ట్రూనాట్ ద్వారా కరోనా పరీక్షలు

0 14

న్యూఢిల్లీ  ముచ్చట్లు:
దేశంలో కోవిడ్ వ్యాప్తి మొదలైనప్పటి నుంచి ఆగస్టు 1 వరకు 48 కోట్ల మందికి కరోనా నిర్ధారణ పరీక్షలు నిర్వహించినట్లు కేంద్ర ఆరోగ్య శాఖ సహాయమంత్రి డాక్టర్‌ భారతి ప్రవీణ్‌ పవార్‌ వెల్లడించారు. మంగళవారం ఈ మేరకు రాజ్యసభలో వైఎస్సార్సీపీ సభ్యుడు విజయసాయి రెడ్డి అడిగిన ప్రశ్నకు ఆమె సమాధానం ఇచ్చారు. కోవిడ్ పరీక్షల నిర్వహణ కోసం దేశవ్యాప్తంగా ఐసీఎంఆర్‌ ఆమోదం పొందిన 2,838 లేబొరేటరీలను వినియోగించినట్లు మంత్రి వెల్లడించారు. ఇందులో 1,742 ఆర్టీ-పీసీఆర్‌, 946 ట్రూనాట్‌, 131 సీబీనాట్‌, 19 ఇతర మాలిక్యులర్‌ న్యూక్లియక్‌ యాసిడ్‌ టెస్టింగ్‌ ల్యాబ్‌లున్నట్లు తెలిపారు.ఆర్‌టీ-పీసీఆర్‌ వ్యవస్థను పటిష్టం చేసేందుకు వివిధ రాష్ట్రాలు, కేంద్ర పాలిత ప్రాంతాలకు 495 ఆర్టీ-పీసీఆర్‌ యంత్రాలు, 225 ఆర్‌ఎన్‌ఏ ఆటోమేటెడ్‌ ఎక్స్‌ట్రాక్టర్లను కేంద్ర ప్రభుత్వం అందజేసినట్లు మంత్రి చెప్పారు. టీబీ పరీక్షల కోసం దేశీయంగా వినియోగించే ట్రూనాట్‌ మెషీన్లను కోవిడ్‌ టెస్టింగ్‌ కోసం వినియోగిస్తున్నట్టు పేర్కొన్నారు. అలాగే టీబీ పరీక్షల కోసం వినియోగించే జీన్‌ ఎక్స్‌పర్ట్‌ యంత్రాలను కూడా కోవిడ్‌ టెస్టింగ్‌ కోసం వాడుతున్నట్టు వివరించారు.మెడికల్‌ కౌన్సిల్‌ ఆఫ్‌ ఇండియా సర్టిఫికేషన్‌ పొందడానికి విధిగా దేశంలోని అన్ని మెడికల్‌ కాలేజీలు మాలిక్యులర్‌ వైరాలజీ వ్యవస్థ కలిగి ఉండాలని ఆదేశిస్తూ గత జూన్‌లో ప్రభుత్వం గెజిట్‌ నోటిఫికేషన్‌ను విడుదల చేసినట్లు మంత్రి తెలిపారు. దీని వల్ల అన్ని ప్రభుత్వ, ప్రైవేట్‌ మెడికల్‌ కాలేజీలలో కోవిడ్‌ పరీక్షల నిర్వహణకు సదుపాయం అందుబాటులోకి వచ్చినట్టయ్యింద ఆమె చెప్పారు.ఆర్టీ-పీసీఆర్‌ పరీక్షలతో పోలిస్తే రాపిడ్‌ యాంటిజెన్‌ టెస్ట్‌ల ఫలితాలలో కచ్చితత్వం తక్కువగా ఉంటున్నాయని అన్నారు. కోవిడ్‌ లక్షణాలు ఉండి రాపిడ్‌ యాంటిజెన్‌ టెస్ట్‌లో నెగెటివ్‌ వచ్చిన వ్యక్తులు ఆర్టీ-పీసీఆర్‌ టెస్ట్‌ చేయించుకోవాలని ఐసీఎంఆర్‌ సిఫార్సు చేసినట్లు మంత్రి గుర్తుచేశారు.

 

శ్రీశైలంలో శ్రావణమాసం ప్రత్యేక పూజలు ప్రారంభం

- Advertisement -

Tags:Corona tests by trunot

Leave A Reply

Your email address will not be published.

Translate »
You cannot copy content of this page