తమిళనాడులో రోజుకు 87 కోట్ల వడ్డీ

0 14

చెన్నై  ముచ్చట్లు:

పదేళ్ల పాటు పరిపాలించిన అన్నాడీఎంకే ప్రభుత్వం రాష్ట్రాన్ని అప్పులకుప్పగా మార్చేసిందని తమిళనాడు ఆర్థికమంత్రి పీటీఆర్‌ పళనివేల్‌ త్యాగరాజన్‌ విమర్శించారు. ఈ మేరకు గత ప్రభుత్వం చేసిన రుణాలు, వాటికి చెల్లిస్తున్న వడ్డీ, వాటి వల్ల రాష్ట్ర ప్రజలపై పడుతున్న అదనపు భారం తదితర అంశాలను తెలియజేస్తూ ఆయన సోమవారం శ్వేతపత్రం విడుదల చేశారు. రాష్ట్ర ప్రభుత్వ గణాంకాల ప్రకారం రాష్ట్రంలోని దాదాపు 2.16 కోట్ల కుటుంబాల్లో ఒక్కో దానిపై రూ.2.63 లక్షల రుణం ఉన్నట్లు స్పష్టం చేశారు.గత ఐదేళ్లలో రూ.3 లక్షల కోట్లు అప్పు చేసి అందులో 50 శాతాన్ని అంటే రూ.1.50 కోట్లను రోజువారీ ఖర్చుకు వినియోగించడం వల్ల అదంతా రెవెన్యూ లోటుగా మారిందని త్యాగరాజన్‌ తెలిపారు. ఆ సొమ్మును ప్రణాళికబద్ధమైన పథకాలకు వెచ్చించి ఆర్థిక పరిస్థితిని మరింత మెరుగుపరిచి ఉండొచ్చని అభిప్రాయపడ్డారు. కానీ ఆనాటి ప్రభుత్వ అనాలోచిత నిర్ణయాల వల్ల కరోనా ఛాయలు లేకముందే రాష్ట్రం ఆర్థిక ఇబ్బందుల్లోకి జారిపోయిందన్నారు.
శ్వేతపత్రం విడుదల చేసిన ఆర్థిక మంత్రి త్యాగరాజన్
తమిళనాడు ధనిక రాష్ట్రమే అయినప్పటికీ జాతీయ స్థాయిలో చూస్తే అపరిమిత ఆస్తులు ఉన్నట్లు స్పష్టమవుతోందని త్యాగరాజన్ వెల్లడించారు. ప్రభుత్వాన్ని సరిగా నడిపితే నిధులు సమకూర్చుకోవచ్చని.. దీని గురించి బడ్జెట్లో ప్రస్తావిస్తామని తెలిపారు. రాష్ట్ర ప్రభుత్వం మొత్తం ఆదాయంలో 27.06 శాతం రాయితీలకే వెళుతున్నట్లు చెప్పారు. ముఖ్యంగా ఆహారం, విద్యుత్, రవాణా వంటి అత్యవసర సేవలకు అధిక మొత్తంలో సబ్సిడీలు అందుతున్నాయన్నారు. ఎన్ని ఇబ్బందులు ఎదురైనా తమ ప్రభుత్వం ఇచ్చిన హామీలపై వెనక్కు తగ్గబోదని ఈ సందర్భంగా మంత్రి వెల్లడించారు.గత ప్రభుత్వ హయాంలో అన్నిశాఖలు ఆర్థికలోటులో కూరుకుపోయినా మద్యం అమ్మకాల ద్వారా భారీగానే ముట్టిందని మంత్రి తెలిపారు. విద్యుత్‌శాఖకు 90 శాతం, రవాణాశాఖకు 5 శాతం లెక్కన రూ.91 వేల కోట్ల రుణం పొందేందుకు అన్నాడీఎంకే ప్రభుత్వం ఒప్పందం చేసుకుంది. ఈ విధంగా అప్పులతోనే నెట్టుకొచ్చేలా రవాణా, విద్యుత్‌శాఖలను దిగజార్చారని మండిపడ్డారు. విద్యుత్‌శాఖలో నెలకొన్న ఆర్థికలోటుకు కేంద్ర ప్రభుత్వం కూడా కారణమేనని త్యాగరాజన్ అన్నారు. రాష్ట్ర ప్రభుత్వ వాటాను కేంద్రం సక్రమంగా చెల్లించడం లేదని. జీఎస్టీ బకాయి రూ.20,033 కోట్లకు పేరుకుపోయిందన్నారు.రాష్ట్ర ప్రభుత్వ ఆదాయ వనరులను కేంద్రం బలవంతంగా లాక్కుందని దీంతో రాష్ట్రానికి వడ్డీ భారం పెరిగిపోతోందన్నారు. 2011–2016లో రూ.17వేల కోట్లు, 2021లో రూ.61,320 కోట్ల లోటు బడ్జెట్‌కు తమిళనాడు ప్రభుత్వం పడిపోయిందని తెలిపారు. గత ఐదేళ్లలో పరోక్షంగా రూ.29,079 కోట్ల రుణాన్ని తీసుకోగా… మొత్తంగా ప్రభుత్వ రుణభారం రూ.5.24 లక్షల కోట్లకు చేరుకుందన్నారు. ప్రస్తుతం ప్రభుత్వం రూ.92.305 కోట్ల లోటు బడ్జెట్‌ను ఎదుర్కొంటోందని, దేశంలోని ఏ రాష్ట్ర ప్రభుత్వమూ ఇంత లోటుబడ్జెట్‌ను ఎదుర్కొనడం లేదన్నారు. రాష్ట్రానికున్న అప్పులకు రోజుకు రూ.87.31 కోట్ల వడ్డీ చెల్లించాల్సి వస్తోందని త్యాగరాజన్ తెలిపారు.

 

- Advertisement -

శ్రీశైలంలో శ్రావణమాసం ప్రత్యేక పూజలు ప్రారంభం

Tags:87 crore interest per day in Tamil Nadu

Leave A Reply

Your email address will not be published.

Translate »
You cannot copy content of this page