కోర్టుల్లో ఇంటర్ నెట్ సౌకర్యాలు:హైకోర్టు విచారణ

0 19

అమరావతి  ముచ్చట్లు:
దిగువ కోర్టుల్లో ఇంటర్నెట్ సదుపాయాలను మెరుగుపరచాలని, మౌలిక సదుపాయాలను కల్పించాలని కోరుతూ దాఖలైన ప్రజాహిత వ్యాజ్యంపై.. హైకోర్టు స్పందించింది . ఈ వ్యవహారంపై పూర్తి వివరాలు సమర్పించాలని రాష్ట్ర ప్రభుత్వాన్ని ఆదేశించింది . విచారణను పది రోజులకు వాయిదా వేసింది . హైకోర్టు ప్రధాన న్యాయమూర్తి జస్టిస్ ఏకే గోస్వామి , జస్టిస్ ఎన్.జయసూర్యతో కూడిన ధర్మాసనం ఈ మేరకు ఆదేశాలిచ్చింది . కొవిడ్ నేపథ్యంలో వీడియో కాన్ఫరెన్స్ ద్వారా న్యాయస్థానాల్లో విచారణలు జరగుతున్నాయని , పలు జిల్లాల్లోని దిగువ కోర్టులో ఇంటర్నెట్ సౌకర్యం సక్రమంగా లేకపోవడంతో  విచారణలకు విఘాతం కలుగుతోందని పేర్కొంటూ తూర్పుగోదావరి జిల్లాకు చెందిన న్యాయవాదులు హైకోర్టులో పిల్ వేశారు . వారి తరపున వాదనలు వినిపించిన న్యాయవాది ఎన్.విజయ్ సుప్రీంకోర్టు ఇచ్చిన తీర్పు ప్రకారం న్యాయస్థానాల్లో మౌలిక సదుపాయాలు ఏర్పాటు చేయాల్సిన అవసరం ఉందన్నారు . తక్షణ కర్తవ్యంగా ఇంటర్నెట్ సౌకర్యాల్ని మెరుగుపరచాలని కోరారు . కొన్ని జిల్లాలోని దిగువ న్యాయస్థానాల్లో ఇంటర్నెట్ సౌకర్యం సరిగా లేదన్నారు . ఆ వాదనలను పరిగణనలోకి తీసుకున్న ధర్మాసనం .. వివరాలు సమర్పించాలని ఏజీ శ్రీరామ్ కు స్పష్టంచేసింది .

పుంగనూరులో రైతుల సంక్షేమానికి అగ్రస్థానం – అక్కిసాని భాస్కర్‌రెడ్డి

 

- Advertisement -

Tags:Internet facilities in the courts: High Court hearing

Leave A Reply

Your email address will not be published.

Translate »
You cannot copy content of this page