తిరుచ్చి నుంచే రజనీ యాత్ర

Date:15/02/2018
చెన్నై ముచ్చట్లు:
రాజకీయ పార్టీని ఏర్పాటు చేస్తున్నానని డిసెంబర్ 31న ప్రకటించిన సూపర్ స్టార్ రజనీ కాంత్.. త్వరలోనే రాజకీయ యాత్రకు శ్రీకారం చుడుతున్నారు. పార్టీ నిర్మాణం విషయంలో బిజీగా ఉన్న తలైవా.. ఏప్రిల్ నుంచి జనం మధ్యకు రానున్నారు. ఆయన తొలి రాజకీయ సమావేశాన్ని తిరుచ్చిలో ఏర్పాటు చేస్తున్నట్లు ప్రకటించారు. జయలలిత మరణంతో తమిళనాట రాజకీయ అనిశ్చితి నెలకొంది. దీంతో ఎన్నో ఏళ్లుగా రాజకీయాలపై నాన్చుతూ వచ్చిన రజినీ ఇటీవల మాత్రం పార్టీ ఏర్పాటు చేస్తున్నట్లు ప్రకటించారు.తమిళనాట రాజకీయ రంగ ప్రవేశం చేసే వారికి తిరుచ్చి అచ్చొచ్చిన ప్రాంతం. గతంలో ఇక్కడి నుంచే రాజకీయ ప్రస్థానం ప్రారంభించిన నాయకులు తమిళనాడు రాజకీయాలను శాసించారు. ఈ సెంటిమెంట్‌తోనే రజినీ కూడా తిరుచ్చి నుంచే తన రాజకీయ ప్రస్థానాన్ని మొదలుపెడుతున్నారు.రజినీ పొలిటికల్ ఎంట్రీ నేపథ్యంలో తమిళరువి మానియన్ అనే రాజకీయ నేత ఆయన్ని గురువారం సంప్రదించారు. చెన్నైలోని రజినీ నివాసానికి వెళ్లిన ఆయన త్వరలోనే పూర్తి వివరాలు వెల్లడిస్తానని చెప్పారు.
Tags: Rajni trip to Thiruthani

Leave a Reply

Your email address will not be published. Required fields are marked *