుత్వం డీపీఆర్ సైతం స‌మ‌ర్పించిన‌ట్లుగా చెబుతున్నారు.
విజ‌య‌వాడ‌-గుంటూరు డ్రైనేజికి రూ.1000 కోట్లు మాత్ర‌మే ఇచ్చారు. మెట్రో రైలు ఇవ్వ‌లేదు. రాజ‌ధానికి రైల్వే ప్రాజెక్టులు మంజూరు చేయ‌లేదు. ఇప్ప‌టికే అభివృద్ది చెందిన న‌గ‌రాలైన బెంగుళూరు, ముంబ‌యి రైల్వే ప్రాజెక్టుల కోసం వేల కోట్లు కేటాయించారు.
3. వెనుక‌బ‌డ్డ ఏడు జిల్లాల‌ను వదిలేశారు
భాజ‌పా వాద‌న‌: వెనుక‌బ‌డిన జిల్లాల అభివృద్దికి ప్ర‌త్యేక ప్యాకేజీ
తెలుగుదేశం పార్టీ ఏం చెబుతోందంటే: కేబీకే, బుందేల్‌ఖండ్ త‌ర‌హా ప్యాకేజీ రాయ‌ల‌సీమ‌, ఉత్త‌రాంధ్ర‌ల‌కు ఇస్తామ‌ని నాటి ప్ర‌ధాని పార్లమెంటులో హామీ ఇచ్చారు. కానీ కేబీకే, బుందేల్ ఖండ్ ప్రాంతాల‌కు రూ.6 వేల కోట్లు ఇచ్చారు. అదే స‌మ‌యంలో ఏపీ రూ.24,350 కోట్లు అడిగితే, కేవ‌లం రూ. 1050 కోట్లు మాత్ర‌మే విదిల్చారు.
4. ఆనాడు పార్ల‌మెంటులో ప్ర‌త్యేక హోదా 5,10 కాదు ప‌దిహేనేళ్లు కావాల‌ని భాజ‌పా డిమాండ్ చేసింది.
భాజ‌పా వాద‌న‌: ప‌్ర‌త్యేక సాయం
తెలుగుదేశం పార్టీ ఏం చెబుతోంది: ప‌్ర‌త్యేక హోదా 15 ఏళ్లు ఇస్తామ‌ని చెప్పారు. త‌ర్వాత 2017 త‌ర్వాత హోదా క‌ల్పించిన రాష్ట్రాల‌కు కూడా హోదాను తీసేస్తామ‌ని చెప్పి త‌ర్వాత అన్నింటికీ పొడిగించారు. 2016 సెప్టెంబ‌రు 8న అరుణ్ జైట్లీ ఏపీకి ప్ర‌త్యేక ప్ర‌యోజ‌నం కింద కొంత సొమ్మును ప్ర‌క‌టించిన‌ప్ప‌టికీ ఇంత‌వ‌ర‌కూ నిధులు విడుద‌ల చేయ‌లేదు. రాష్ట్ర ప్ర‌భుత్వం రూ.18,857 కోట్ల ప్ర‌తిపాద‌న‌లు ఈఏపీ ప్రాజెక్టు కింద కేంద్రానికి పంపితే ఇంత వ‌ర‌కూ ఆమోదం తెల‌ప‌లేదు.
5. పోల‌వరం సంగ‌తి ఇదీ
భాజ‌పా వాద‌న‌: పోల‌వ‌రానికి 100% నిధులు ఇచ్చాం. ఇప్ప‌టి వ‌ర‌కూ రూ.4662.28 కోట్లు విడుద‌ల చేశాం.
తెలుగుదేశం పార్టీ ఏం చెబుతోంది: 2014-15 అంచ‌నాల ప్ర‌కారం రూ. 54 వేల కోట్ల అంచ‌నాల‌ను 2016 ఆగ‌స్టులో కేంద్రానికి ఇవ్వ‌డ‌మైంది. ఇందులో భూప‌రిహారం, పున‌రావాసానికి రూ.33 వేల కోట్లు అవుతుంది. స‌హాయ పున‌రావ‌సంపై బ‌డ్జెట్ సంద‌ర్భంగా స్ప‌ష్ట‌త ఇవ్వ‌లేదు.
పోల‌వరానికి రూ.7900 కోట్ల‌ను ఏపీ ప్ర‌భుత్వం ఖ‌ర్చు చేసింది. రాష్ట్రం ఖ‌ర్చు పెట్టిన దాంట్లో ఇంకా రూ.3500 కోట్లు కేంద్రం ఇప్ప‌టిదాకా విడుద‌ల చేయ‌లేదు.
6. ఇలాగైతే ఐఐటీ పూర్త‌యినట్లే
భాజ‌పా వాద‌న‌: ఐఐటీకి రూ.90.93 కోట్లు విడుదల చేశాం
తెలుగుదేశం పార్టీ ఏం చెబుతోంది: ఐఐటీకి మొత్తం ఖ‌ర్చు రూ.700 కోట్లు అంచ‌నా కాగా నాలుగేళ్ల‌లో కేంద్రం ఇచ్చింది కేవ‌లం రూ.90.03 కోట్లు మాత్ర‌మే.
7. ఎన్ఐటీ విష‌య‌మై ఒక్కోరు ఒక‌లా
భాజ‌పా వాద‌న‌: ఎన్ఐటీకి రూ.50 కోట్లు విడుద‌ల చేశామ‌ని కేంద్రంలోని భాజ‌పా ప్ర‌భుత్వం అంటోంది.
తెలుగు దేశం పార్టీ ఏం చెబుతున్న‌ది: ఎన్ఐటీకి మొత్తం ఖ‌ర్చు రూ.470 కోట్లు అంచ‌నా కాగా నాలుగేళ్ల‌లో కేంద్రం ఇచ్చింది కేవ‌లం రూ.50 కోట్లు మాత్ర‌మే, తూర్పు గోదావ‌రి జిల్లాలోని తాడేప‌ల్లిగూడెంలో నిర్మిత‌మ‌య్యే ఎన్ఐటీ నిర్మాణానికి రాష్ట్రం 176 ఎక‌రాల‌ను ఇచ్చింది.
8. ట‌్రిపుల్ ఐటీ
భాజ‌పా వాద‌న‌: ట‌్రిపుల్ ఐటీకి రూ.20 కోట్లు విడుద‌ల చేశాం
తెలుగుదేశం పార్టీ ఏం చెబుతోంది: ట‌్రిపుల్ ఐటీకి మొత్తం ఖ‌ర్చు రూ.125 కోట్లు అంచ‌నా కాగా అందులో ఇప్ప‌టి వ‌ర‌కూ కేంద్రం రూ.20 కోట్లు మాత్ర‌మే కేటాయించింది.
9. ఇలాగైతే కేంద్రీయ విశ్వ‌విద్యాల‌యం పూర్త‌య్యేందుకు 30 ఏళ్లు
భాజ‌పా వాద‌న‌: కేంద్రీయ విశ్వ‌విద్యాల‌యానికి రూ.10 కోట్లు ఇచ్చారు.
తెలుగుదేశం పార్టీ ఏం చెబుతోంది: పార్ల‌మెంటులో సెంట్ర‌ల్ యూనివ‌ర్సిటీకి బిల్లు పెడ‌తామ‌ని ఇంత వ‌ర‌కూ పెట్ట‌లేదు.
10. భాజ‌పా వాద‌న‌: ఐఐఎస్ఈఆర్ సంస్థ‌కు రూ.64 కోట్లిచ్చాం
తెదేపా చెబుతున్న‌దేమిటి: రూ. 870 కోట్ల అంచ‌నాతో ఉన్న యూనివ‌ర్సిటీకి నాలుగేళ్ల‌లో కేవ‌లం 64 కోట్లు విడుద‌ల చేశారు. రాష్ట్ర ప్ర‌భుత్వం రూ.1000 కోట్ల విలువైన భూమిని కేంద్రానికి అప్ప‌గించింది.
11. భాజ‌పా వాద‌న‌: ఐఐఎంకు రూ.92 కోట్లు విడుద‌ల
తెదేపా వాద‌న‌: విశాఖ ఐఐఎంకు 680 కోట్ల అంచాలు వేయ‌గా కేంద్రం రూ.92 కోట్లు ఇచ్చింది.
దానికి సంబంధించిన విద్యా సంస్థ‌కు అవ‌స‌ర‌మైన 335 ఎక‌రాల‌ను రాష్ట్రం సేక‌రించి ఇచ్చింది.
12. భాజ‌పా వాద‌న‌: వ‌్య‌వ‌సాయ విశ్వ విద్యాల‌యానికి రూ.135 కోట్లు విడుద‌ల‌
తెదేపా వాద‌న‌: రాష్ట్రం భూమి చూపించినా ప‌నులు వేగ‌వంతం చేయ‌లేదు.
13. భాజ‌పా వాద‌న‌: జాతీయ ర‌హ‌దారి ప్రాజెక్టులు, రోడ్డు క‌నెక్టివిటీ కింద రూ.1 ల‌క్ష కోట్లు ఖ‌ర్చు చేస్తాం
తెదేపా వాద‌న‌: అన్ని రాష్ట్రాల‌కు ఇచ్చిన‌ట్లుగా ఇచ్చారు త‌ప్పితే ఏపీకి ప్ర‌త్యేకంగా ఏమీ ఇవ్వ‌లేదు.
అనంత‌-అమ‌రావ‌తి ర‌హ‌దారి నిర్మాణానికి భూసేక‌ర‌ణ జ‌రుగుతోంది. ప్రాజెక్టు అంచ‌నా రూ.25,000 కోట్లు. బ‌డ్జెట్లో ఒక్క రూపాయి కేటాయించ‌లేదు. భూసేక‌ర‌ణ కోసం అయ్యే ఖ‌ర్చును రాష్ట్ర ప్ర‌భుత్వ‌మే భ‌రిస్తుంద‌ని తెలిపినా కేంద్రం నుంచి స్పంద‌న లేదు.
14. భాజ‌పా వాద‌న‌: 180 కిలోమీట‌ర్ల అమ‌రావ‌తి అవుట‌ర్ రింగ్ రోడ్డుకు కేంద్రం ఆర్థిక సాయం అంద‌జేస్తోంది. రూ.20 వేల కోట్ల‌ను అంద‌జేయ‌నున్నాం.
తెదేపా వాద‌న‌: ప‌్రాజెక్టు ఇంకా డీపీఆర్ ద‌శ‌లోనే ఉంది.
15. ఆంధ్ర‌ప్ర‌దేశ్ రాష్ట్రానికి సంబంధించి మెట్రో ప్ర‌స్తావ‌నే లేదు
భాజ‌పా వాద‌న‌: విశాఖ‌, విజ‌య‌వాడ మెట్రో
తెదేపా వాద‌న‌: ఈ ఏడాది బ‌డ్జెట్లో విశాఖ‌ప‌ట్నం, విజ‌య‌వాడ మెట్రో రైల్వే గురించి ఎలాంటి ప్ర‌క‌ట‌నా లేదు.
16. భాజ‌పా వాద‌న‌: కాకినాడ పెట్రో కెమిక‌ల్ కాంప్లెక్స్
తెదేపా వాద‌న‌: ఈ ప్రాజెక్టుకు సంబంధించి ఎలాంటి పురోగ‌తి లేదు. ప్రాజెక్టు విలువ రూ.32,900 కోట్లు. ఫైనాన్స్ వ‌య‌బుల్ కింద కేంద్రం రూ.5 వేల కోట్లు ఇవ్వాలి. కేంద్రం ప‌ట్టించుకోవ‌డం లేదు.
17. భాజ‌పా వాద‌న‌: క‌డ‌ప‌, రాజమండ్రి ఎయిర్‌పోర్టుల‌ను అభివృద్ది చేస్తామ‌ని చెప్పారు.
తెదేపా వాద‌న‌: క‌డ‌ప‌, రాజ‌మండ్రి విమాన‌శ్ర‌యం అభివృద్ది ప‌నులు న‌త్త‌న‌డ‌క‌న సాగుతున్నాయి.
18. భాజ‌పా వాద‌న‌: వైజాగ్ స్టీల్ ప్లాంట్ విస్త‌ర‌ణ‌
తెదేపా వాద‌న‌: కేంద్రం నుంచి ఎలాంటి స‌హ‌కారం లేదు.
19. భాజ‌పా వాద‌న‌: దుగ‌రాజ‌ప‌ట్నం పోర్టును ఎయిర్‌పోర్ట్ అథారిటీ, ఇస్రో వ్య‌తిరేకిస్తున్నాయి.
తెదేపా వాద‌న‌: ఎలాంటి పురోగ‌తి లేదు. సాంకేతిక కార‌ణాల‌ను సాకుగా చూపుతూ పోర్టు ప‌నుల‌ను నిర్ల‌క్ష్యం చేస్తున్నారు.
20. భాజ‌పా వాద‌న‌: క‌డ‌ప ఉక్కు ఫ్యాక్ట‌రీకి సంబంధించి పీపీపీ కింద నిర్మాణం ప్రారంభం చేస్తాం
తెదేపా వాద‌న‌: ఎలాంటి పురోగ‌తి లేదు. రాష్ట్ర ప్ర‌భుత్వం ప‌లుమార్లు విజ్ఞ‌ప్తి చేసిన‌ప్ప‌టికీ ప‌ట్టించుకోవ‌డం లేదు. ఫీజ‌బిలిటీ లేదంటున్నారు. నివేదిక‌ను పెండింగ్లో పెట్టారు.
21. భాజ‌పా వాద‌న‌: 2014 త‌ర్వాత విద్యుత్ ఉత్పాద‌క‌త గ‌ణ‌నీయంగా పెరిగింది.
గ‌డిచిన మూడున్న‌రేళ్ల‌లో విద్యుత్ ప్రసార శ‌క్తి రెండు రెట్ల‌యింది.
దీని వ‌ల్ల యూనిట్ ధ‌ర మూడు రూపాయ‌ల‌కు ప‌డిపోయింది.
తెదేపా వాద‌న‌: విభ‌జ‌న త‌ర్వాత ఆంధ్ర‌ప్ర‌దేశ్ వ‌ద్ద మిగులు విద్యుత్ ఉంది. దాని వల్ల వచ్చిన ల‌బ్దే త‌ప్ప కేంద్ర‌ప్ర‌భుత్వం ప్ర‌త్యేకంగా రాష్ట్రానికి చేసిందేమీ లేదు.
22. భాజ‌పా వాద‌న‌: 2009-14 మ‌ధ్య రైల్వేల‌కు కేటాయించింది రూ. 5100 కోట్లు. అదే 2014-19లో రాష్ట్ర రైల్వే ప్రాజెక్టుల‌కు రూ.14,151 కోట్లు కేటాయించ‌డ‌మైన‌ది.
తెదేపా వాద‌న‌: ప‌్రాజెక్టుల అంచ‌నాలు, అవ‌స‌ర‌మైన నిధుల గురించి తెలిపారే త‌ప్ప ఇప్ప‌టి వ‌ర‌కూ ఎన్ని నిధులు మంజూరు చేసింది? ఇంకా ఎన్ని నిధులు విడుద‌ల చేయాల‌నే వివ‌రాల‌ను తెలుప‌లేదు.
రూ.3631 కోట్లు వ్య‌యం అయ్యే గుంటూరు-గుంత‌క‌ల్ లైనుకు 2017-18లో రూ.124 కోట్లు కేటాయించ‌డం జ‌రిగింది. ఈ విధంగా అయితే ఆ ప్రాజెక్టు ఎప్ప‌టికి పూర్త‌వ్వాలని తెదేపా వ‌ర్గాలు ప్ర‌శ్నిస్తున్నాయి.
23. కేంద్ర విద్యా సంస్థల గురించి
భాజ‌పా వాద‌న‌: ఇండియ‌న్ ఇనిస్టిట్యూట్ ఆఫ్ ప్యాకేజీ, ఇండియ‌న్ ఇనిస్టిట్యూట్ ఆఫ్ ఫారిన్ ట్రేడ్ సంస్థ‌లు ఒక్కొక్క‌టి 25 ఎక‌రాల్లో ఉండేలా మంజూరు చేయ‌డం జ‌రిగింది.
తెదేపా వాద‌న‌: 25 ఎక‌రాల్లో అభివృద్ది చేయాల్సిన సంస్థ‌ల‌కు ఒక్కోదానికి 2018-19 కేంద్ర బడ్జెట్లో రూ.5 కోట్లు చొప్పున మంజూరు చేశారు. ఈ విధంగా అయితే అవి ఎప్ప‌టికి పూర్త‌య్యేనో.
24. స్మార్ట్ సిటీలు
కేంద్రంలోని భాజపా వాద‌న‌: రాష్ట్రానికి 4 స్మార్ట్ సిటీలు(వైజాగ్, కాకినాడ‌, తిరుప‌తి, అమ‌రావ‌తి)
మంజూరు చేయ‌డం జ‌రిగింది. వాటికి రూ.1500 కోట్లు కేటాయంచ‌డం జ‌రిగింది.
తెదేపా ఏం చెబుతోంది: స్మార్ట్ సిటీలు ప్ర‌క‌టించారే తప్ప అభివృద్ధి కొర‌కు ఇప్ప‌టిదాకా ఎటువంటి నిధులు మంజూరు చేయ‌లేదు.
Tags: Nothing is true … nothing lied

Leave a Reply

Your email address will not be published. Required fields are marked *