4 bodies on a single pile

 ఒకే చితిపై 4 మృతదేహాలు

Date:30/07/2020

వరంగల్ ముచ్చట్లు:

రోనా మహమ్మారి కారణంగా జీవితంలో ఎవరూ చూడలేని దారుణాల్ని చూస్తున్నారు. కళ్లెదుటే మనిషి చనిపోతున్నా… ఏం చేయలేకపోతున్నారు. కరోనా భయం అందర్నీ పట్టి పీడుస్తోంది. ఆపదలో ఉన్నవారికి సాయం చేయకుండా మన కాళ్లు చేతులు కట్టేసింది. రోజురోజకు దేశవ్యాప్తంగా పెరుగుతున్న కరోనా కేసులతో జనాల్లో మరింత ఆందోళన పెరిగిపోయింది. దీంతో రోజకో దారుణ ఘటన చూడాల్సి వస్తోంది. తాజాగా ఒకే చితిపై నాలుగు కరోనా మృతదేహాల్ని దహనం చేసిన ఘటన తెలంగాణ రాష్ట్రంలో చోటుచేసుకుంది.కరోనా మృతదేహాల కాల్చివేతలో నిబంధనలు, సంప్రదాయాలను అధికారులు గాలికి వదిలేశారు. ఒకే చితిపై నాలుగు మృతదేహాలను దహనం చేస్తున్నారు. మూడు చితుల్లో 9 మృతదేహాలకు పైనే కాల్చివేస్తున్నారు. ప్రభుత్వం చెప్తున్న కరోనా మృతుల సంఖ్యకు.. కాలుతున్న చితిమంటలకు పొంతన ఏమాత్రం కుదరడం లేదు. వరంగల్ పోతన శ్మశాన వాటికలో ఈ ఘటన చోటు చేసుకుంది.

 

సమయంలో రోజుకు పదుల సంఖ్యలో మృతదేహాలను కాలుస్తున్నారని స్థానికులు ఆరోపిస్తున్నారు. తెలంగాణలో ఇప్పటికే కరోనా వైరస్ విషయంలో ప్రభుత్వంపై అనేక విమర్శలు వస్తున్నాయి. అటు హైకోర్టు సైతం సర్కార్ పై ఈవిషయంలో సీరియస్ అయిన సంగతి తెలిసిందే.మరోవైపు తెలంగాణలో బుధవారం ఒక్కరోజే 1811 పాజిటివ్ కేసులు నమోదయ్యాయి. 13 మంది చనిపోయారు. దీంతో తెలంగాణలో కరోనా కేసుల సంఖ్య 60,717 కు చేరగా మరణాల సంఖ్య 505 కు చేరింది. ఇందులో 15,640 మంది చికిత్స తీసుకుంటుండగా 44,572 మంది కరోనా నుంచి కోలుకున్నారు. నిన్న(29)న ఒక్కరోజే 18263 మందికి టెస్టులు చేయగా 1811 మందికి పాజిటివ్ వచ్చింది.

 

వారి ఆలయంలో శాస్త్రోక్తంగా పవిత్రోత్సవాలు ప్రారంభం

Tags:4 bodies on a single pile

Leave a Reply

Your email address will not be published. Required fields are marked *