జూనియర్ కు మద్దతుగా  బ్యానర్లు

0 20

విజయవాడ  ముచ్చట్లు:
గత 2019 ఎన్నికల్లో తగిలిన భారీ షాక్‌తో ఇప్పుడిప్పుడే కోలుకుంటున్న టీడీపీ అధినేత చంద్రబాబు నాయుడికి సొంత పార్టీలోనే ఊహించని పరిణామాలు ఎదురవుతున్నాయి. జై బాబు.. జైజై బాబు అంటూనే తారక మంత్రం జపిస్తున్నారు తెలుగు తమ్ముళ్లు. జూనియర్ ఎన్టీఆర్ తాత స్థాపించిన తెలుగుదేశం పార్టీలోకి రావాలని.. పార్టీలో క్రియాశీలకంగా వ్యవహరించాలని నందమూరి అభిమానులు, తెలుగు తమ్ముళ్లు బలంగా కోరుకుంటున్నారు. కొన్నిసార్లు అధినేత ఎదుట కూడా తమ అభీష్టాన్ని బహిరంగంగానే ప్రదర్శించారు.ఇటీవల చంద్రబాబు సొంత నియోజకవర్గం కుప్పంలోనూ అదే పరిస్థితి ఎదురైంది. తారక్‌ని పార్టీలోకి తీసుకురావాలంటూ ఏకంగా అధినేతకే మొరపెట్టుకోవడం చర్చనీయాంశమైంది. అప్పుడు లైట్ తీసుకున్న బాబుకి మరోమారు అలాంటి పరిస్థితి ఎదురైంది. టీడీపీ వ్యవస్థాపక అధ్యక్షుడు నందమూరి తారక రామారావు సొంత ఇలాకా కృష్ణా జిల్లాలో అదే సీన్ రిపీటైంది. చంద్రబాబు పర్యటనలో తెలుగు తమ్ముళ్లు తారక మంత్రం జపించారు. జూనియర్ ఎన్టీఆర్ టీడీపీలోకి రావాలంటూ టీడీపీ శ్రేణులు నినదించాయి.ఇటీవల మృతి చెందిన టీడీపీ సీనియర్ నేత, మాజీ ఎమ్మెల్యే కాగిత వెంకట్రావు కుటుంబాన్ని పరామర్శించేందుకు మచిలీపట్నం వచ్చిన చంద్రబాబుకు ఊహించని షాక్ ఎదురైంది. తెలుగు తమ్ముళ్లు పసుపు జెండాలతో పాటు జూనియర్ ఎన్టీఆర్ జెండాలతో ఎదురొచ్చి స్వాగతం పలకడం ఆసక్తికరంగా మారింది. జై బాబు.. జైజై బాబు.. నెక్స్ట్ సీఎం జూనియర్ ఎన్టీఆర్ అంటూ నినాదాలు చేయడం హాట్‌టాపిక్‌గా మారింది. దీంతో టీడీపీ శ్రేణులు రెండు వర్గాలుగా చీలిపోయారు. రాష్ట్రంలోని పలుచోట్ల ఇలాంటి సీన్‌లే రిపీట్ అవుతుండడంతో అధిష్టానం ఎలా స్పందిస్తుందోనన్న ఉత్కంఠ నెలకొంది.2014 ఎన్నికల అనంతరం తెలుగుదేశం పార్టీలో లుకలుకలు పలుమార్లు బయటపడ్డాయి. బాబు వయస్సు.. చినబాబు వ్యవహార తీరుపై తీవ్రంగానే విమర్శలొచ్చాయి. నాయకత్వం బలహీనపడిందన్న విమర్శలతో పాటు జూనియర్ ఎన్టీఆర్‌ని క్రియాశీలక రాజకీయాల్లోకి తీసుకురావాలన్న డిమాండ్లు కూడా పెరిగాయి. అయితే అందుకు అధిష్టానం అంత సుముఖంగా లేదన్న వాదనలు కూడా ఉన్నాయి. ఏదేమైనా జూనియర్ ఎన్టీఆర్ గ్రాఫ్ రోజురోజుకీ పెరిగిపోవడం అధినాయకత్వంపై విశ్వాసం సన్నగిల్లడమేనన్న సంకేతాలనిస్తోంది. తెలుగు తమ్ముళ్లు కూడా ఎన్టీఆర్‌పై భారీగా ఆశలు పెట్టుకున్నారు. ఈ నేపథ్యంలో టీడీపీ అధినేత చంద్రబాబు అండ్ కో ఎలా స్పందిస్తారో వేచి చూడాలి మరి!!

మళ్లీ చక్రం తిప్పుతున్న బొత్స

 

- Advertisement -

Tags:Banners in support of Jr.

Leave A Reply

Your email address will not be published.

Translate »
You cannot copy content of this page