అందుబాటులోకి  హైబ్రీడ్ యాంటీ బాడీస్

0 17

న్యూఢిల్లీ ముచ్చట్లు :

 

కరోనా వైరస్ మహమ్మారిపై పోరాటంలో టీకా ఒక్కటే బ్రహ్మాస్త్రంగా పరిగణిస్తున్నారు. పలు టీకాలు, ఔషధాలు ఇప్పటికే అందుబాటులోకి వచ్చాయి. అయితే, వ్యాక్సిన్ల కొరత తీవ్రంగా వేధిస్తోంది. అమెరికా వంటి ధనిక దేశాల్లో మాత్రం వ్యాక్సినేషన్ ముమ్మరంగా సాగుతోంది. తాజాగా, అమెరికా శాస్త్రవేత్తలు సరికొత్త ఔషధాన్ని అభివృద్ధి చేశారు. మానవ శరీరంలో ఉండే రెండు యాంటీబాడీలను కలిపి ‘హైబ్రిడ్’ యాంటీబాడీలను సృష్టించారు. తాము అభివృద్ధి చేసిన ఈహైబ్రిడ్ యాంటీబాడీలు కరోనాను అంతం చేస్తాయని యూనివర్సిటీ ఆఫ్ టెక్సాస్ హెల్త్ సైన్స్ సెంటర్ శాస్త్రవేత్తలు తెలిపారు.టెక్సాన్ వర్సిటీకి చెందిన ఝిఖియాంగ్ కూ నేతృత్వంలోని శాస్త్రవేత్తల బృందం.. ఐజీఎం (IgM) అనే యాంటీబాడీకి.. (IgG) ఐజీజీలోని ముక్కలను కలిపి ఓ హైబ్రిడ్ ప్రతిరక్షకాన్ని ఇంజినీరింగ్ విధానంలో అభివృద్ధి చేసింది. దీనిని ఉపయోగించే ముక్కు ద్వారా ఇచ్చే స్ప్రేను తయారు చేశారు. ఆ స్ప్రేను ఎలుకలపై ప్రయోగించారు.

 

 

 

- Advertisement -

వాటికి ఇన్ఫెక్షన్ సోకడానికి ఆరుగంటల ముందు, వచ్చిన ఆరుగంటల తర్వాత దీనిని స్ప్రే చేసి పరీక్షించారు. రెండు రోజుల్లోనే ఎలుకల ఊపిరితిత్తుల్లో కరోనా పూర్తిగా తగ్గిపోయిందని శాస్త్రవేత్తలు గుర్తించారు.ఇది దాదాపు 20 కరోనా వేరియంట్లపై పనిచేసినట్టు నిర్ధారించారు. కరోనా చికిత్సలో ఇది సమర్థవంతమైన ఔషధంగా పనిచేస్తుందని పరిశోధకులు పేర్కొన్నారు. ఈ పరిశోధన వివరాలను జర్నల్ నేచుర్‌లో ప్రచురించారు. హైబ్రిడ్ యాంటీబాడీని అభివృద్ధి చేసే ప్రయత్నంలో శాస్త్రవేత్త బృందం యాంటీబాడీస్ లైబ్రరీని స్కాన్ చేసింది.. ఇది SARS-CoV-2 వైరస్ కణాలను అడ్డుకోడానికి, ప్రవేశించడానికి ఉపయోగపడుతుంది.ఈ ఇంజనీరింగ్ విధానం IgM యాంటీబాడీల సామర్థ్యాన్ని మెరుగుపరిచి, ప్రతిఘటిస్తుంది.. కోవిడ్ -19 చికిత్సను సులభతరం చేయగలదని మా ఫలితాలు చూపిస్తున్నాయి’ అని శాస్త్రవేత్తలు పేర్కొన్నారు. కాలిఫోర్నియాకు చెందిన బయోటెక్నాలజీ సంస్థ ఐజీఎం బయోసైన్సెస్ ఆధ్వర్యంలో దీనిపై క్లినికల్ ట్రయల్స్ నిర్వహించాలని భావిస్తున్నారు.

 

వైఎస్‌ఆర్‌సీపీ ప్రభుత్వంలో అభివృద్ధి , సంక్షేమం రెండుకళ్ళులాంటివి -మంత్రి పెద్దిరెడ్డి

 

Tags: Hybrid Antibodies Available

Leave A Reply

Your email address will not be published.

Translate »
You cannot copy content of this page