Widespread in the next 2 days

రానున్న 2 రోజుల్లో విస్తారంగా వానలు

Date:17/09/2018
విశాఖపట్టణం ముచ్చట్లు:
రానున్న రెండురోజుల్లో తెలుగు రాష్ట్రాల్లో విస్తారంగా వర్షాలు పడే అవకాశం ఉంది. తూర్పు మధ్య బంగాళాఖాతంలో ఏర్పడిన ఉపరితల ఆవర్తన ప్రభావంతో అల్ప పీడనం ఏర్పడే అవకాశముందని వాతావరణ శాఖ తెలిపింది.
దీంతో 18 నుంచి రెండురోజులపాటు భారీ వర్షాలు కురిసే అవకాశమున్నట్లు తెలిపింది. సముద్రమట్టానికి 1.5 కిలో మీటర్ల ఎత్తులో ఉత్తర కోస్తాంధ్ర నుంచి తమిళనాడు వరకు ఉపరితల ద్రోణి ఏర్పడింది. ఉపరిత ద్రోణి ప్రభావంతో రానున్న 48 గంటల్లో తెలంగాణలోని పలు ప్రాంతాల్లో ఉరుములతో కూడిన వర్షాలు పడతాయని వాతావరణశాఖ తెలిపింది.
అలాగే ఏపీలోని శ్రీకాకుళం, విశాఖ పట్నం, విజయనగరం, తూర్పు, పశ్చిమ గోదావరి, కృష్ణా, గుంటూరు జిల్లాల్లో ఉరుములు, మెరుపులతో కూడిన భారీ వర్షాలు కురిసే అవకాశం ఉన్నట్లు తెలిపింది. సముద్రంలో చేపల వేటకు వెళ్లే మత్స్యకారులు అప్రమత్తంగా ఉండాలని సూచించింది.
Tags: Widespread in the next 2 days

Leave a Reply

Your email address will not be published. Required fields are marked *