ఒకే దేశం… ఒకే ధర వివక్ష ఏంటని ప్రతిపక్షాల ప్రశ్న

Date:22/04/2021

న్యూఢిల్లీ  ముచ్చట్లు:
వ్యాక్సిన్ తయారీ సంస్థలు సగం డోసులను కేంద్రానికి, మిగిలిన డోసులను రాష్ట్ర ప్రభుత్వాలకు, ఓపెన్ మార్కెట్‌లో విక్రయించుకునేందుకు కేంద్ర ప్రభుత్వం అనుమతినిచ్చింది. రాష్ట్రాల డిమాండ్‌కి తగినట్లుగా నేరుగా కొనుగోలు చేసుకునే వీలు కల్పించింది. అయితే, రాష్ట్ర ప్రభుత్వాలకు ఒక రేటు, ప్రైవేటు ఆస్పత్రులు.. ఓపెన్ మార్కెట్‌‌లకు మరో రేటుకు అమ్మాలని సీరమ్ ఇన్‌స్టిట్యూట్ నిర్ణయించింది. వ్యాక్సిన్ ధరల వ్యత్యాసంపై విపక్షాలు భగ్గుమంటున్నాయి. ఈ విషయంలో కేంద్రం వైఖరిపై తీవ్ర విమర్శలు గుప్పిస్తున్నాయి.
ఈ అంశంపై కేంద్రానికి కాంగ్రెస్ అధినేత్రి సోనియా గాంధీ లేఖ రాయగా, మోదీని టార్గెట్ చేస్తూ పశ్చిమ్ బెంగాల్ సీఎం మమతా బెనర్జీ విరుచుకుపడ్డారు. వ్యాక్సిన్ ధ‌ర‌ల విధానం వివ‌క్ష‌పూరితంగా ఉంద‌ని, ఈ విధానాన్ని పునఃస‌మీక్షించుకోవాల‌ని సోనియా కోరారు. పౌరుల‌కు ఉచిత వ్యాక్సిన్ అందించాల‌న్న అంశం నుంచి కేంద్ర ప్ర‌భుత్వం వెన‌క‌డుగు వేసిన‌ట్లుంద‌ని ఆమె విమర్శించారు. ఒకే దేశంలో ఒకే వ్యాక్సిన్‌ను వేర్వేరు ధ‌ర‌లకు అమ్మ‌డం ఏంట‌ని ఆమె ప్ర‌శ్నించారు.

దీనిపై మోదీ జోక్యం చేసుకోవాల‌ని, సీరం నిర్ణ‌యాన్ని వెన‌క్కి తీసుకునేలా చ‌ర్య‌లు చేప‌ట్టాల‌ని ఆమె అన్నారు.‘ప్రతిసారీ ఒకే దేశం.. ఒకే పార్టీ.. ఒకే నేత పాలన అంటూ బీజేపీ గగ్గోలు పెడుతుంది.. కానీ, ప్రజల ప్రాణాలను కాపాడే వ్యాక్సిన్ విషయంలో మాత్రం ఒకే ధర అమలుచేయడం లేదు.. కులం, మతం, ప్రాంతం, వయసు బేధం లేకుండా ప్రతి ఒక్క భారతీయుడికీ ఉచిత టీకా అవసరం.. కేంద్రం, రాష్ట్రాలు చెల్లిస్తాయనే అనే బేధం లేకుండా భారత ప్రభుత్వం దేశమంతా ఒకే ధరను నిర్ణయించాలి’’ అని మమతా బెనర్జీ ట్వీట్ చేశారు.ప్రభుత్వాలకు ఒక డోసు రూ.400, ప్రైవేటు ఆస్పత్రులకు రూ.600 చొప్పున కోవిషీల్డ్ విక్రయించనున్నట్లు సీరమ్ సంస్థ బుధవారం ప్రకటించింది. కేంద్రానికి మాత్రం రూ.150లకే టీకా సరఫరా చేస్తోంది. మరో నాలుగైదు నెలల్లో రిటైల్ మార్కెట్లోనూ కోవిషీల్డ్ అందుబాటులోకి తీసుకురానున్నట్లు తెలిపింది. ఇటు, భారత్ బయోటక్ తన టీకాను కేంద్రానికి రూ.206కు ఇస్తోంది. ప్రస్తుతం రాష్ట్ర ప్రభుత్వాలకు టీకాలను ఉచితంగానే కేంద్రం అందజేస్తోంది. రష్యా టీకా స్పుత్నిక్-వీను రాబోయే కొద్ది నెలల్లో అందుబాటులోకి తీసుకురానున్నారు.భారత్‌లో డాక్టర్ రెడ్డీస్ ల్యాబొరేటరీ ఆధ్వర్యంలో స్పుత్నిక్-వీ ప్రయోగాలు జరుగుతున్నాయి. ఇక్కడ టీకా ఉత్పత్తిపై రష్యన్ డైరెక్ట్ ఇన్వెస్టిమెంట్ ఫండ్ (ఆర్డీఐఎఫ్)‌తో రెడ్డీస్ ఒప్పందం చేసుకుంది. ప్రపంచ మార్కెట్‌లో ఈ టీకా ఒక్కో డోస్ ధర 10 డాలర్లు (రూ.750) వరకు ఉంది. కానీ, దీనిపై ఇంకా భారత్‌లో ఎటువంటి నిర్ణయం తీసుకోలేదు. చర్చలు జరుగుతున్నాయి.

పుంగనూరు ప్రజల సమ్యలపై తక్షణం స్పందించాలి-ఎంపీడీవో లక్ష్మీపతినాయుడు

Tags:One country … One question is what is price discrimination

Leave a Reply

Your email address will not be published. Required fields are marked *