ప్రియుడితో కలిసి భర్త హత్య

0 7,866

హైదరాబాద్    ముచ్చట్లు :

 

వికారాబాద్ జిల్లా బషీరాబాద్‌ మండలం నవాంద్గీ శివారులో 17వ తేదీన జరిగిన కర్ణాటక వాసి హత్య కేసును పోలీసులు చేధించారు. కట్టుకున్న భార్య, ఆమె ప్రియుడు కలిసే అతడిని చంపేసినట్లు తేల్చారు. ఈ కేసు వివరాలను తాండూరు డీఎస్పీ లక్ష్మీనారాయణ, సీఐ జలంధర్‌రెడ్డి మీడియాకు వెల్లడించారు. కర్ణాటకలోని సులేపేట్‌ మండలం ఎలుగుపల్లికి చెందిన హనుమంతుకు, అంబికతో 21 ఏళ్ల కిందట వివాహమైంది. వీరికి ఇద్దరు కుమారులున్నారు. కొన్నేళ్ల కిందట హనుమంతుకు పక్షవాతం వచ్చింది. కొన్నాళ్ల పాటు చికిత్స తర్వాత నయంకావడంతో ఓ హోటల్‌లో దినసరి కూలీగా పనికి కుదిరాడు.అయితే తాగుడుకు బానిసైన హనుమంతు వచ్చిన డబ్బులన్నీ మద్యానికే ఖర్చు చేసేవాడు. రాత్రిపూట తాగొచ్చి భార్యను వేధింపులకు గురిచేసేవాడు. తాగుడు అలవాటు మానుకోవాలని ఎన్నిసార్లు బ్రతిమాలుకున్నా అతడిలో మార్పు రాకపోగా వేధింపులు మరింత తీవ్రమయ్యాయి. దీంతో బిడ్డల పోషణ కోసం అంబిక వ్యవసాయ పనులకు వెళ్లడం మొదలుపెట్టింది. ఈ సమయంలోనే రేవణ సిద్ధప్ప అనే వ్యక్తితో ఆమెకు పరిచయం ఏర్పడి అక్రమ సంబంధానికి దారితీసింది. భర్త రోజూ తాగొచ్చి తనను మానసికంగా ఇబ్బందులకు గురి చేస్తున్నాడని అంబిక తన ప్రియుడు సిద్దప్పకు చెప్పుకుని బాధపడేది. ఈ క్రమంలోనే హనుమంతును చంపేస్తే తమకు అడ్డు ఉండదని ఇద్దరూ కుట్ర పన్నారు. ఈ నేపథ్యంలోనే పిల్లలను తన చెల్లెలి వద్ద వదిలి బతుకుదెరువుకు హైదరాబాద్‌ వెళ్లిపోదామని చెప్పి భర్త హనుమంతును అంబిక ఒప్పించింది. సిద్దప్ప కూడా వస్తాడని చెప్పి ఈనెల 16న ముగ్గురూ కలిసి ద్విచక్ర వాహనంపై బషీరాబాద్‌కు వస్తూ నవాంద్గీ-హల్కోడ శివారులో మద్యం తాగారు. హనుమంతు మద్యం మత్తులోకి జారుకున్నాక ఇద్దరూ కలిసి రాయితో అతని తల పగలగొట్టి గొంతు నులిమి చంపేశారు. మృతదేహాన్ని లుంగీలో మూటగట్టుకుని పక్కనే ఉన్న కాగ్నా నదిలో పడేయాలని ప్రయత్నించగా బరువు ఎక్కువ కావడంతో సాధ్యం కాలేదు. దీంతో బైక్ నుంచి పెట్రోల్‌ తీసి మృతదేహంపై పోసి నిప్పంటించి వెళ్లిపోయారు. హనుమంతు తమ్ముడు మల్లికార్జున్‌ ఫిర్యాదు మేరకు పోలీసులు కేసు నమోదు చేసి విచారణ చేపట్టారు. కర్ణాటక పోలీసుల సహకారంతో అంబికను, సిద్దప్పను అదుపులోకి తీసుకుని విచారించడంతో నేరాన్ని అంగీకరించారు. దీంతో తాండూరు పోలీసులు వారిద్దరిని అరెస్ట్ చేసి రిమాండ్‌కు తరలించారు.

- Advertisement -

అన్న రాఖీ కట్టించుకోలేదని చెల్లి ఆత్మహత్య..

Tags:Husband murdered along with Priyudi

Leave A Reply

Your email address will not be published.

Translate »
You cannot copy content of this page