Seasonal attack (Karimnagar)

సీజనల్ దాడి (కరీంనగర్)

 Date:16/08/2018
కరీంనగర్ ముచ్చట్లు:
ఉమ్మడి జిల్లాలో సీజనల్‌ వ్యాధుల నియంత్రణకు ముందస్తు చర్యలు చేపట్టకపోవడంతో డెంగీ, మలేరియా లాంటి రోగాలు పురివిప్పుతున్నాయి. జిల్లా ఆసుపత్రికి వస్తున్న బాధితుల సంఖ్య రోజు రోజుకూ పెరుగుతోంది. దీనికి తోడు సరైన వసతులు కరవవడంతో రోగులకు ఇబ్బందులు తప్పడం లేదు. తెల్ల రక్తకణాలు తగ్గి, తీవ్ర జ్వరాలతో మంథని మండలం గోపాలపురం గ్రామం నుంచే పది మందికి పైగా ఆసుపత్రిలో చేరడం చూస్తే.. జిల్లాలో డెంగీ, మలేరియా వ్యాధుల తీవ్రత ఏ స్థాయిలో ఉందో చెప్పవచ్చు.
కరీంనగర్‌ ప్రభుత్వ ఆసుపత్రిలో రోజు రోజుకూ పెరుగుతున్న రోగులకు అనుకూలంగా సౌకర్యాలు కల్పించకపోవడంతో రోగులు తీవ్ర ఇబ్బందులు పడుతున్నారు. రోజువారీగా నిర్వహించాల్సిన డెంగీ నిర్ధారణ పరీక్షలు మూడు రోజులకోసారి నిర్వహించడం, రక్తకణాలు తగ్గి ఆసుపత్రిలో అడ్మిటైన రోగులకు సరిపడా ప్లేట్‌లెట్స్‌ రక్తనిధి కేంద్రంలో అందుబాటులో లేకపోవడం, రోగులకు సరిపడా పడకలు, దుప్పట్లు అందుబాటులో లేకపోవడంతో చికిత్స నిమిత్తం జిల్లా ఆసుపత్రికి వచ్చిన రోగులు ఇబ్బంది పడుతున్నారు. సీజనల్‌ జ్వరాల దృష్ట్యా ఆసుపత్రిలో ప్రత్యేక వార్డుల ఏర్పాటుతో పాటు సరిపడా మందులు, వైద్యులను అందుబాటులో ఉంచాల్సిన అవసరం ఉంది.కరీంనగర్‌ ప్రభుత్వ ఆసుపత్రిలో 27 డెంగీ నిర్ధారణ పరీక్షలు నిర్వహించగా అందులో ఐదు డెంగీ పాజిటివ్‌ వచ్చాయి. ఒక ప్రభుత్వ ఆసుపత్రిలోనే వారంలో ఐదు డెంగీ పాజిటివ్‌ కేసులు నమోదయ్యాయంటే.. జిల్లాలో డెంగీ తీవ్రత ఏ విధంగా ఉందో చెప్పవచ్చు. మంథని మండలం గోపాలపురం గ్రామం నుంచి పది మందికి పైగా జ్వర పీడితులు ఆసుపత్రిలో చేరారు. సాధారణ రోజుల్లోనే 300లకు పైగా అడ్మిట్‌ రోగలుండే కరీంనగర్‌ ప్రభుత్వ ఆసుపత్రిలో సీజనల్‌ వ్యాధుల సమయంలో నిత్యం నాలుగు వందల నుంచి ఐదు వందలకు పైగా రోగులతో జిల్లా ఆసుపత్రి రోగులతో కిటకిటలాడుతోంది. ఇప్పటికైనా జిల్లా ఆసుపత్రిలో ప్రత్యేక వార్డు ఏర్పాటు చేయడంతో పాటు 20 శాతం మంది వైద్య సిబ్బందిని అదనంగా జిల్లా ఆసుపత్రిలో నియమించాల్సిన అవసరం ఉంది.
సీజనల్ దాడి (కరీంనగర్) http://www.telugumuchatlu.com/seasonal-attack-karimnagar/
Tags:Seasonal attack (Karimnagar)

Leave a Reply

Your email address will not be published. Required fields are marked *