వర్క్ ప్రెషర్ తట్టుకోలేక.. ఆత్మహత్య

0 12

హైదరాబాద్ ముచ్చట్లు :

 

సాఫ్ట్‌వేర్ ఇంజినీర్ ఆత్మహత్యకు పాల్పడింది. పని ఒత్తిడి తట్టుకోలేక ఓ సాఫ్ట్‌వేర్‌ ఉద్యోగి బలవన్మరణానికి పాల్పడ్డాడు. ఈ ఘటన హైదరాబాద్‌లో జరిగింది. గుంటూరు జిల్లాకు చెందిన అనిల్ కుమార్ గత కొన్నేళ్లుగా గచ్చిబౌలి టీసీఎస్‌లో సాఫ్ట్‌వేర్ ఉద్యోగిగగా పనిచేస్తున్నారు. పెళ్లై.. భార్య జ్యోతి, కుమార్తె జైష్ణ మాలిక ఉన్నారు. నాలుగున్నర ఏళ్లుగా చందానగర్‌లోని కైలాష్‌ నగర్‌ ఎన్డీఆర్‌ అపార్టుమెంట్‌లో నివాసం ఉంటున్నారు.రోజులో అనేకమార్లు కార్యాలయం నుంచి ఫోన్లు చేస్తూ అనేక బాధ్యతలు అప్పగిస్తుండటంతో తీవ్రంగా ఇబ్బందులు పడుతున్నాడు. సోమవారం ఉదయం కుమార్తె పాఠశాల అడ్మిషన్‌ కోసం భార్యభర్తలు కలిసి వెళదామని నిర్ణయించుకున్నారు. అయితే స్కూల్‌కు వెళ్తున్న క్రమంలో కార్యాలయం నుంచి టీం లీడర్‌ సయ్యద్‌ హుస్సేన్‌ ఫోన్‌ చేసి పని అప్పగించాడు. దీంతో స్కూల్‌కు వెళ్లలేని పరిస్థితి ఏర్పడింది.ఈ క్రమంలో తాను స్కూల్‌కు రాలేనంటూ భార్యకు చెప్పాడు. స్కూల్‌లో ట్లాడి రావాలని భార్యని కోరాడు. దీంతో ఆమె కుమార్తెను తీసుకొని స్కూల్‌కు వెళ్లింది. తిరిగి ఇంటికి వచ్చేసరికి అనిల్‌కుమార్‌ ఫ్యాన్‌కు ఉరేసుకొని కనిపించాడు. భార్య ఫిర్యాదు మేరకు కేసు నమోదు చేసుకున్న పోలీసులు దర్యాప్తు చేస్తున్నారు.

 

- Advertisement -

పుంగనూరులో వైద్యం వీధిన పడింది-మెడికల్‌ ఆఫీసర్‌పై దాడి చేసిన నర్సు

Tags: Unable to tolerate work pressure .. Suicide

Leave A Reply

Your email address will not be published.

Translate »
You cannot copy content of this page