బ్యాంకు అధికారులు జాగ్రత్తపడండి

0 13

న్యూఢిల్లీ ముచ్చట్లు :

 

ఏపీ ప్రభుత్వానికి అప్పులు ఇచ్చే బ్యాంకుల్ని హెచ్చరించారు నర్సాపురం ఎంపీ రఘురామ కృష్ణరాజు. ఎవరైనా బ్యాంకులు FRBM పరిధి దాటి అప్పు ఇస్తే తోలు ఊడి పోతుందన్నారు. ఎంపీగా చెబుతున్నా.. బ్యాంకులు లిమిట్‌లో ఉంటూ నిబంధనలు పాటిస్తే మంచిదన్నారు. గతంలో ఓ చీడ పురుగు సలహాతో ఈ ముఖ్యమంత్రి ఒకరిద్దరు బ్యాంకర్లతో మాట్లాడి నాపై కేసులు పెట్టించారని ఆరోపించారు.గతంలో చెప్పాను.. ఆ చీడ పురుగుకు, నాకు కొత్తగా తెలిసింది.. కొంత జార విడిచారట.. మరి అతను ఫెయిల్ అయ్యాడు కాబట్టి జార విడిచిన దాన్ని తిరిగి తీసుకునే ప్రయత్నంలో ఉన్నారని తెలిసింది. ఎంత జార విడిచారో చెప్పను.. చీడ పురుగు ఎవరో చెప్పను.. ఈ కుట్రలు అలా ఉంటాయి.. నిజాయితీగా వ్యాపారం చేసిన నేను ఇలాంటి దిక్కుమాలిన ప్రజా పాలకుల వలన ఇబ్బంది పడితే.. ఆ ఇబ్బందిని వీళ్లు కొంతమంది బ్యాంకర్లను కొనుగోలు చేసి సంబంధిత అధికారుల్ని కొనుగోలు చేసే ప్రయత్నం చేసి కేసులు పెట్టే ప్రయత్నాలు చేశారు, చేస్తున్నారు. పిచ్చి, పిచ్చిగా అప్పులు ఇవ్వొద్దు ’అని ఎంపీ అన్నారు.ఎన్నికలకు ముందు అన్నొస్తున్నాడు.. మద్యాన్ని నిషేధిస్తారని తామంతా గొంతెత్తి చాటామన్నారు రఘురామ. ఇప్పుడు మాత్రం జగనన్న పరిపూర్ణ మద్యపాన దీవెనగా మారిందని ఎద్దేవా చేశారు. షాపులు రాత్రి 8 గంటల వరకు కాదు.. 9 గంటల వరకు తెరవాలని చెప్పారని ఆరోపించారు. ధరలు పెంచి, ఈ తాగుబోతుల్ని తాకట్టుగా పెట్టి రూ.25వేల కోట్లు అప్పు తెచ్చారన్నారు. ఇతర రాష్ట్రాల నుంచి తెలంగాణకు రెండు మద్యం సీసాలు తీసుకెళితే ఏమనరని.. ఆంధ్రాకు తీసుకెళితే మాత్రం కేసు పెడతారు, జైల్లో వేస్తారన్నారు. తూర్పుగోదావరి జిల్లాలో ఇలా ఓ యువకుడిపై కేసు పెడితే పోలీసులు వేధిస్తే ప్రాణాలు తీసుకున్నాడని..

 

- Advertisement -

ఆ చావుకు బాధ్యులు ఎవరని ప్రశ్నించారు.ఏపీలో ప్రభుత్వం నిర్మిస్తున్న ఇళ్లపై తాను లోక్‌సభలో ప్రశ్న అడిగానన్నారు ఎంపీ. ఏపీలో గత రెండేళ్లలో జగన్ సర్కార్ 5 ఇళ్లు కట్టిందని.. ఈ లెక్కన 30 లక్షల ఇళ్లు కట్టాలంటే 50వేల ఏళ్లు పడుతుందని ఓ గణితశాస్త్ర నిపుణుడు లెక్కగట్టారంటూ ఎద్దేవా చేశారు.. ఇది ప్రభుత్వ ట్రాక్ రికార్డ్ అన్నారు. ఎన్ని యాడ్‌లు ఇచ్చారు.. కట్టిందేమో ఐదు ఇళ్లు అంటూ సెటైర్లు పేల్చారు.వివేకా హత్యకేసులో గుండెపోటు అని ముందుగా అన్నది ఎవరు, వాళ్లను ప్రశ్నించాలని నాలుగైదు రోజుల క్రితమే కోరనన్నారు రఘురామ. సీబీఐ కూడా దర్యాప్తులో వేగం పెంచిందని.. సీఎం గారి బాబాయి కాబట్టి ఈ కేసుపై శ్రద్ధ తీసుకోవాలని కోరుకుంటున్నాను అన్నారు. విజయసాయిరెడ్డికి గుండెపోటు అని ఎవరు చెప్పారో తెలియజేస్తే బావుంటుందన్నారు. ఇక జగన్ బెయిల్ రద్దు పిటిషన్‌పై ఆగస్టు 25 తర్వాత చూద్దామన్నారు.. బెయిల్ రద్దైతే ఇబ్బంది, ఎవైనా జరగొచ్చన్నారు. బెయిల్ రద్దు పిటిషన్ వేశానని చాలా మంది తప్పుగా అర్ధం చేసుకున్నారన్నారు.తమ పార్టీ అధ్యక్షుడిపై ఆరోపణలు వచ్చాయనేది ఆవేదన అన్నారు నర్సాపురం ఎంపీ. ఆయన రెండేళ్లుగా కోర్టుకు హాజరు కావడం లేదని.. సుప్రీం కోర్టు కూడా కేసుల్ని ఏడాదిలో తేల్చాలంటోందని గుర్తు చేశారు. తమ పార్టీ అధ్యక్షుడు బయటకు రావాలంటే.. ముఖ్యమంత్రి పదవి అడ్డుగా ఉందని.. అందుకే కోర్టుకు వెళ్లలేకపోతున్నారు కాబట్టి ఆయన బెయిల్ రద్దైతే ఆయన ముఖ్యమంత్రిగా ఉండరు.. ఒక నెల రోజులు కోర్టుకు వెళితే ఆయన క్లీన్‌గా బయటకు వస్తారు.. మళ్లీ ముఖ్యమంత్రి అవ్వొచ్చు అన్నారు.

 

ప్రాణదానం ట్రస్ట్ కు రూ 10 లక్షల విరాళం

Tags: Bank officials beware

Leave A Reply

Your email address will not be published.

Translate »
You cannot copy content of this page