లొంగిపోయిన శారదక్క

0 9,697

వరంగల్ ముచ్చట్లు:

 

 

మావోయిస్టు నేత బజ్జర సమ్మక్క అలియాస్‌ శారదక్క పోలీసులకు లొంగిపోయారు. గత కొంతకాలంగా అనారోగ్యంతో బాధపడుతున్న ఆమె.. శుక్రవారం తెలంగాణ డీజీపీ మహేందర్‌రెడ్డి ఎదుట లొంగిపోయారు. గతంలో చర్ల-శబరి ఏరియా కమిటీ కార్యదర్శిగా పనిచేసిన శారదక్క.. ప్రస్తుతం జిల్లా కమిటీ సభ్యురాలిగా పనిచేస్తున్నారు. శారదక్క స్వస్థలం మహబూబాబాద్‌ జిల్లా గంగారం కాగా.. నక్సల్స్ సిద్ధాంతాలకు ఆకర్షితురాలైన 1994లో పీపుల్స్‌ వార్‌‌లో చేరారు. అప్పటి నుంచి మావోయిస్ట్ ఉద్యమంలో చురుకుగా వ్యవహరించారు.1997-98 మధ్యలో శారద కిన్నెర దళంలో పనిచేశారు. అనంతరం 1999-2000 మధ్య ఉత్తర తెలంగాణ స్పెషల్ జోనల్ సభ్యురాలిగా ఉన్నారు. 2006లో జరిగిన ఎన్‌కౌంటర్‌లో బుల్లెట్ తగిలి ఒక కన్ను కోల్పోయారు. అయితే, 2008లో వరంగల్ ఎస్పీ ముందు శారదక్క లొంగిపోయి జనజీవన స్రవంతిలో కలిశారు. కానీ, మళ్లీ 2011లో మావోయిస్ట్ పార్టీలో చేరి అజ్ఞాతంలోకి వెళ్లారు. దీంతో 2016లో చర్ల ఏరియా కమిటీకి ప్రమోట్ అయ్యారు. ఉద్యమంలో చేరిన తర్వాత మావోయిస్ట్ నేత హరిభూషణ్‌ను వివాహం చేసుకున్నారు. హరిభూషణ్ ఈ ఏడాది జూన్ 21న కరోనాతో మృతిచెందిన విషయం తెలిసిందే.శారదక్క లొంగబాటు సందర్భంగా డీజీపీ మహేందర్ రెడ్డి మాట్లాడుతూ.. కరోనా తర్వాత మావోయిస్టులకు సరైన చికిత్స అందడం లేదని వ్యాఖ్యానించారు. ఆరోగ్య కారణాలతో చాలామంది పార్టీని వదిలి జనజీవన స్రవంతిలో కలుస్తున్నారని పేర్కొన్నారు. 1999-2000 మధ్య ఉత్తర తెలంగాణ స్పెషల్ జోనల్ సభ్యురాలిగా పనిచేసిన శారదక్క.. 2008లో వరంగల్ ఎస్పీ ముందు లొంగిపోయిందని డీజీపీ గుర్తు చేశారు.

 

 

 

- Advertisement -

శారదపై 25 కేసులున్నాయని, పోలీసులతో జరిగిన ఎదురుకాల్పుల ఘటనల్లో ఆమె ఆరుసార్లు తప్పించుకున్నారని డీజీపీ చెప్పారు.‘తెలంగాణా మావోయిస్ట్ రాష్ట్ర కమిటీలో 115 మంది ఉన్నారు.. వీరిలో తెలంగాణకు చెందిన వాళ్లు కేవలం 15 మంది.. మిగతా వాళ్లంతా గోతికోయలే.. కేంద్ర కమిటీ సభ్యులైన ఆజాద్, రాజీరెడ్డి లొంగిపోవడానికి సిద్ధంగా ఉన్నారు.. కానీ, మావోయిస్ట్ పార్టీ అగ్రనేతలు అడ్డుపడుతున్నారు.. అనారోగ్యంతో బాధపడే మావోయిస్టులందరూ లొంగిపోండి.. శారద జనజీవన స్రవంతిలోకి వచ్చినందుకు 5 లక్షల రివార్డ్‌తో పాటు తాత్కాలిక సాయంగా రూ.5 వేల నగదు ఇస్తున్నాం’’ అని అన్నారు.ఇక, హరిభూషణ్‌ బతికి ఉన్నన్ని రోజులు శారదక్కకు పార్టీలో తగిన ప్రాధాన్యం ఉండేది. ఆయన మరణం తర్వాత మావోయిస్ట్ సిద్ధాంతాల పట్ల ఆమె అనాసక్తిగా ఉన్నారు. ఈ క్రమంలో దళాన్ని వీడాలని నిర్ణయించుకుని, తాజాగా పోలీసుల ఎదుట లొంగిపోయారు. గత ఆరు నెలల్లో 20 మంది మావోయిస్టులు మావోయిస్ట్ పార్టీని వీడి జన జీవన స్రవంతిలో కలిసినట్లు శారదక్క చెప్పారు. హింస ద్వారా ఏమీ సాధించలేమని, మిగతా మావోయిస్టులు కూడా లొంగి పోవాలని పోలీసుల ద్వారా విజ్ఞప్తి చేశారు.

 

పుంగనూరులో గుర్తు తెలియని వ్యక్తి మృతి

Tags: Surrendered Sharadakka

Leave A Reply

Your email address will not be published.

Translate »
You cannot copy content of this page