Education with the additions of change

ఆగని మహమ్మారి

Date:23/06/2020

న్యూఢిల్లీ ముచ్చట్లు:

దేశంలో కరోనా స్వైరవిహారం కొనసాగుతోంది. కేవలం ఎనిమిది రోజుల్లోనే కరోనా వైరస్ కేసులు మూడు లక్షల నుంచి నాలుగు లక్షలకు చేరడం దేశంలో మహమ్మారి తీవ్రతకు అద్దం పడుతోంది.దేశంలో కరోనా వైరస్ మహమ్మారి తీవ్రత కొనసాగుతోంది. గడచిన మూడు రోజులతో పోలిస్తే సోమవారం పాజిటివ్ కేసుల సంఖ్య కాస్త తక్కువగా నమోదయ్యాయి. దేశవ్యాప్తంగా 14,778 మందికి కొత్తగా వైరస్ నిర్ధారణ అయ్యింది. అలాగే మరో 314 మంది కరోనాతో ప్రాణాలు కోల్పోయారు. దీంతో దేశంలో కరోనా మరణాల సంఖ్య 14వేల మార్క్ దాటింది. కరోనా మరణాలు కేవలం రెండు రోజుల్లోనే 13వేల నుంచి 14వేలకు చేరడం ఆందోళన కలిగిస్తోంది. దేశవ్యాప్తంగాకరోనా వైరస్ కేసులు 4.4 లక్షలకు చేరుకోగా.. వీరిలో 2.47 లక్షల మంది కోలుకున్నారు.

 

 

 

గత ఆరు రోజుల నుంచి వరుసగా పాజిటివ్ కేసులు రికార్డుస్థాయిలో నమోదవుతుండగా.. సోమవారం మాత్రం తగ్గడం ఊరటనిచ్చే అంశం. కేవలం ఆరు రోజుల్లోనే దేశంలో 87వేలకుపైగా పాజిటివ్ కేసులు నమోదయ్యాయి. ఆదివారం 15,372 మందికి వైరస్ నిర్ధారణ కాగా.. సోమవారం 14,778 కొత్త కేసులు నమోదయ్యాయి. మహారాష్ట్రలో మరో 3,721 మందికి కొత్తగా వైరస్ నిర్ధారణ అయ్యింది. దీంతో అక్కడ కరోనా బాధితుల సంఖ్య 1,35,796కి చేరింది. మరో 113 మంది ప్రాణాలు కోల్పోగా.. మొత్తం కరోనా మరణాలు 6,283కి చేరాయి.ఇక, తమిళనాడులో రికార్డుస్థాయిలో సోమవారం 2,710 మందికి కొత్తగా వైరస్ నిర్ధారణ అయ్యింది. తెలంగాణలోనూ కరోనా వైరస్ రోజువారీ కేసుల్లో సరికొత్త రికార్డు నమోదయ్యింది. ఏకంగా 872 కొత్త కేసులు నమోదు కావడం ఆందోళనకు గురిచేస్తోంది. రోజువారీ కేసుల్లో కేరళ 138, నాగాలాండ్ 69, మణిపూర్ 57 కొత్త రికార్డులు సృష్టించాయి.

 

 

 

 

రాజధాని ఢిల్లీలో 2,909 కొత్త కేసులు నిర్ధారణ కాగా.. మరో 58 మంది ప్రాణాలు కోల్పోయారు. దీంతో ఢిల్లీలో కరోనా బాధితులు 62,655కి చేరగా.. మరణాల సంఖ్య 2,233కి చేరాయి. అటు తమిళనాడులోనూ కరోనా కేసులు 62వేల మార్క్ దాటాయి. చెన్నై నగరంలోనే కరోనా కేసులు 42వేలు దాటగా.. ఇప్పటి వరకూ 622 మంది చనిపోయారు.గుజరాత్‌లో 580 మందికి కొత్తగా వైరస్ నిర్ధారణ అయ్యింది. దీంతో అక్కడ మొత్తం కరోనా బాధితుల సంఖ్య 27,880గా నమోదయ్యింది. అయితే, మరణాల రేటు మాత్రం జాతీయ సగటు కంటే ఎక్కువగా ఉంది. ఆంధ్రప్రదేశ్‌లోనూ సోమవారం మరో 443 కొత్త కేసులు నమోదయ్యాయి. దీంతో అక్కడ కరోనా కేసుల సంఖ్య 9,300 దాటింది. ఈ నేపథ్యంలో రాష్ట్రంలో ప్రతి కుటుంబానికీ కరోనా పరీక్షలు చేయాలని.. వచ్చే 90 రోజుల్లో వీటిని పూర్తిచేయాలని అధికారులను ముఖ్యమంత్రి జగన్‌ ఆదేశించారు. ప్రతీ మండలానికి ఒక 104 వాహనాన్ని కేటాయించి.. కరోనా నమూనాలు తీసే సౌకర్యాలను వాటిలో ఏర్పాటు చేయాలని సూచించారు.

50 లక్షల మందికి రైతు బంధు

Tags:An unstoppable pandemic

Leave a Reply

Your email address will not be published. Required fields are marked *