పరీక్షలు నిర్వహిస్తాం : ఆదిమూలపు

0 37

హైదరాబాద్  ముచ్చట్లు :

ఏపీలో టెన్త్‌, ఇంటర్‌ పరీక్షలు రద్దు చేసే ప్రసక్తే లేదని రాష్ట్ర విద్యాశాఖ మంత్రి ఆదిమూలపు సురేష్ స్పష్టం చేశారు. శనివారం ఆయన మీడియాతో మాట్లాడుతూ.. పరిస్థితులు అనుకూలిస్తే టెన్త్ పరీక్షలు నిర్వహిస్తామని వెల్లడించారు. టెన్త్ పరీక్షలు రద్దు చేయాలనే ప్రతిపక్ష పార్టీల డిమాండ్ సరికాదన్నారు. ఉన్నత చదువులు, ఉద్యోగాలకు టెన్త్‌ ప్రామాణికమని ఆయన పేర్కొన్నారు. ప్రతిపక్షాలు అనవసరంగా రాద్ధాంతం చేస్తున్నాయని మండిపడ్డారు. కరోనా కారణంగా రాష్ట్రంలో టెన్త్‌, ఇంటర్‌ పరీక్షలను వాయిదా వేసిన విషయం తెలిసిందే.కరోనా విజృంభిస్తున్నా పదో తరగతి, ఇంటర్మీడియెట్‌ పరీక్షలు నిర్వహిస్తామన్న రాష్ట్ర ప్రభుత్వ నిర్ణయాన్ని సవాల్‌ చేస్తూ దాఖలైన ప్రజా ప్రయోజన వ్యాజ్యాలపై విచారణను హైకోర్టు ఈనెల 30వ తేదీకి వాయిదా వేసింది. ఇంటర్‌ ద్వితీయ సంవత్సర విద్యార్థి పొట్లూరి దర్శత్‌, పదవ తరగతి విద్యార్థులు ఎస్‌.వేణుమాధవ్‌, ముళ్లపూడి రమేశ్‌ చౌదరి ఈ పిల్‌లు దాఖలు చేశారు.2020-21 ఏడాది టెన్త్‌, ఇంటర్మీడియట్‌ పరీక్షలను రద్దు లేదా, వాయిదా వేసేలా ఆదేశాలు ఇవ్వాలని కోరారు. ఈ వ్యాజ్యాలపై న్యాయమూర్తులు జస్టిస్‌ కె.విజయలక్ష్మి, జస్టిస్‌ డి.రమే్‌షతో కూడిన ధర్మాసనం గురువారం విచారణ జరిపింది. పదో తరగతి పరీక్షలు వాయిదా వేస్తూ ప్రభుత్వం ఇప్పటికే నిర్ణయం తీసుకుందని, ఎప్పుడు నిర్వహించాలో ఇంకా ఒక నిర్ణయానికి రాలేదని, పరీక్షల నిర్వహణకు 15 రోజుల ముందు సమాచారం ఇస్తామని ప్రభుత్వ ప్రత్యేక న్యాయవాది(ఎస్‌జీపీ) కోర్టుకు వివరించారు. అయితే, సీబీఎస్‌ఈ పరీక్షలు రద్దు చేస్తూ ఇప్పటికే కేంద్రం నిర్ణయం తీసుకుందని పిటిషనర్ల తరఫు న్యాయవాది ప్రణతి కోర్టు దృష్టికి తీసుకొచ్చారు. ఆ వాదనలను పరిగణనలోకి తీసుకున్న ధర్మాసనం విచారణను ఈనెల 30కి వాయిదా వేసింది.12వ త‌ర‌గ‌తి ప‌రీక్ష‌లు ర‌ద్దు చేసిన ఎన్ఐఓఎస్‌:
క‌రోనా నేప‌థ్యంలో 12వ త‌ర‌గ‌తి ప‌రీక్షల‌ను నేష‌న‌ల్ ఇన్‌స్టిట్యూట్‌ ఆఫ్ ఓపెన్ స్కూల్ (ఎన్ఐఓఎస్‌) ర‌ద్దుచేసింది. దీంతో 1.75 ల‌క్ష‌ల మంది విద్యార్థుల‌కు ల‌బ్ధిచేకూర‌నుంది. ఇప్ప‌టికే సీబీఎస్సీ 12వ త‌ర‌గ‌తి ప‌రీక్ష‌ల‌ను ర‌ద్దుచేసిన విష‌యం తెలిసిందే. ఎన్ఐఓఎస్‌ 12వ త‌ర‌గ‌తి ప‌రీక్షలు ఈనెల‌లో జ‌ర‌గాల్సి ఉన్నాయి. ఆబ్జెక్టివ్ అసెస్‌మెంట్ విధానంలో మార్కుల‌ను కేటాయించ‌నుంది. ఈ విధానంతో సంతృప్తి చెంద‌నివారు త‌ర్వాత జ‌రిగే ప‌రీక్షలు రాయ‌వ‌చ్చ‌ని అధికారులు వెల్ల‌డించారు.

 

- Advertisement -

వైఎస్‌ఆర్‌సీపీ ప్రభుత్వంలో అభివృద్ధి , సంక్షేమం రెండుకళ్ళులాంటివి -మంత్రి పెద్దిరెడ్డి

Tags:Tests will be conducted: Primitive

Leave A Reply

Your email address will not be published.

Translate »
You cannot copy content of this page