8 నెలలుగా 33 మంది  అత్యాచారం

0 87,455

ముంబై   ముచ్చట్లు:

మహారాష్ట్రలోని థానే మైనర్ బాలిక (15) పై ఎనిమిది నెలలుగా 33 మంది అత్యాచారానికి పాల్పడిన ఘటనలో సిట్ దర్యాప్తు కొనసాగుతోంది. ఇప్పటి వరకూ ఈ కేసులో 31 మంది నిందితులను అరెస్ట్ చేయగా.. మిగిలిన ఇద్దర్నీ సోమవారం అదుపులోకి తీసుకున్నారు. దీంతో మొత్తం 33 మంది నిందితులను అరెస్ట్ చేయినట్టయ్యింది. వారం రోజుల నుంచి తప్పించుకున్న ఇద్దరు నిందితులు.. తెలివిగా వ్యవహరించారు. పోలీసులకు దొరక్కుండా ఉండేందుకు మొబైల్ ఫోన్‌లు స్విచ్చాఫ్ చేసి ఒక చోటు నుంచి ఇంకో చోటుకు తిరిగినట్టు విశ్వసనీయ వర్గాలు తెలిపాయి.రాత్రి నిందితులు తమ సొంతూరులో ఉన్నట్టు పోలీసులకు సమాచారం రావడంతో అక్కడకు వెళ్లి పట్టుకున్నారు. అనంతరం కళ్యాణ్ హాలీడే కోర్టులో ప్రవేశపెట్టడంతో రిమాండ్ విధించి, ఏడు రోజుల పోలీసుల కస్టడీకి అప్పగించింది. నిందితుల్లో చాలా మంది బాధిత బాలిక ఉండే ప్రాంతానికి చెందినవారేనని పోలీసులు తెలిపారు. బాధితురాలిని 72 గంటల పాటు పరిశీలనలో ఉంచిన వైద్యులు.. ఆస్పత్రి నుంచి డిశ్చార్జ్ చేశారు.బాధిత బాలికకు పరిచయస్థుడైన యువకుడు మొదటిసారి జనవరి 29న అత్యాచారం చేశాడు. ఈ సమయంలో వీడియో తీసి బ్లాక్ మెయిల్ చేశాడు. దాని సాయంతో అతడి స్నేహితులు ఒకరి తర్వాత ఒకరు ఈ వీడియోను చూపించి పలు ప్రాంతాల్లో బాలికను బెదిరించి లైంగిక దాడికి ఒడిగట్టారు. దొంబావలి, బద్లాపూర్, రబలే, ముర్బాద్ తదితర ప్రాంతాల్లో బాలికను తీసుకెళ్లి పలుసార్లు సామూహిక అత్యాచారానికి పాల్పడ్డారు. నిందితుల్లో నలుగురు 20 నుంచి 25 ఏళ్ల మధ్య, మరో ఇద్దరు మైనర్లు కాగా.. మిగతావాళ్లు 18 నుంచి 20 ఏళ్లలోపువారేనని పోలీసులు తెలిపారు.వీరిలో కాలేజీ స్టూడెంట్లు, స్కూల్ డ్రాపౌట్స్, చిన్న చిన్న ఉద్యోగాలు చేసుకున్నవారు ఉన్నట్టు పేర్కొన్నారు. బాధితురాలి ఫిర్యాదు ఆధారంగా కేసు నమోదుచేసిన పోలీసులు.. 33 మందిని నిందితులుగా గుర్తించారు. బాధిత బాలిక గత బుధవారం రాత్రి పోలీసులకు ఫిర్యాదు చేయడంతో ఘటన వెలుగులోకి వచ్చింది. జనవరి 29 నుంచి సెప్టెంబరు 22 మంది ఈ ఘోరం జరిగింది. అంతేకాదు, బాలికపై ఒక్కరోజే 15 మంది అత్యాచారం చేశారు.ప్రధాన నిందితుడు విజయ్ అనే యువకుడు బాలికకు సోషల్ మీడియాలో పరిచయమైన తర్వాత ప్రేమించినట్టు నాటకం ఆడాడని పోలీసులు తెలిపారు. తర్వాత బాలికపై జనవరి 29న అత్యాచారం చేశాడు.. దీనిని వీడియో తీసి, తన స్నేహితులతో సెక్స్ చేయాలని, లేకపోతే బయటపెడతానని బెదిరించాడు.

- Advertisement -

పుంగనూరు నూతన ఎంపిపి భాస్కర్‌రెడ్డిని సన్మానించిన ఉపాధ్యాయులు

Tags:33 people raped in 8 months

Leave A Reply

Your email address will not be published.

Translate »
You cannot copy content of this page