ఖమ్మంలో మాజీ మంత్రి వర్సెస్ ఎమ్మల్యే

0 12

ఖమ్మం ముచ్చట్లు :

 

అధికార టీఆర్ఎస్ పార్టీలో విభేదాలు బయటపడుతున్నాయి. ఖమ్మం జిల్లాలోని ఆ నియోజకవర్గంలో ఎమ్మెల్యే, మాజీ మంత్రికి మధ్య విభేదాలు రోజురోజుకూ ఎక్కువవుతున్న పరిస్థితులు కనిపిస్తున్నాయి. ఇంతకీ అసలేం జరుగుతుంది? అది ఏ నియోజకవర్గం? ఖమ్మం జిల్లా పాలేరు నియోజకవర్గంలో ముందస్తు అసెంబ్లీ ఎలక్షన్స్‌లో అధికార టీఆర్ఎస్ పార్టీ తరఫున మాజీ మంత్రి తుమ్మల నాగేశ్వరరావు బరిలోకి దిగి ఓటమి పాలయ్యారు. కాంగ్రెస్ పార్టీ తరఫున పోటీ చేసిన కందాళ ఉపేందర్‌రెడ్డి గెలుపొందారు. అయితే, ఆ తర్వాత క్రమంలో మారిన రాజకీయ పరిస్థితుల దృష్ట్యా కందాళ గులాబీ తీర్థం పుచ్చుకున్నారు. దాంతో ప్రత్యర్థి కందాళ పింక్ పార్టీలోనే వచ్చారు.ఇక కందాళ వర్గీయులు, తుమ్మల వర్గీయుల మధ్య పోరు మొదటి నుంచి ఉండిపోయింది అలానే. ఈ క్రమంలోనే తమపై ఎమ్మెల్యే కక్ష గట్టినట్లు, వారిపైన అక్రమ కేసులు పెడుతున్నట్లుగా మాజీ మంత్రి అనుచరులు ఆరోపిస్తున్నారు. ఈ క్రమంలోనే తమకు రక్షణ కల్పించాలని కోరుతూ తాజాగా పోలీసులకు ఫిర్యాదు చేశారు. కాగా, ఈ విషయం రాజకీయ వర్గాల్లో చర్చనీయాంశమైంది.ఎమ్మెల్యే ప్రోద్బలంతో పోలీసులు తమను ఇబ్బందులకు గురి చేస్తున్నారని పాలేరు నియోజకవర్గ టీఆర్ఎస్ నేతలు చెప్తున్నారు. ఈ విషయమై అవసరమైతే మంత్రి కేటీఆర్‌కూ కంప్లయింట్ చేస్తామని తుమ్మల అనుచరులు పేర్కొంటున్నారు. ఎమ్మెల్యే కందాళ అసలు టీఆర్ఎస్ నాయకులకు గౌరవమివ్వడం లేదని వివరిస్తున్నారు. అయితే, ఈ విషయాల్లో సీఎం కేసీఆర్ నిర్ణయమే ఫైనల్ అని ఇటీవల కాలంలో మాజీ మంత్రి తుమ్మల నాగేశ్వర్‌రావు పేర్కొన్న సంగతి అందరికీ తెలిసిందే. అధికార పార్టీ ఎమ్మెల్యే, మాజీ మంత్రి అనుచరుల మధ్య ఉన్న విభేదాలు ఎంత వరకు దారితీస్తాయో చూడాలి మరి

 

- Advertisement -

పుంగనూరులో వైద్యం వీధిన పడింది-మెడికల్‌ ఆఫీసర్‌పై దాడి చేసిన నర్సు

 

Tags: Former Minister vs. MLA in Khammam

Leave A Reply

Your email address will not be published.

Translate »
You cannot copy content of this page