జడ్చర్ల ట్రాపింగ్ లో దిమ్మతిరిగే విషయాలు

0 9

మహబూబ్ నగర్  ముచ్చట్లు :
మహబూబ్‌నగర్ జడ్చర్లలో బట్టబయలైన అమ్మాయిల ట్రాపింగ్ వ్యవహారం పెను ప్రకంపనలు రేపుతోంది. ప్రైవేట్ టీచర్‌గా పనిచేస్తున్న వ్యక్తి తన స్నేహితుడైన పంచాయతీ కార్యదర్శితో కలసి అమ్మాయిలను ట్రాప్ చేసినట్లు తెలుస్తోంది. మరో నలుగురితో కలసి ముఠాగా ఏర్పడి టీనేజ్ యువతులను ముగ్గులోకి దింపి అత్యాచారాలకు తెగబడినట్లు తెలియడంతో కలకలం రేగింది. పంచాయతీ కార్యదర్శిని అరెస్టు చేసిన పోలీసులు విచారణ చేపట్టడంతో దిమ్మతిరిగే వాస్తవాలు వెలుగులోకి వచ్చాయి జడ్చర్ల పట్టణం.. చుట్టుపక్కల గ్రామాలకు చెందిన యువతులను భారీ సంఖ్యలోనే ట్రాప్ చేసి కోరికలు తీర్చుకున్నట్లు తెలుస్తోంది. సేకరించిన వివరాల మేరకు.జడ్చర్ల మండలం పోచమ్మగడ్డ తండా పంచాయతీ కార్యదర్శిగా పనిచేస్తున్న సంపంగి మహేశ్, మండల కేంద్ర రాజాపూర్‌కి చెందిన ప్రైవేట్ టీచర్ మహేశ్ రాజు స్నేహితులు. టీచర్‌గా పనిచేసే సమయంలో ఆన్‌లైన్ క్లాసుల కారణంగా బాలికలు, టీనేజ్ యువతుల ఫోన్ నంబర్లు మహేశ్ రాజుకి తెలిశాయి. తన స్టూడెంట్స్‌కి ఒకరికి తెలియకుండా మరొకరికి కాల్ చేసి మాయమాటలతో ముగ్గులోకి దించేవాడు. స్నేహితుడు సంపంగి మహేష్‌తో కలసి ఉంటున్న గది వద్దకి రావాలని పిలిచేవాడు. టీచర్ పిలిచారని వెళ్లిన అమ్మాయిలను లొంగదీసుకుని లైంగిక వాంఛలు తీర్చుకునేవాడని తెలుస్తోంది.కార్యదర్శి మహేశ్ భార్య గర్భవతి కావడంతో పుట్టింటికి వెళ్లిందని.. దీంతో అమ్మాయిలను ట్రాప్ చేసి నేరుగా ఇంటికే తీసుకెళ్లి నీచానికి పాల్పడేవారని సమాచారం. ఆ ఇద్దరితో పాటు మరో నలుగురు పలుకుబడి కలిగిన యువకులు కూడా కలసి ముఠాగా ఈ దారుణాలకు పాల్పడినట్లు ఆరోపణలు వస్తున్నాయి. ఈ ముఠా జడ్చర్ల పట్టణం, చుట్టపక్కల గ్రామాలకు చెందిన సుమారు 60 మంది బాలికలు, యువతులను మాయమాటలతో నమ్మించి లైంగిక కోరికలు తీర్చుకున్నట్లు ఆరోపణలున్నాయి. మహేశ్ ఇంటికి ఎప్పుడూ యువకులు వచ్చి వెళ్తుండేవారని.. అడిగే సాహసం చేయలేకపోయామని స్థానికులు చెబుతుండడంతో చాలా రోజుల నుంచే ఈ వ్యవహారం నడుస్తోందన్న అనుమానాలు తలెత్తుతున్నాయి.ఇటీవల ఇంట్లో పేరెంట్స్ లేరని ఓ టీనేజ్ యువతిని కారులో హైదరాబాద్ తీసుకెళ్లడంతో ఆమె తండ్రి పోలీసులకు ఫిర్యాదు చేశాడు. పంచాయతీ కార్యదర్శిని అదుపులోకి తీసుకున్న పోలీసులు విచారించడంతో సంచలన విషయాలు వెలుగులోకి వచ్చాయి. యువతిని ట్రాప్ చేసి హైదరాబాద్ సహా పలుచోట్ల తిప్పినట్లు తెలుస్తోంది. పోలీసులకు తెలిసిపోయిందని గ్రహించిన టీచర్ మహేశ్ ఆమెను బస్సులో జడ్చర్ల పంపించినట్లు సమాచారం. బస్సులో జడ్చర్ల వస్తున్న బాలికను ఓ ప్రజాప్రతినిధి ప్రభావితం చేసేందుకు ప్రయత్నించాడని ఆరోపణలు వస్తున్నాయి. చెన్నై వెళ్లానని.. నచ్చక తిరిగి వస్తున్నానని ఆమెతో చెప్పించాలని ప్రయత్నించినట్లు తెలుస్తోంది.ఇప్పటికే ఈ వ్యవహారం సీరియస్‌గా మారడం.. కలెక్టర్ దృష్టికి కూడా వెళ్లడంతో పంచాయతీ కార్యదర్శిపై వేటు పడింది. అమ్మాయిలను ట్రాప్ చేసి అత్యాచారం చేసినట్లు ప్రాథమికంగా తేలడంతో అతన్ని సస్పెండ్ చేశారు. నిందితులిద్దరిపై కేసులు నమోదు చేశారు. మిగిలిన నిందితులను తప్పించేందుకు ప్రయత్నాలు చేస్తున్నారన్న ఆరోపణలు వస్తున్నాయి. అయితే ఇంకెవరైనా బాధితులు ఉంటే నిర్బయంగా వచ్చి ఫిర్యాదు చేయాలని.. వారి వివరాలు గోప్యంగా ఉంచుతామని సీఐ వీరాస్వామి భరోసానిస్తున్నారు. దీంతో మరికొంతమంది బయటికి వచ్చి కామకీచకులపై ఫిర్యాదు చేసే అవకాశం ఉన్నట్లు తెలుస్తోంది.

 

 

Tags:Overwhelming things in the trapping of the judiciary

- Advertisement -

Leave A Reply

Your email address will not be published.

Translate »
You cannot copy content of this page