చల్లగా ముగిసిన ఎండాకాలం

0 15

హైదరాబాద్ ముచ్చట్లు:

ఉరుములు, మెరుపుల వానలు, ఈదురుగాలులతో ఈసారి ఎండాకాలం వానాకాలాన్ని తలపించింది. ఉపరితల ఆవర్తనాలు, ద్రోణులు, అప్పుడప్పుడూ అల్పపీడనాలు, యాస్‌ లాంటి తుఫానుల ప్రబావంతో ఈ సారి ఎండాకాలంలో తరుచూ వానలు కురిశాయి. లానినా ప్రభావం వల్ల ఉపరితల ఆవర్తనాలు, తుఫానులు సంభవిస్తున్నట్టు వాతావరణ శాస్త్రవేత్తలు చెప్తున్నారు.గతేడాది కూడా వడగాలుల ప్రభావం అంతగా లేకపోయినా చాలా ప్రాంతాల్లో పగటి పూట గరిష్ఠ ఉష్ణోగ్రత 43 నుంచి 46 డిగ్రీల సెల్సియస్‌గా నమోదైంది. జగిత్యాల వంటి ప్రాంతాలలో 48 డిగ్రీల వరకు ఉష్ణోగ్రత నమోదైంది. ఈసారి మాత్రం ఇప్పటి వరకు నల్లగొండలో పగటి ఉష్ణోగ్రత అత్యధికంగా 43.5 డిగ్రీలుగా నమోదైంది. గత ఐదేండ్లుగా వాతావరణ శాఖ రికార్డులను పరిశీలిస్తే ఈ సారి తక్కువ ఉష్ణోగ్రతలు నమోదయ్యాయి. చాలా ప్రాంతాల్లో పగటి పూట అత్యధిక ఉష్ణోగ్రతలు సాధారణ స్థాయి కంటే రెండు నుంచి మూడు డిగ్రీల వరకు తక్కువగా నమోదయ్యాయి. ఈసారి గాలుల దిశ మారడం వల్ల ఎండల తీవ్రత తగ్గిందని హైదరాబాద్‌ వాతావరణ కేంద్రం డైరెక్టర్‌ నాగరత్న చెప్పారు. సాధారణంగా ప్రతి వేసవిలో ఉత్తర, పశ్చిమ దిశల నుంచి తెలంగాణ వైపు వేడిగాలులు వీస్తాయని, కానీ ఈ సారి బంగాళాఖాతం మీదుగా దక్షిణ, ఆగ్నేయ వాయవ్యం వైపు నుంచి గాలులు రావటం వల్ల ఉష్ణోగ్రతలు తగ్గాయని విశ్లేషించారు. వరుసగా ఉపరితల ఆవర్తనాలు, ద్రోణులు, అల్పపీడనాలు ఏర్పడటం వల్ల గతంలో కంటే ఈ వేసవిలో ఎండల తీవ్రత తగ్గిందని వివరించారు.వారం తెలిపింది. ఆ తరువాత వారంలో రుతుపవనాలు తెలంగాణలో ప్రవేశిస్తాయని వెల్లడించింది. పశ్చిమ, వాయవ్య దిశల నుంచి గాలులు తెలంగాణలోకి వీస్తున్నాయి. రాబోయే 48 గంటల్లో తెలంగాణలోని పలు ప్రాంతాల్లో ఉరుములు, మెరుపులతో కూడిన తేలికపాటి నుంచి మోస్తరు వానలు కురిసే అవకాశముందని వాతావరణ కేంద్రం డైరెక్టర్‌ నాగరత్న తెలిపారు. కొన్ని జిల్లాలలో ఒకటి రెండు చోట్ల భారీ వర్షాలు కురుస్తాయని వివరించారు. ఉపరితల ఆవర్తనం ప్రభావంగా సోమవారం రాష్ట్రంలో కొన్నిచోట్ల తేలికపాటి వానలు కురిశాయి.

 

- Advertisement -

వైఎస్‌ఆర్‌సీపీ ప్రభుత్వంలో అభివృద్ధి , సంక్షేమం రెండుకళ్ళులాంటివి -మంత్రి పెద్దిరెడ్డి

Tags:Summer ended cold

Leave A Reply

Your email address will not be published.

Translate »
You cannot copy content of this page