On Wednesday, Shri Govindarajaswamy temple is celebrated for the flower festival

బుధవారం నాడు  శ్రీగోవిందరాజస్వామివారి ఆలయంలో పుష్పయాగానికి అంకురార్పణ

Date:19/06/2018
తిరుపతి  ముచ్చట్లు:
తిరుపతిలోని శ్రీగోవిందరాజస్వామివారి ఆలయంలో జూన్ 21వ తేదీన పుష్పయాగం జరుగనుంది. ఇందుకోసం జూన్ 20వ తేదీ బుధవారం సాయంత్రం 6.00 నుంచి 8.00 గంటల వరకు సేనాధిపతి ఉత్సవం, అంకురార్పణం నిర్వహిస్తారు.  మే 21 నుండి 29వ తేదీ వరకు వరకు శ్రీగోవిందరాజస్వామివారి వార్షిక బ్రహ్మోత్సవాలు జరిగిన విషయం విదితమే. ఈ ఉత్సవాల్లో గానీ, నిత్యకైంకర్యాల్లో గానీ అర్చక పరిచారకుల వల్ల, అధికార అనధికారుల వల్ల, భక్తుల వల్ల తెలిసీ తెలియక ఏవైనా లోపాలు జరిగి ఉంటే వాటికి ప్రాయశ్చిత్తంగా పుష్పయాగం నిర్వహించడం ఆనవాయితీగా వస్తోంది. జూన్ 21వ తేదీ ఉదయం 9.30 గంటలకు స్నపనతిరుమంజనం, మధ్యాహ్నం 1.00 నుంచి 4.00 గంటల వరకు పుష్పయాగం, సాయంత్రం 5.30 గంటలకు వీధి ఉత్సవం జరుగనున్నాయి. పుష్పయాగంలో వివిధ రకాల పుష్పాలతో శ్రీదేవి, భూదేవి సమేత శ్రీ గోవిందరాజస్వామివారికి విశేషంగా అభిషేకం చేస్తారు. గృహస్తులు(ఇద్దరు) రూ.516/- చెల్లించి ఈ యాగంలో పాల్గొనవచ్చు. గృహస్తులకు ఒక రవికె, ఉత్తరీయం బహుమానంగా అందజేస్తారు.
Tags: On Wednesday, Shri Govindarajaswamy temple is celebrated for the flower festival

Leave a Reply

Your email address will not be published. Required fields are marked *