Natyam ad

మళ్లీ పుష్ప’  రి-రిలీజ్

హైదరాబాద్ ముచ్చట్లు:

ఐకాన్ స్టార్ అల్లు అర్జున్ పాన్ ఇండియా మూవీ ‘పుష్ప’  రి-రిలీజ్ అవుతోంది. ఈ సినిమా విడుదలై ఏడాది పూర్తిచేసుకుంటున్న సందర్భంగా అదే విడుదల తేదీకి రి-రిలీజ్ చేస్తున్నారు. అయితే, ఈ రి-రిలీజ్ తెలుగు రాష్ట్రాల్లో కాదు. సుకుమార్ దర్శకత్వం వహించిన ఈ సినిమా ఎంతటి ఘన విజయాన్ని అందుకుందో అందరికీ తెలిసిందే. 2021 సంవత్సరంలో బిగ్గెస్ట్ పాన్ ఇండియా మూవీగా నిలిచింది. బాక్సాఫీసు వద్ద కాసుల వర్షం కురిపించింది.ఐకాన్ స్టార్ అల్లు అర్జున్ , నేషనల్ క్రష్ రష్మిక మందన  జంటగా నటించిన చిత్రం ‘పుష్ప. క్రియేటివ్ డైరెక్టర్ సుకుమార్ దర్శకత్వం వహించిన ఈ పాన్ ఇండియా మూవీ బ్లాక్ బస్టర్ హిట్‌గా నిలిచింది. అల్లు అర్జున్ కెరీర్‌లో భారీ విజయాన్ని నమోదు చేసింది. ఒక్క తెలుగులోనే కాకుండా విడుదలైన అన్ని భాషల్లోనూ కాసుల వర్షం కురిపించింది. హిందీ ప్రేక్షకులకు సైతం బాగా దగ్గరైన ఈ చిత్రం అల్లు అర్జున్‌ను పాన్ ఇండియా స్టార్‌ను చేసింది.ఈ సినిమా గతేడాది డిసెంబర్ 17న విడుదలైన సంగతి తెలిసిందే. మరో నెల రోజుల్లో ఈ సినిమా తొలి వార్షికోత్సవాన్ని జరుపుకోనుంది. ఈ నేపథ్యంలో ‘పుష్ప’ సినిమాను రీ-రిలీజ్ చేయాలని నిర్ణయించారు. కాకపోతే, అది తెలుగు రాష్ట్రాల్లో కాదు. బన్నీకు విపరీతమైన ఫ్యాన్ ఫాలోయింగ్ ఉన్న కేరళలో ‘పుష్ప’ సినిమాను మళ్లీ విడుదల చేస్తున్నారు. డిసెంబర్ 17న ఈ చిత్రం థియేటర్లలోకి రానుంది. ఇ4 ఎంటర్‌టైన్మెంట్ సంస్థ కేరళ వ్యాప్తంగా వీలైనన్ని ఎక్కువ థియేటర్లలో ‘పుష్ప’ను రి-రిలీజ్ చేయబోతోంది.

 

 

 

Post Midle

ఇదిలా ఉంటే, అల్లు అర్జున్ ప్రస్తుతం ‘పుష్ప 2’తో బిజీగా ఉన్నారు. ఈ సీక్వెల్‌ను వచ్చే ఏడాది థియేటర్లలోకి వస్తుందని అంతా భావించారు. అయితే, ఇంకా ఆలస్యమయ్యే అవకాశం ఉన్నట్టు ఇండస్ట్రీ వర్గాల టాక్. ‘పుష్ప 2’ వచ్చే ఏడాది కాకుండా 2024లో ప్రేక్షకుల ముందుకు రాబోతోందని అంటున్నారు. ‘పుష్ప’ బ్లాక్ బస్టర్ హిట్ కావడంతో ‘పుష్ప 2’పై దేశ వ్యాప్తంగా భారీ అంచనాలున్నాయి. ఈ అంచనాలకు ఎట్టిపరిస్థితుల్లో సినిమా తగ్గకుండా ఉండాలని దర్శకుడు సుకుమార్ నిర్ణయించుకున్నారట. సుకుమార్ పర్ఫెక్షన్ వల్లే సినిమా ఆలస్యమయ్యే అవకాశముందని సమాచారం. ఈ సినిమాను నిర్మిస్తోన్న మైత్రీ మూవీ మేకర్స్ నిర్మాతలు సైతం సుకుమార్‌కు ఫుల్ ఫ్రీడమ్ ఇచ్చారట. సినిమాను 2024 మే లేదా ఏప్రిల్‌లో విడుదల చేద్దామని నిర్ణయించుకున్నారట.‘పుష్ప’ పార్ట్-1లో ఎర్రచందనం స్మగ్లింగ్ సిండికేట్‌కు కింగ్ అయిన హీరో.. రెండో భాగంలో ఎస్పీ భన్వర్ సింగ్ షెఖావత్‌తో తలపడబోతున్నాడు. ఎస్పీ షెఖావత్ పాత్రను మలయాళ స్టార్ ఫహద్ ఫాజిల్ పోషించిన సంగతి తెలిసిందే. ఇక ఫస్ట్ పార్ట్‌లో శ్రీవల్లి పాత్ర పోషించిన రష్మిక మందన సీక్వెల్‌లోనూ కొనసాగుతున్నారు. అయితే, కొత్తగా ప్రియమణి ‘పుష్ప 2’లో కీలక పాత్ర పోషిస్తున్నారని సమాచారం. దేవిశ్రీ ప్రసాద్ సంగీతం సమకూరుస్తున్న ఈ సినిమాకు మిరోస్లావ్ క్యూబా బ్రోజెక్ సినిమాటోగ్రఫీ అందిస్తున్నారు.

 

Tags: Again Pushpa’ re-released

Post Midle

Leave A Reply

Your email address will not be published.