కౌశి్క్ రెడ్డి పార్టీకి రాజీనామా

0 16

ఆడియో లీక్,  కాంగ్రెస్ షోకాజ్ నోటీసులు

 

హైదరాబాద్ ముచ్చట్లు:

 

- Advertisement -

తెలంగాణ కాంగ్రెస్‌కు మరో షాక్‌ తగిలింది. హుజూరాబాద్‌ కాంగ్రెస్‌ నేత కౌశిక్‌రెడ్డి సోమవారం పార్టీకి రాజీనామా చేశారు. టీపీసీసీ క్రమశిక్షణ సంఘం షోకాజ్‌ నోటీసు అందుకున్న 24 గంటల్లోనే కౌశిక్‌ రెడ్డి రాజీనామా ప్రకటించడం రాజకీయ వర్గాల్లో కలకలం రేపుతుంది. కౌశిక్‌రెడ్డి కొంతకాలంగా పార్టీ వ్యతిరేక కార్యకలాపాలకు పాల్పడుతూ, టీఆర్‌ఎస్‌ నాయకులతో సన్నిహితంగా ఉంటున్నట్లు ఫిర్యాదులు నేపథ్యంలో 24 గంటల్లో వివరణ ఇవ్వాలంటూ క్రమశిక్షణ సంఘం నోటీస్‌లో పేర్కొన్న సంగతి తెలిసిందే.దీని గురించి గతంలో కౌశిక్‌రెడ్డిని హెచ్చరించినా ఆయన తీరులో మార్పు రాలేదని క్రమశిక్షణ సంఘం తెలిపింది. ఈటల రాజీనామాతో ఉప ఎన్నిక తథ్యమైన హుజూరాబాద్‌లో.. టీఆర్‌ఎస్‌ తనకే టికెట్‌ ఇస్తుందని ఫోన్‌లో కౌశిక్‌ రెడ్డి స్థానిక నాయకులతో చెప్తున్నట్లు ఉన్న ఆడియో క్లిప్‌ వైరలైన సంగతి తెలిసిందే. ఈ క్రమంలో టీపీసీసీ క్రమశిక్షణ సంఘం షోకాజ్‌ నోటీసు జారీ చేసింది. మాజీ టీపీసీసీ చీఫ్ తమ్ముడు, పాడి కౌశిక్ రెడ్డి వివాదంలో ఇరుక్కున్నారు. హుజూరాబాద్ ఉప ఎన్నికకు సంబంధించి ఆయన చేసిన సంభాషణ ఒకటి ఇప్పుడు సోషల్ మీడియాలో వైరల్ అవుతోంది. టీఆర్ఎస్ టికెట్ తనకే వస్తుందని చెబుతున్న పాడి కౌశిక్ రెడ్డి ఆడియో కలకలం సృష్టిస్తోంది. ఓ వైపు ఆయన కాంగ్రెస్ పార్టీ నుంచే పోటీ చేస్తానని చెప్తూ సీక్రెట్‌గా టీఆర్ఎస్ అభ్యర్థిగా గ్రౌండ్ వర్క్ చేసుకుంటున్నట్టుగా ఈ ఆడియో ద్వారా స్పష్టం అవుతోంది.

 

 

హుజురాబాద్ నియోజకవర్గంలో సోషల్ మీడియాలో చక్కర్లు కొడుతున్నఈ ఆడియో ఇప్పుడు హాట్ టాపిక్‌గా మారింది. యూత్‌కు సంబంధించిన సమాచారం సేకరించాలని మాదన్నపేటకు చెందిన విజయేందర్ అనే యువకుడితో ఆయన మాట్లాడారు. ఎంత డబ్బులు కావాలో తాను చూసుకుంటానని.. యూత్‌కు సంబంధించిన లిస్ట్ పంపాలని కౌశిక్ రెడ్డి ఈ సంభాషణలో పేర్కొన్నారు. యూత్ ఖర్చులు మూడువేల నుంచి ఐదువేల వరకు ఎంత అయినా సరే తాను చూసుకుంటానని కౌశిక్ రెడ్డి చెప్పడం గమనార్హం.అయితే ఈ సంభాషణలో కౌశిక్ రెడ్డి కాంగ్రెస్ పార్టీ మండల అధ్యక్షుడు రాజి రెడ్డి పేరు కూడా ప్రస్తావించడం ఇప్పుడు మరో చర్చనీయాంశంగా మారింది.

 

 

కాంగ్రెస్ పార్టీ మండల అధ్యక్షుడు రాజిరెడ్డితో టచ్‌లో ఉండాలని కూడా కౌశిక్ రెడ్డి సూచించడం సంచలనంగా మారింది. టీఆర్ఎస్ అభ్యర్థిగా తాను బరిలో నిలుస్తున్నానని కూడా ఆయన చెబుతుండటం చర్చనీయాంశంగా మారింది.మరోవైపు ఆడియో క్లిప్ వైరల్ అయిన నేపథ్యంలో ఈ విషయాన్ని కాంగ్రెస్ పార్టీ సీరియస్‌గా తీసుకుంది.టీపీసీసీ కౌశిక్ రెడ్డికి షోకాజ్ నోటీసులు జారీ చేసింది. టీఆర్ఎస్ టికెట్ తనకేనంటూ వైరల్ అయిన ఆడియోను క్లిప్‌పై 24 గంటల్లో వివరణ ఇవ్వాలని ఆదేశించింది. కాంగ్రెస్ పార్టీ వ్యతిరేక కార్యక్రమాలకు పాల్పడుతున్నారంటూ కౌశిక్ రెడ్డిపై వచ్చిన ఫిర్యాదుల మేరకు నోటీసుల జారీ చేసినట్టు తెలిపింది. గతంలో కూడా కౌశిక్ రెడ్డిని టీపీసీసీ క్రమశిక్షణ సంఘం హెచ్చరించిన విషయం తెలిసిందే.

పుంగనూరులో రైతుల సంక్షేమానికి అగ్రస్థానం – అక్కిసాని భాస్కర్‌రెడ్డి

Tags: Kaushik Reddy resigns from party

Leave A Reply

Your email address will not be published.

Translate »
You cannot copy content of this page