వ్యవసాయ బిల్లు…తేనె పూసిన కత్తి

Date:19/09/2020

హైద్రాబాద్ ముచ్చట్లు:

కేంద్రం ప్రవేశపెట్టిన వ్యవసాయ బిల్లుతో రైతులకు బాగా అన్యాయం జరుగుతుందని తెలంగాణ ముఖ్యమంత్రి కేసీఆర్ అన్నారు. ఈ బిల్లు కార్పొరేట్ వ్యాపారులకు లాభం చేకూర్చేలా ఉందని అన్నారు. పార్లమెంట్‌లో వ్యవసాయ బిల్లును వ్యతిరేకించాలని ఎంపీ కేకేకు ముఖ్యమంత్రి సూచించారు. ఆ వ్యవసాయ బిల్లును సీఎం తేనే పూసిన కత్తిగా అభివర్ణించారు. ఆ బిల్లు ప్రజల ప్రయోజనాలను దెబ్బతీసేలా వుందని సీఎం విమర్శించారు. రైతులు తమ సరకును దేశంలో ఎక్కడైనా అమ్ముకోవచ్చని అంటున్నారని.. నిజానికి రైతులు తమకున్న కొద్దిపాటి సరకును రవాణా ఖర్చులు భరించి లారీల ద్వారా వేరే ప్రాంతానికి తీసుకెళ్లి అమ్మడం సాధ్యమేనా అని కేసీఆర్ ప్రశ్నించారు.రాజ్యసభలో వ్యవసాయ బిల్లు ప్రవేశపెడుతున్న సందర్భంగా ఈ బిల్లును తీవ్రంగా వ్యతిరేకించాల్సిన అవసరాన్ని సీఎం వివరించారు. పైకి చెప్పడానికి రైతులు తమ సరకును ఎక్కడైనా అమ్ముకోవచ్చని బిల్లులో చెప్పారు. కానీ, వాస్తవానికి వ్యాపారులు ఎక్కడికైనా వెళ్లి సరకును కొనుగోలు చేయడానికి ఉపయోగపడే విధానం బిల్లులో ఉందన్నారు.

 

 

కార్పొరేట్‌ గద్దలు దేశమంతా విస్తరించడానికి, ప్రైవేటు వ్యాపారులకు దారులు బార్లా చేయడానికి ఈ బిల్లు ఉపయోగపడుతుందని సీఎం విమర్శించారు.ప్రస్తుతం మొక్కజొన్నల దిగుమతిపై 50 శాతం సుంకం అమలులో ఉందని, దీనిని 15 శాతానికి తగ్గించి కోటి టన్నుల ధాన్యాన్ని దిగుమతి చేసుకోవాలని కేంద్ర ప్రభుత్వం నిర్ణయించిందని సీఎం తెలిపారు. ఇప్పటికే 70-75లక్షల టన్నుల మక్కలు కొనుగోళ్లు జరిగాయని, ఇప్పుడు 35 శాతం సుంకం తగ్గించడం ఎవరి ప్రయోజనం ఆశించి చేసిందని ప్రశ్నించారు. దేశం ఆర్థిక సంక్షోభంలో ఉన్న సమయంలో ఈ నిర్ణయం ఎలా తీసుకున్నారని సీఎం నిలదీశారు. మన దేశంలోనే పుష్కలంగా మొక్కజొన్న పండుతున్నప్పుడు సుంకం తగ్గించి మరీ వాటిని దిగుమతి చేసుకుంటే మన రైతుల పరిస్థితి ఏంటని ప్రశ్నించారు.అయితే, ఈ వ్యవసాయ బిల్లులకు వ్యతిరేకంగా రైతులు ఆందోళనలు చేస్తున్నారు. పంజాబ్, హరియాణాలలో ఈ ఆందోళనలు ఎక్కువగా ఉంటున్నాయి. ఈ ఆర్డినెన్సులకు వ్యతిరేకంగా ఆగస్టులోనే పంజాబ్ అసెంబ్లీ తీర్మానం చేసింది. తాజాగా కేంద్ర మంత్రి కూడా హర్ సిమ్రత్ కూడా వ్యవసాయ బిల్లులను వ్యతిరేకిస్తూ రాజీనామా చేసిన సంగతి తెలిసిందే.రైతు ఉత్పత్తుల వాణిజ్య, వ్యాపార (ప్రోత్సాహక, సులభతర) బిల్లు, రైతుల (సాధికారత, రక్షణ) ధర హామీ, సేవల ఒప్పంద బిల్లు-2020 బిల్లుతోపాటు నిత్యావసర సరకుల సవరణ బిల్లు బిల్లులను ఇటీవల లోక్‌సభ ఆమోదించిన విషయం తెలిసిందే.

కార్తీక్ దే కారు… నా కుమారుడి చేతులు మీద తీసుకున్నాడు

Tags:Karthik de car … took over my son’s arms…

Leave a Reply

Your email address will not be published. Required fields are marked *