బొలినేని గాంధీ..మహాముదురు

Date:22/04/2021

హైదరాబాద్ ముచ్చట్లు:

ఆదాయానికి మించిన ఆస్తుల కేసులో సీబీఐకి ఆధారాలతో సహా దొరికిపోయిన బొల్లినేని గాంధీ అరెస్ట్ వెనుక విస్తుపోయే నిజాలు వెలుగులోకి వస్తున్నాయి. బొల్లినేని గాంధీని అరెస్ట్ చేయాలని గాంధీ ఇంటికి వెళ్లిన సీబీఐ అధికారులకు మస్కా కొట్టేందుకు యత్నించినట్లు తెలుస్తోంది. ఈడీ మాజీ అధికారిగా, జీఎస్టీలో ఉన్నతాధికారిగా పదవి దుర్వినియోగం చేశారనే ఆరోపణలపై రూ.200 కోట్ల అక్రమార్జన విచారణ ఎదుర్కొంటున్న బొల్లినేని గాంధీని నేరుగా హాజరు కావాలని 41 సెక్షన్ కింద ఆయనకు నోటీసులు జారీ చేశారు. వ్యక్తిగతంగా వచ్చి విచారణకు హాజరుకావాలని పలు‌మార్లు నోటీసులు సీబీఐ అధికారులు నోటీసులు జారీ చేశారు. అయినా కానీ‌ గాంధీ సీబీఐ నోటీసులను బుట్టదాఖలు చేశారు. దీంతో సీబీఐ అధికారులు నేరుగా కూకట్‌పల్లిలోని గాంధీ ఇంటికి వెళ్లారు.
అధికారులు తెలిపిన వివరాల ప్రకారం.. మంగళవారం గాంధీని అరెస్టు చేయడానికి ఇంటికెళ్లిన సీబీఐ అధికారులకు మొదటి సీన్‌లోనే బొల్లినేని గాంధీ తన అనుభవాన్ని చూపించినట్లు తెలుస్తోంది. తన ఫోన్ స్విచ్చాన్ చేసి, ఇంటి నుండి పరారైనట్లు సమాచారం. అయితే పట్టు వీడని అధికారులు గాంధీ ఇంటి దగ్గరే మకాం వేశారు. అయితే, గాంధీ కుటుంబ సభ్యుల్లో ఉన్న మహిళలంతా బొల్లినేని గాంధీని ఎలా అరెస్ట్ చేస్తారంటూ ఓ‌ డ్రామా క్రియేట్ చేసి ఇంటికొచ్చిన అధికారులను నానా దుర్భాషలాడారు. మహిళా కుటుంబ సభ్యులంతా సీబీఐ అధికారులపై నీచంగా ప్రవర్తించారని అధికారులు ఆవేదన వ్యక్తం చేశారు.బొల్లినేని గాంధీ అరెస్టు తప్పదని స్పష్టంగా కుటుంబ సభ్యులకు తేల్చి చెప్పిన అధికారులు బొల్లినేని గాంధీ ఫోన్‌తో సహా ఫ్యామిలీ సభ్యుల ఫోన్‌లన్నింటిని ఒక టేబుల్‌పై ఆన్‌చేసి ఉంచారు. ఈ క్రమంలో అధికారులకు అక్కడ జరిగిన ఓ ఘటనతో అనుమానం వచ్చింది. కూకట్‌పల్లిలోని ఓ పేరొందిన ప్రైవేటు ఆసుపత్రిలో అత్యంత హీనమైన అనారోగ్యంతో ఐసీయూలో చికిత్స పొందుతున్నానని త్వరగా ఇంటికెళ్లి ‌బట్టలు తీసుకురావాలని బొల్లినేని గాంధీ పంపిన మెసేజ్‌లో ఉండటంతో నేరుగా ఆస్పత్రికి చేరుకున్నారు సీబీఐ అధికారులు.ఐసీయూలో ఉన్న క్రైం పేషెంట్ బొల్లినేని గాంధీ మెడికల్ రిపోర్ట్ చూసిన అధికారులకు గాంధీ కొచ్చిన వ్యాధిని చూసి విస్తుపోయారు. కేవలం మోకాళ్ల నొప్పులూ, కడుపులో నొప్పి అంటూ బొల్లినేని గాంధీ ఐసీయూలో చేరడం‌పై కూకట్‌పల్లిలో ఉన్న సదరు ఆసుపత్రి డాక్టర్‌లను తమదైన శైలిలో విచారణ చేశారు. విషయం మొత్తం ఆసుపత్రి మేనేజ్‌మెంట్‌‌కు సీబీఐ అధికారులు తెచ్చారు. యాజమాన్యం చేసిన తప్పును తెలుసుకుని బొల్లినేని గాంధీకి ఎలాంటి అత్యవసర చికిత్స అవసరం లేదని.. ఆయనను తమ ఆసుపత్రి నుండి‌ డిశ్చార్జ్ చేస్తూ రిపోర్ట్ ఇచ్చారు. దీనితో కూకట్‌పల్లిలోని ప్రైవేటు ఆసుపత్రిలోనే బొల్లినేని గాంధీని అదుపులోకి తీసుకున్నారు సీబీఐ అధికారులు.

పుంగనూరు ప్రజల సమ్యలపై తక్షణం స్పందించాలి-ఎంపీడీవో లక్ష్మీపతినాయుడు

Tags:Bolineni Gandhi..Mahamuduru

Leave a Reply

Your email address will not be published. Required fields are marked *