The Supreme Court will go to Telangana

సుప్రీం కోర్టులో తెలంగాణకు చుక్కెదురు

Date:07/12/2018
హైద్రాబాద్ ముచ్చట్లు:
రిజర్వేషన్ల అంశంలో తెలంగాణ సర్కార్‌కు సుప్రీం కోర్టులో చుక్కెదురయ్యింది. రిజర్వేషన్లు పెంచాలని ప్రభుత్వం దాఖలు చేసిన పిటిషన్‌ను కోర్టు తిరస్కరించింది. 50శాతానికి రిజర్వేషన్లు మించొద్దని స్పష్టం చేసింది. శుక్రవారం రిజర్వేషన్ల పెంపు పిటిషన్‌పై సుప్రీంలో వాదనలు జరిగాయి. తెలంగాణలో బీసీల జనాభా అధికంగా ఉంది కాబట్టి.. రిజర్వేషన్లు పెంచుకునేందుకు ప్రత్యేక పరిస్థితులు ఉన్నాయని ప్రభుత్వ లాయర్ కోర్టు దృష్టికి తీసుకెళ్లారు. స్థానిక సంస్థల ఎన్నికల్లో రిజర్వేషన్లు 67 శాతం ఇవ్వాలని కోరారు. తెలంగాణ ప్రభుత్వ లాయర్ విజ్ఞ‌ప్తిని సుప్రీంకోర్టు తిరస్కరించింది. తెలంగాణ ప్రభుత్వం ఎస్టీ, మైనార్టీలకు 12 శాతం రిజర్వేషన్ల పెంచాలని భావిస్తోంది. ఈ మేరకు అసెంబ్లీలో తీర్మానం చేసి కేంద్రానికి కూడా పంపించింది. కేంద్రం నుంచి సానుకూలత రాకపోవడంతో.. సుప్రీంకోర్టును ఆశ్రయించింది. రిజర్వేషన్లు పెంచాలన్న తెలంగాణ ప్రభుత్వ అభ్యర్థనను అత్యున్నత న్యాయస్థానం కొట్టివేసింది.
Tags:The Supreme Court will go to Telangana

Leave a Reply

Your email address will not be published. Required fields are marked *