కుష్ఠువ్యాది నిర్మూలనపై ర్యాలీ

Date:19/08/2019

పుంగనూరు ముచ్చట్లు:

మండలంలోని చండ్రమాకులపల్లెలో కుష్ఠువ్యాది నిర్మూలనపై విద్యార్థులచే సోమవారం ర్యాలీ నిర్వహించారు. డిపిఎంవో దేవదాస్‌ మాట్లాడుతూ సిబ్బంది కుష్ఠువ్యాది నివారణలో భాగంగా ఈనెల 16 నుంచి 31 వరకు ఇంటింటా సర్వే నిర్వహించనున్నట్లు తెలిపారు. ముడిబాపనపల్లె ఆరోగ్య కేంద్రం పరిధిలో 72 బృందాలను సర్వేలకు నియమించినట్లు తెలిపారు. మైక్రోబ్యాక్టీరియా వల్ల కుష్ఠువ్యాది సంభవిస్తుందని, దీనిపై ప్రజలు అవగాహన కలిగి, ఎప్పటికప్పుడు పరీక్షలు చేసుకోవాలని సూచించారు. ఈ కార్యక్రమంలో సిబ్బంది హరిప్రసాద్‌, వెంకటలక్ష్మి, ప్రవీన్‌తాజ్‌, ఆశ వర్కర్లు పాల్గొన్నారు.

సమ్మర్‌స్టోరేజ్‌ ట్యాంకు, ఆర్టీసి బస్టాండుకు మహర్ధశ

Tags: Rally on eradication of leprosy

సమ్మర్‌స్టోరేజ్‌ ట్యాంకు, ఆర్టీసి బస్టాండుకు మహర్ధశ

– మంత్రి పెద్దిరెడ్డి ఆధ్వర్యంలో ప్రారంభానికి సిద్దం

Date:19/08/2019

పుంగనూరు ముచ్చట్లు:

పుంగనూరు పట్టణంలో అభివృద్ధి పనులు ప్రారంభోత్సవానికి మంత్రి పెద్దిరెడ్డి శ్రీకారం చుట్టారు. సుమారు పది సంవత్సరాలుగా ప్రారంభానికి నోచుకోని సమ్మర్‌స్టోర్‌జ్‌ ట్యాంకు, ఆర్టీసి డిపోను త్వరలో ప్రారంభించి, ప్రజలకు అంకితం చేసేందుకు రాష్ట్ర పంచాయతీరాజ్‌శాఖ మంత్రి, ఎమ్మెల్యే డాక్టర్‌ పెద్దిరెడ్డి రామచంద్రారెడ్డి కృతనిశ్చయంతో అడుగులు వేస్తున్నారు. ఈ రెండు కార్యక్రమాలను త్వరలోనే ప్రారంభించాలని అధికారులకు ఆదేశాలు జారీ చేశారు. ఈ మేరకు ఇంజనీరింగ్‌ , ఆర్టీసి అధికారులతో మంత్రి సమావేశం నిర్వహించి, ఇందుకు అవసరమైన మోటార్లు కొనుగోలు చేసేందుకు ప్రణాళికలు సిద్దం చేశారు. నియోజకవర్గ ప్రజల దాహార్తి తీర్చేందుకు 2010లో పనులు ప్రారంభించి సమ్మర్‌స్టోరేజ్‌ ట్యాంకును నిర్మించారు. సుమారు రూ.33.33 కోట్లతో పనులను శరవేగంగా పూర్తి చేశారు. పెద్దిరెడ్డి చేసిన అపర భగీరథయత్నం పనులను మాజీ ముఖ్యమంత్రులు ఆపివేశారు. దీనిపై ఆగ్రహంతో పెద్దిరెడ్డి పుంగనూరు నుంచి గార్గెయప్రాజెక్టు వరకు వేలాది మంది ప్రజలతో 77 కిలోమీటర్ల పాదయాత్ర చేపట్టి పనులను కొనసాగించాలని హెచ్చరించారు. కాని ప్రారంభించకపోవడంతో పట్టణ ప్రజలకు దాహార్తి సమస్య తీరకపోయింది. కోట్లాది రూపాయలు ఖర్చు చేసి నిర్మించిన ట్యాంకులు, పంపుహౌసులు ,, స్టోరేజ్‌ట్యాంకు, పైపులైన్లు నిరుపయోగమైంది. దీనిపై వైఎస్సార్సీపి అధికారంలోకి రావడంతో మంత్రి పెద్దిరెడ్డి వీటిపై దృష్టి సారించి, ప్రారంభించేందుకు అధికారులను పరుగులు పెట్టిస్తున్నారు. ఇప్పటికే పలుమార్లు ఇంజనీరింగ్‌ , ఆర్టీసి అధికారులు పుంగనూరులో పర్యటించి పనులను పరిశీలించారు.

ఆర్టీసి డిపో ……

పుంగనూరు నియోజకవర్గ ప్రజల కోసం రూ. 2 కోట్లతో నిర్మించిన ఆర్టీసి డిపో త్వరలో ప్రారంభించేందుకు అధికారులు సన్నహాలు చేస్తున్నారు. రాష్ట్ర పంచాయతీరాజ్‌ శాఖ మంత్రి డాక్టర్‌ పెద్దిరెడ్డి రామచంద్రారెడ్డి ఆదేశాల మేరకు డిపోను త్వరలో ప్రారంభించనున్నారు. పుంగనూరులో ఆర్టీసి డిపో ఏర్పాటు చేస్తూ దివంగత ముఖ్యమంత్రి వైఎస్‌. రాజశేఖర్‌రెడ్డి మంజూరు చేశారు. 2009లో ఆర్టీసి డిపో పనులను మంత్రి పెద్దిరెడ్డి ఆధ్వర్యంలో సుమారు రూ.2 కోట్లు ఖర్చు చేసి పూర్తి చేశారు. రాజకీయ మార్పులతో మాజీ సీఎంలు కిరణ్‌కుమార్‌రెడ్డి, చంద్రబాబునాయుడు పుంగనూరులో అభివృద్ధి పనులు జరగకుండ పది సంవత్సరాల పాటు ఆపివేశారు. వైఎస్‌.జగన్‌ మోహన్‌రెడ్డి ముఖ్యమంత్రి కాగానే మంత్రి పెద్దిరెడ్డి ఆధ్వర్యంలో అభివృద్ధి పనులు ప్రారంభించేందుకు శ్రీకారం చుట్టారు. ఈ విషయమై పట్టణ ప్రజలు హర్షం వ్యక్తం చేస్తున్నారు.

స్పందనకు తగ్గిన వినతులు

Tags: Summer Storages Tank and RTC Bust

స్పందనకు తగ్గిన వినతులు

– కమిషనర్‌ వర్మ

Date:19/08/2019

పుంగనూరు ముచ్చట్లు:

రాష్ట్ర ముఖ్యమంత్రి వైఎస్‌.జగన్‌మోహన్‌రెడ్డి స్థానిక సమస్యల పరిష్కారం కోసం ప్రవేశపెట్టిన స్పందన కార్యక్రమానికి వినతులు తగ్గిందని మున్సిపల్‌ కమిషనర్‌ కెఎల్‌.వర్మ తెలిపారు. సోమవారం ఆయన ఆధ్వర్యంలో ఆర్‌వో రామకృష్ణ కలసి స్పందన కార్యక్రమం నిర్వహించారు. ఈ సందర్భంగా 72 మంది తమ వినతిపత్రాలను అందజేశారు. ఇందులో 42 మంది పెన్షన్ల కోసం , 28 మంది ఇండ్లు కావాలని, ఒకరు రేషన్‌కార్డు కోసం , ఒకరువీధి దీపాలు వెలిగించాలని ఫిర్యాదు చేశారు. అలాగే మండల పరిషత్‌ కార్యాలయంలో ఎంపీడీవో లక్ష్మిపతినాయుడు , ఈవోఆర్‌డి వరప్రసాద్‌ కలసి వినతులు స్వీకరించారు. అలాగే తహశీల్ధార్‌ కార్యాలయంలో తహశీల్ధార్‌ వెంకట్రాయులు, డిప్యూటి తహశీల్ధార్‌ మాదవరాజు వినతిపత్రాలు స్వీకరించారు. పెన్షన్లు, పాసుపుస్తకాలు, గృహనిర్మాణాలు, భూమి సర్వేలపై ఫిర్యాదులు అందాయి. ఈ సందర్భంగా కమిషనర్‌ మాట్లాడుతూ మున్సిపాలిటిలో ఇప్పటి వరకు 1258 మంది వినతిపత్రాలు స్పందన కార్యక్రమం ద్వారా అందినట్లు తెలిపారు. వీటిని ఆన్‌లైన్‌లో నమోదు చేసి, ప్రజలకు రశీదులు అందజేస్తూ పరిష్కరిస్తున్నామన్నారు.

ప్రపంచ ఫోటోగ్రాఫర్ల దినోత్సవం

Tags: Decreased auditory response

ప్రపంచ ఫోటోగ్రాఫర్ల దినోత్సవం

Date:19/08/2019

పుంగనూరు ముచ్చట్లు:

ప్రపంచ ఫోటోగ్రాఫర్ల దినోత్సవాన్ని పురస్కరించుకుని ఫొటోగ్రాఫర్లు పట్టణంలో భారీ ర్యాలీ నిర్వహించారు. సంఘ అధ్యక్షుడు చంధ్రశేఖర్‌, కార్యదర్శి చందు, ఉపాధ్యక్షుడు బండిబాలు, కోశాధికారి ప్రసాద్‌ ఆధ్వర్యంలో ర్యాలీ నిర్వహించి, అన్నదానం చేశారు. ఈ సందర్భంగా ఫోటోగ్రాఫర్లకు కమిషనర్‌ కెఎల్‌.వర్మ శాలువలు కప్పి సన్మానం చేశారు. ఈ సందర్భంగా ఫోటోగ్రాఫర్లకు ప్రత్యేకంగా రాయితీలు కల్పిస్తూ, ఇండ్ల స్థలాలు ఇవ్వాలని, పెన్షన్లతో పాటు ప్రభుత్వ పరంగా అన్ని రకాల సదుపాయాలు కల్పించాలని కమిషనర్‌ను కోరారు. ఈ కార్యక్రమంలో గౌరవ అధ్యక్షుడు చంద్ర, శేఖర్‌, నాగరాజు, మురళి, గిరి, కరుణాకర్‌, రాజేష్‌, శీన, అశోక, రెడ్డిశేఖర్‌, ప్రభాకర్‌రెడ్డి తదితరులు పాల్గొన్నారు.

ప్రాణం తీసిన పిల్లల సరదా ఆటలు

Tags: World Photographers Day

ప్రాణం తీసిన పిల్లల సరదా ఆటలు

-విద్యార్థి మృతి
– విషాదంలో తల్లిదండ్రులు

Date:19/08/2019

పుంగనూరు ముచ్చట్లు:

ఒకటోవ తరగతి చదువుతున్న విద్యార్థులు సరదాగా ఆడుకుంటు మరో విద్యార్థిని బాత్‌రూములో గడియపెట్టి మరచిపోవడంతో ఆ విద్యార్థి భయంతో ఏడుస్తూ ఆసుపత్రిలో చికిత్స పొందుతూ సోమవారం మృతి చెందిన సంఘటన ఈస్ట్పేట మున్సిపల్‌స్కూల్‌లో చోటు చేసుకుంది. పట్టణంలోని రెడ్డెప్ప, నందిని దంపతుల కుమారుడు హర్షవర్ధన్‌(6) పాఠశాలలో ఒకటోతరగతి చదువుతున్నాడు. ఇలా ఉండగా ఈనెల 14న పిల్లలు సరదాగా ఆడుకుంటు హర్షవర్ధన్‌ను బాత్‌రూములో పెట్టి గడియ పెట్టి క్లాసుకు వచ్చేశారు. విద్యార్థి ఎడుపులు విన్న మహిళలు విద్యార్థిని బయటకు తీసుకొచ్చి , టీచర్‌ భారతికి అప్పగించారు. అప్పటి నుంచి తీవ్రమైన భయంతో జ్వరం రావడంతో ప్రతి రోజు ఆసుపత్రిలో చికిత్సలు చేయించారు. సోమవారం తీవ్రమైన జ్వరం రావడంతో ప్రభుత్వాసుపత్రికి తీసుకెళ్తుండగా మార్గ మధ్యంలో హర్షవర్ధన్‌ మృతి చెందాడు. దీనిపై తల్లిదండ్రులు, బంధుమిత్రులు ఆందోళన చేపట్టారు. విషయం తెలిసిన వెంటనే కమిషనర్‌ కెఎల్‌.వర్మ , ఎస్‌ఐ అరుణ్‌కుమార్‌రెడ్డి సంఘటన స్థలానికి చేరుకుని తల్లిదండ్రులను పరామర్శించారు. ఈ మేరకు బంధువులతో చర్చలు జరిపారు. ఈ సంఘటనపై కమిషనర్‌ ఆగ్రహం వ్యక్తం చేసి, విధుల్లో నిర్లక్ష్యం వహించిన టీచర్‌ భారతికి మెమో జారీ చేశారు. విద్యావలంటీర్‌ పావని ఎందుకు తొలగించకూడదంటు మెమో జారీచేశారు. ఇలాంటి సంఘటనలు జరగకుండ కఠిన చర్యలు చేపడుతామని కమిషనర్‌ తెలిపారు. దీని పై పోలీసులకు ఎలాంటి ఫిర్యాదు అందలేదు.

గాలి,వానకు విరిగిపడ్డ కొమ్మలు

Tags: Fun games for surviving children

గాలి,వానకు విరిగిపడ్డ కొమ్మలు

Date:19/08/2019

పుంగనూరు ముచ్చట్లు:

పట్టణంలో గాలి, వాన కారణంగా చెట్లు కొమ్మలు విరిగి పడటంతో పట్టణ ప్రజలు తీవ్ర ఇబ్బందులకు గురౌతున్నారు. ఇందిరా సర్కిల్‌ నుంచి ఎంఎస్‌ఆర్‌కు వెళ్లే రహదారిపై చింతచె ట్టు కొమ్మలు విరిగిపడిపోవడంతో ట్రాఫిక్‌ స్తంభించింది. అలాగే పట్టణంలోని బస్టాండు, బైపాస్‌రోడ్డులో, తాటిమాకులపాళ్యెం, కోనేటిపాళ్యెం, తూర్పువెహోగశాల వద్ద రోడ్లు గుంతలు పడి నీరు నిల్వ ఉండటంతో వాహనదారులు తెలియకుండ గుంతల్లో పడి ప్రమాదాల భారినపడుతున్నారు. అలాగే ఆర్టీసి బస్టాండుకు వెళ్లే రహదారి బురదమయమైంది. దీనిపై అధికారులు వెంటనే చర్యలు తీసుకుని రోడ్లు మరమ్మతులు చేపట్టాలని కోరుతున్నారు.

తెలంగాణలోకి ఏపీ మద్యం వ్యాపారులు

Tags: Wind and broken branches

మధ్యంషాపుల అద్దె భవనాలకు టెండర్లు ఆహ్వానం

Date:18/08/2019

పుంగనూరు ముచ్చట్లు:

ప్రభుత్వం నిర్వహించే మధ్యంషాపులకు అద్దె భవనాలను సేకరించేందుకు టెండర్లు ఆహ్వానిస్తున్నట్లు ఎక్సెజ్‌ సీఐ శ్రీనివాసులురెడ్డి ఆదివారం విలేకరులకు తెలిపారు. ప్రభుత్వాదేశాల మేరకు పుంగనూరు, రామసముద్రం, పెద్దపంజాణి , చౌడేపల్లె, సోమల, సదుం మండలాల్లో గల మధ్యం దుకాణాలను బాడుగులకు తీసుకునేందుకు టెండర్లను కోరుతున్నట్లు తెలిపారు. భవన యజమానులు ఈనెల 21 సాయంత్రం 4 గంటలలోపు టెండర్లను పుంగనూరు ఎక్సెజ్‌ కార్యాలయం బాక్సులో వేయాలన్నారు. వివరాలకు స్టేషన్‌లో సంప్రదించాలన్నారు. ప్రభుత్వ ఆదేశాల మేరకు షాపుల సంఖ్య, వివరాలను నిర్ణయించడం జరుగుతుందన్నారు.

ప్రతి నీటిబొట్టును వృధా చేయరాదు

Tags: Invitation of tenders to mid-sized rental buildings

ప్రతి నీటిబొట్టును వృధా చేయరాదు

– కమిషనర్‌ వర్మ

Date:18/08/2019

పుంగనూరు ముచ్చట్లు:

మున్సిపాలిటి పరిధిలో ప్రతి వర్షపు నీటిని వృధా కానీవ్వకుండ ఇంకుడు గుంతలు ఏర్పాటు చేసి, భూగర్భజలాలను పెంపొందించుకోవాలని కమిషనర్‌ కెఎల్‌.వర్మ కోరారు. ఆదివారం ఆయన మున్సిపాలిటి, పట్టణంలోని పలు ప్రాంతాలలో పర్యటించారు. ఇంటి యజమానులకు ఇంకుడు గుంతలు ఏర్పాటుపై అవగాహన కల్పించారు. ఈ సందర్భంగా కమిషనర్‌ మాట్లాడుతూ మంత్రి డాక్టర్‌ పెద్దిరెడ్డి రామచంద్రారెడ్డి ఆదేశాల మేరకు జిల్లా కలెక్టర్‌ నారాయణ భరత్‌గుప్తా సూచనల మేరకు మున్సిపాలిటిలో ప్రతి ఇంటి వద్ద ఇంకుడు గుంతలను ఏర్పాటు చేసే కార్యక్రమాన్ని చేపట్టామన్నారు. భవన నిర్మాణ అనుమతులు మంజూరు చేసే సమయంలో ఇంకుడు గుంతల ఏర్పాటును ఖచ్చితంగా అమలు చేస్తామన్నారు. వర్షపునీటిని వృధాకానీవ్వకుండ ఎక్కడ నీరు అక్కడే ఇంకిపోయేలా చర్యలు చేపట్టామన్నారు. ముఖ్యంగా మంచినీటి బోర్లు ఉన్న ప్రాంతాల్లో గల నీటిని బోర్ల వద్దకు తరలించి, అక్కడ ఇంకుడు గుంతలు ఏర్పాటు చేస్తామన్నారు. అలాగే పట్టణంలోని గృహ యజమానులందరు తప్పకుండ ఇంటి వద్ద ఒకొక్క మొక్కను నాటుకోవాలని నిబంధన పెట్టామన్నారు. అలాగే నాటిన ప్రతి మొక్కకు వారి కుటుంబ సభ్యుల పేర్లు ఏర్పాటు చేసుకునేలా చేసుకోవాలన్నారు. కుటుంబ సభ్యులను సంరక్షించుకునే రీతీలో మొక్కలను కూడ పెంచుకోవాలని ఆయన ప్రజలను కోరారు. ఇలాంటి కార్యక్రమాల ద్వారా పర్యావరణ కాలుష్యాని నివారించేందుకు వీలుంటుందన్నారు. ఇప్పటికే పట్టణంలో 70 శాతం వెహోక్కలు నాటి సంరక్షించడం జరుగుతోందన్నారు. మిగిలిన ప్రాంతాల్లో కూడ మొక్కలు నాటే కార్యక్రమాన్ని త్వరితగ తిన పూర్తి చేసి గ్రీనరీ అవార్డును సాధించుకునేందుకు ప్రజలు సహకరించాలని కోరారు. ఈ కార్యక్రమంలో శానిటరీ ఇన్‌స్పెక్టర్‌ సఫ్ధర్‌, కార్మికులు పాల్గొన్నారు.

19న స్పందన

Tags: Not every waterproof should be wasted