Pawan Tour from 26th

 26 నుంచి పవన్ టూర్

Date:21/06/2018
విశాఖపట్టణం ముచ్చట్లు:
రంజాన్‌ నేపథ్యంలో పోరాటయాత్ర నుంచి విరామం తీసుకున్న జనసేన అధ్యక్షుడు పవన్ కల్యాణ్ ఆ యాత్రను త్వరలోనే మళ్లీ ప్రారంభించనున్నట్టుగా తెలుస్తోంది. ఈ నెల 26వ తేదీ నుంచి పవన్ యాత్ర విశాఖ నుంచి మళ్లీ మొదలవుతుందని జనసేన ప్రకటించింది. దాదాపు పది రోజుల కిందట పవన్ కల్యాణ్ పోరాట యాత్ర ఆగింది. శ్రీకాకుళం, విజయనగరం జిల్లాల పర్యటన పూర్తి అవుతున్న దశలో పవన్ యాత్రకు బ్రేక్ పడింది. పవన్ వ్యక్తిగత సిబ్బందిలో ముస్లింలున్నారని, వారికి రంజాన్ సెలవులు ఇవ్వడానికి యాత్రను పవన్ ఆపారని జనసేన ప్రకటించింది. రంజాన్ తర్వాత యాత్ర పున:ప్రారంభం ఎప్పుడనే అంశం గురించి ఆ పార్టీ అప్పట్లో ఏమీ ప్రకటించలేదు. తాజాగా అందుకు సంబంధించిన ప్రకటన చేసింది. ఈ నెల 26 నుంచి విశాఖ జిల్లాలో పవన్ పర్యటిస్తారని పేర్కొంది. అంతలోపే పవన్ కల్యాణ్ విజయవాడలో మూడు రోజుల పాటు పర్యటిస్తారని జనసేన తెలిపింది. ఈ నెల 23, 24, 25 తేదీల్లో జనసేనాధిపతి విజయవాడలో పర్యటిస్తారని ఆ పార్టీ ప్రకటించింది. ఈ సందర్భంగా అక్కడ నాయకులు, కార్యకర్తలతో పవన్ సమావేశం అవుతారని వివరించింది. 25తో విజయవాడలో పర్యటన పూర్తి అవుతుందని, అనంతరం విశాఖ బయల్దేరి వెళ్తారని.. 26వ తేదీ నుంచి విశాఖలో పోరాటయాత్ర సాగుతుందని ప్రకటించింది.
26 నుంచి పవన్ టూర్http://www.telugumuchatlu.com/pawan-tour-from-26th/
Tags:Pawan Tour from 26th

Leave a Reply

Your email address will not be published. Required fields are marked *