తెలంగాణకు షాక్ …..గెజిట్ విడుదల చేసిన కేంద్రం

0 12

న్యూఢిల్లీ ముచ్చట్లు:

 

తెలంగాణ విషయంలో కేంద్రం మరోసారి సంచలన నిర్ణయం తీసుకుంది. కృష్ణా జలాలపై తెలంగాణ దూకుడుతో గెజిట్ జారీ చేసింది. దీంతో తెలంగాణకు భారీ షాక్ తగిలింది. సాగునీటి ప్రాజెక్టుల విషయంలో మరింతగా జోక్యం చేసుకునేందుకు కేంద్రం పావులు కదుపుతోంది. తెలుగు రాష్ట్రాలు పరస్పరం నదీ యాజమాన్య బోర్డులకు చేసిన ఫిర్యాదుల వివరాలను తీసుకున్న కేంద్రం.. తెలంగాణ ప్రభుత్వం వాటికి ఇచ్చిన సమాధానాలను సైతం తీసుకుంది. అయితే బోర్డులు రాసిన లేఖలకు చాలా సందర్భాల్లో ప్రభుత్వం రిప్లై ఇవ్వలేదు. అయితే తెలంగాణ నిర్లక్ష్యాన్ని కేంద్రం అవకాశంగా తీసుకుంది.శ్రీశైలం విద్యుత్ ఉత్పత్తిని ఆపడం లేదనే కారణంతోనే అత్యవసరంగా గెజిట్ జారీ చేసినట్లు కేంద్రం వెల్లడించింది. పార్లమెంట్ సాక్షిగా దీనిపై వివరణ ఇచ్చింది. బోర్డులు చెప్పితే వినడం లేదనే ఈ నిర్ణయం తీసుకున్నట్లు స్పష్టం చేసింది. బోర్డు ఆదేశాలను పరిగణలోకి తీసుకుంటే ఈ పరిస్థితి ఉండేది కాదంది. రెండు రాష్ట్రాల్లో చేపట్టిన ప్రాజెక్టుల డీపీఆర్లను ఇవ్వాలని కేంద్ర జలశక్తి మంత్రిత్వ శాఖతో పాటుగా బోర్డులు పలుమార్లు లేఖలు పంపాయి. కానీ బోర్డులను రెండు రాష్ట్రాలు పరిగణలోకి తీసుకోలేదు. డీపీఆర్లు ఇవ్వలేదు. దీంతో ఇదే అదునుగా జల వివాదంపై కేంద్రం జోక్యం చేసుకొని ఏపీ తెలంగాణ మధ్య ఎంటర్ అయ్యింది.రెండు రాష్ట్రాలు కృష్ణా, గోదావరి నదులపై నిర్మిస్తున్న దాదాపు పదిహేను ప్రాజెక్టుల వివరాలను నదీ బోర్డులు కేంద్రానికి పంపిన విషయం తెలిసిందే. గతంలో తమ మధ్య సమస్యలను తామే పరిష్కరించుకుంటామని, కేంద్రం జోక్యం అవసరం లేదని ఇరు రాష్ట్రాల ముఖ్యమంత్రులు చెప్పారు.

 

 

 

- Advertisement -

కానీ తాజాగా పెరిగిన వివాదాలకు కేంద్రం ఆజ్యం పోస్తూనే మధ్యవర్తిత్వం చేస్తామన్న తీరుతో ప్రవర్తించింది. వాస్తవంగా రెండు తెలుగు రాష్ట్రాల మధ్య ఇప్పటికీ కొన్ని విభజన హామీలను కేంద్ర ప్రభుత్వం పరిష్కరించలేదు. వాటిని అలా ఉంచి కొత్త పేచీ పెట్టడానికి మోడీ సర్కారు రెడీ అయినట్లు స్పష్టమవుతోంది. దానికి తెలంగాణ రాష్ట్రం తొందరపడి తలూపిందనే అభిప్రాయాలు ఉన్నాయి.ఏపీ, తెలంగాణ మధ్య నీళ్ల పంచాయతీని తీర్చటానికి ముఖ్యంగా కృష్ణా నదీ జలాల పంపిణీ వివాదాన్ని పరిష్కరించటానికి కేంద్ర జలశక్తి శాఖ మంత్రి గజేంద్ర షెకావత్ అపెక్స్లో పెట్టిన ప్రతిపాదనకు ఒప్పుకున్నారు. ఈ గొడవకు సంబంధించి తెలంగాణ సర్కారు గతంలో సుప్రీంకోర్టులో దాఖలు చేసిన పిటిషన్ ని ఉపసంహరించుకోవాలని సూచించారు. అయితే ఇరు రాష్ట్రాల మధ్య నెలకొన్న జల వివాదాన్ని తొలగించటంలో ఆటంకంగా మారిందన్న కేంద్ర ప్రభుత్వ అభ్యంతరాన్ని దృష్టిలో పెట్టుకొనే సీఎం కేసీఆర్ సుప్రీంలో పిటిషన్ను ఉపసంహరించుకున్నారు. కానీ ఇది కేంద్రానికి మంచి అవకాశంగా మారింది.

 

శ్రీశైలంలో శ్రావణమాసం ప్రత్యేక పూజలు ప్రారంభం

 

Tags: Shock to Telangana ….. Center published by Gazette

Leave A Reply

Your email address will not be published.

Translate »
You cannot copy content of this page