చానుకు బంగారం పతకం..?

0 11

టోక్యో ముచ్చట్లు:
టోక్యో ఒలింపిక్స్‌లో భారత్‌కు మరో బంగారు పతకం వచ్చే అవకాశం ఉంది. వెయిట్ లిఫ్టింగ్‌లో భారత క్రీడాకారిణి మీరాబాయి చాను వెండి పతకం గెలిచిన సంగతి తెలిసిందే. చైనా క్రీడాకారిణి జీహుహో తొలిస్థానంలో నిలిచి బంగారు పతకం గెలుచుకుంది. కాగా, చైనా క్రీడాకారిణి జీహుహోను డోపింగ్ టెస్టు కోసం పంపాలని నిర్వాహకులు భావిస్తున్నారనే వార్తలు వెల్లడవుతున్నాయి. అందుకే జీహుహోను టోక్యోలోనే ఉండాలని నిర్వాహకులు ఆదేశించారు. ఈ డోపింగ్ టెస్టులో చైనా అథ్లెట్ జీహుహో దోషిగా తేలితే.. ఆమె గెలుచుకున్న బంగారు పతకం మీరాబాయి చాను సొంతం కానుంది.చైనాకు చెందిన జీహుహో శనివారం మొత్తం 210 కిలోలను ఎత్తి స్వర్ణం సాధించి సరికొత్త ఒలింపిక్ రికార్డును సృష్టించింది. ఒక అథ్లెట్ డోపింగ్ పరీక్షలో విఫలమైతే, వెండి గెలిచిన అథ్లెట్‌కు బంగారం లభిస్తుందని ఒలింపిక్ నియమాలు వెల్లడిస్తున్నాయి. ఈ లెక్కన భారత్ ఖాతాలో స్వర్ణ పతకం వచ్చే ఛాన్స్ ఉంది. ఈ పోటీల్లో భారత్ వెయిట్ లిఫ్టర్ చాను మొత్తం 202 కిలోల బరువును ఎత్తి, రెండవ స్థానంలో నిలిచింది. అలాగే ఇండోనేషియా విండి కాంటికా ఐసా 194 కిలోల బరువును ఎత్తి మూడో స్థానంలో నిలిచింది.మరోవైపు, 2000 సిడ్నీ ఒలింపిక్స్‌లో 69 కిలోల విభాగంలో కరణం మల్లీశ్వరీ కాంస్య పతకం సాధించిన సంగతి తెలిసిందే. ఆమె తరువాత మీరాబాయి చాను ఒలింపిక్ పతకం సాధించి రికార్డ్ నెలకొల్పింది.

ప్రముఖ సినీనటి జయంతి కన్నుమూత

 

- Advertisement -

Tags:Gold medal for Chanu ..?

Leave A Reply

Your email address will not be published.

Translate »
You cannot copy content of this page