రేణిగుంట సబ్ డివిజనల్ పోలీస్ కార్యాలయం, అర్బన్ పోలీస్ స్టేషన్ ను వార్షిక తనిఖీ చేసిన జిల్లా ఎస్పీ  పి.పరమేశ్వర రెడ్డి ఐపీఎస్.

▶️ నేరాలు తగ్గుముఖం పట్టాలంటే విసిబుల్ పోలీసింగ్ ప్రధాన ఆయుధం.

▶️ పోలీస్ స్టేషన్ లకు సబ్ డివిజనల్ పోలీస్ కార్యాలయం ఓక దిక్చూచి.

▶️ పోలీసులు క్రమశిక్షణతో విధులు నిర్వర్తించాలి, ఫిర్యాదు దారులతో ఆత్మీయంగా, హుందాగా మాట్లాడి బాధితులకు ఎల్లప్పుడూ పోలీస్ స్టేషన్ అండగా నిలిచి సమస్యలను పరిష్కరించాలి.

▶️ అక్రమ రవాణా అరికట్టడానికి ప్రధాన కూడలిలు, హైవే రహదారి పై నిరంతర నిఘా ఉంచి పర్యవేక్షిస్తూ అప్రమత్తంగా ఉండాలి.

రేణిగుంట పోలీస్ స్టేషన్ తనిఖీ

 

తిరుపతి  ముచ్చట్లు:

 

వార్షిక తనిఖీలలో భాగంగా బుధవారం నాడు రేణిగుంట పోలీస్ స్టేషన్ ను జిల్లా ఎస్పీ   పి.పరమేశ్వర రెడ్డి ఐపీఎస్.,  తనిఖీ చేశారు. పోలీస్ స్టేషన్ ఎస్.హెచ్.ఓ. మరియు సిబ్బంది యొక్క పనితీరును సమీక్షించి జనరల్ డైరీ, కేసు డైరీ, కోర్టు క్యాలెండర్ వంటి పలు రికార్డులను తనిఖీ చేసి పరిశీలించారు.రేణిగుంట పట్టణం తిరుపతి నగరానికి తూర్పు వైపున ఒక మహా ద్వారం లాగా బాసిల్లుతున్నది. కాబట్టి బొంతాలమ్మ గుడి కూడలి, రమణ విలాస్ కూడళ్ళ పై నిరంతర నిఘా ఉంచి, ట్రాఫిక్ జామ్ కాకుండా అప్రమత్తంగా ఉండాలన్నారు. ఆకస్మికంగా వాహనాల తనిఖీలను నిర్వహించి, ఎర్ర చందనం, మాదకద్రవ్యాల అక్రమ రవాణాన్ని అరికడుతూ, అలాగే హైవే పెట్రోలింగ్ వాహనాలు నిరంతరం రహదారి యందు తిరుగుతూ నేరాలు జరగకుండా నివారించాలన్నారు.రేణిగుంట పోలీస్ స్టేషన్ పరిధి నందు నివాసం ఉంటున్న కేడీలు, బీసీలు, డిసీలు, పాత నేరస్తులు, అనుమానితుల కదలికలపై ప్రత్యేకమైన నిఘా ఉంచుతూ, పోలీస్ స్టేషన్ పరిధిలో నేర నివారణ చేయుటకు బీట్ సిస్టంను మరింత మెరుగుపరచాలన్నారు.పోలీస్ స్టేషన్ కి వచ్చే ఫిర్యాదుదారుల యొక్క ఫిర్యాదులను స్వీకరించి చిన్న సమస్యగా ఉన్నప్పుడే ఇరుపక్షాలను పిలిపించి, వారితో మాట్లాడి, సదరు సమస్యను పరిష్కరించి ఎటువంటి నేరం జరగకుండా నివారణ చర్యలు తీసుకోవాలన్నారు.పోలీస్ స్టేషన్ సిబ్బందితో సమావేశమై వారి సాధకబాధలను అడిగి తెలుసుకున్నారు. అనంతరం సిబ్బందితో మాట్లాడుతూ క్రమశిక్షణతో విధులు నిర్వర్తించాలని, ఎక్కడ కూడా అలసత్వం ప్రదర్శించకుండా, ఎటువంటి ప్రలోభాలకు గురి కాకుండా విధుల యందు మానవతా దృక్పథంతో నిక్కచ్చిగా ఉండి, స్టేషన్ కు వచ్చే బాధితులతో మర్యాదగా ప్రవర్తిస్తూ వారికి మేమున్నామనే ధైర్యాన్ని ఇచ్చి ఫిర్యాదిదారులకు భరోసా ను కల్పించాలన్నారు.పోలీస్ స్టేషన్ పరిధిలో గల మహిళా సంరక్షణ కార్యదర్శుల పనితీరుని సమీక్షించిన పిమ్మట వారితో మాట్లాడుతూ నేటి సమాజంలో గృహ నిర్బంధ మహిళ సంబంధిత విషయాలను, బాలికలు ఎదుర్కొంటున్న ఈవ్ టీజింగ్, గుడ్ టచ్ బ్యాడ్ టచ్ మరియు పోక్సో చట్టం వంటి విషయాల గురించి సంబంధిత విద్యా సంస్థలు, పారిశ్రామిక ప్రాంతాల యందు అవగాహన కార్యక్రమాలు ఏర్పాటు చేసి చైతన్యవంతులను చేసి, కళాశాల, పాఠశాలల్లో బాలికల పట్ల ఉపాధ్యాయుల అసభ్య ప్రవర్తన గురించి విద్యార్థులతో మాట్లాడి తెలుసుకొని ఏదేని అనుకోని సంఘటనలు జరిగి ఉంటే తమ SHO కి తెలియపరచాలన్నారు.

 

రేణిగుంట సబ్ డివిసినల్ పోలీస్ కార్యాలయం తనిఖీ:-

 

 

అనంతరం రేణిగుంట సబ్ డివిజనల్ పోలీస్ ఆఫీసర్ వారి కార్యాలయాన్ని జిల్లా యస్.పి  తనిఖీ చేసి, దీర్ఘకాలికంగా పలు కారణాల వలన పెండింగ్ లో ఉన్న పాత కేసులు, ఎస్సీ/ఎస్టీ కేసులపై దృష్టి సారించి వాటిని త్వరిత గతిన పరిష్కరించి, బాధితులకు సరైన న్యాయం చేసేవిధంగా చూడాలని డిఎస్పి ని జిల్లా ఎస్పి  ఆదేశించారు.రేణిగుంట సబ్ డివిజన్ పరిధిలో ఎక్కువ భాగం హైవే రహదారి నిర్మాణంలో ఉన్నందున రోడ్డు ప్రమాదాల నివారణ కొరకు ప్రత్యేక కార్యచరణ చేపట్టాలన్నారు. ప్రమాదకరమైన మలుపులు, రోడ్ క్రాసింగ్ లను గుర్తించి అక్కడ సూచిక బోర్డులు, స్పీడ్ బ్రేకర్లను ఏర్పాటు చేసి ప్రమాదాలు జరగకుండా అరికట్టాలన్నారు. అలాగే హైవే పెట్రోలింగ్ వాహనాలు నిరంతరం హైవేల యందు తిరుగుతూ నేరాలు జరగకుండా చూడాలన్నారు.రేణిగుంట సబ్ డివిజన్ పరిధిలో ప్రధానమైన కేంద్రాలు అయిన తిరుపతి అంతర్జాతీయ విమానాశ్రయం, రేణిగుంట రైల్వే స్టేషన్, రేణిగుంట-ఏర్పేడు పారిశ్రామిక ప్రాంతాలు, గుడిమల్లం, బత్తినయ్య కొండ ఆలయాలు, ప్రధానంగా జాతీయ రహదారులు ఎక్కువ భాగం ఉన్నందున నేరస్తులు, అనుమానిత వ్యక్తులు సంచరించి నేరాలకు పాల్పడే అవకాశం ఉంది. ఇలాంటివి అరికట్టాలంటే నిరంతరం అన్ని చోట్లా ఆకస్మిక తనిఖీలు నిర్వహిస్తూ, విసిబుల్ పోలీసింగ్ చేసి, సంఘవిద్రోహ చర్యలకు పాల్పడే వారిపై ఉక్కుపాదం మోపుతూ రేణిగుంట సబ్ డివిజన్ పరిధిలో శాంతి భద్రతలను కాపాడాలన్నారు.

 

 

ఆంధ్రప్రదేశ్ రాష్ట్ర గౌరవ ముఖ్యమంత్రి  వైయస్ జగన్మోహన్ రెడ్డి  ఆదేశాల మేరకు యాంటీ డ్రగ్స్ స్పెషల్ డ్రైవ్ ను రేణిగుంట సబ్ డివిజన్ పరిధిలోని అన్ని పాఠశాల, కళాశాలల యందు నిర్వహించి, విద్యార్థులకు అవగాహన కల్పించాలి. తద్వారా విద్యార్థులలో పరివర్తన చెందించి మాదకద్రవ్య రహిత ప్రాంతంగా మారే విధంగా కృషి చేయాలన్నారు. ఈ విధంగా చేయడం వల్ల ఆ విద్యార్థులకు ఒక నిండు జీవితాన్ని ఇచ్చిన వాళ్ళం అవుతామన్నారు.ఈ కార్యక్రమంలో రేణిగుంట డిఎస్పి  భవ్య కిషోర్, సిఐలు చంద్రశేఖర్ పిళ్ళై డిసిఆర్బి, సుబ్బారెడ్డి రేణిగుంట, ఎస్ఐలు, యస్.డి.పి.ఓ కార్యాలయం మరియు రేణిగుంట పోలీస్ స్టేషన్ సిబ్బంది పాల్గొన్నారు.

Tags:Annual inspection of Renigunta Sub Divisional Police Office, Urban Police Station was done by District SP P. Parameswara Reddy IPS.