Another atrocity in Guntur

గుంటూరులో మరో దారుణం

Date:24/11/2020

గుంటూరు ముచ్చట్లు:

ఇంట్లో వంటమనిషిగా పనిచేస్తున్న తనపై డాక్టర్ అత్యాచారం చేశాడంటూ బాధితురాలు పోలీసులను ఆశ్రయించింది. మరికొందరితోనూ గడపాలంటూ ఒత్తిడి చేశాడని.. ఒప్పుకోకపోవడంతో యజమాని కూతురితో కలసి కొట్టి హింసించారంటూ అర్బన్ ఎస్పీ కార్యాలయంలో ఫిర్యాదు చేసింది. బాధితురాలి ఫిర్యాదు మేరకు వివరాలు.. గుంటూరు నగరంలోని చంద్రమౌళినగర్‌కి చెందిన యువతి ప్రత్తిపాడు మండలం యనమదలలోని ఓ అపార్ట్‌మెంట్‌లో వంటమనిషిగా పనిచేసేది.పీజీ చేస్తున్న డాక్టర్ తనపై అక్టోబర్ 12న అత్యాచారం చేశాడని.. పెళ్లి చేసుకుంటానని నమ్మించడంతో బయటకు చెప్పలేదని యువతి తెలిపింది. కొద్దిరోజుల అనంతరం తన స్నేహితులను పిలిపించి వారితో గడపాలంటూ ఒత్తిడి చేశాడని.. అందుకు ఒప్పుకోలేదని తన యజమాని కూతురు, అతని స్నేహితులతో కలసి కొట్టి గదిలో నిర్బంధించారని పేర్కొంది. చివరకు విషయం ఇంటి యజమానులకు తెలిసినా పట్టించుకోకపోగా తననే కొట్టి చంపేస్తామని బెదిరించారని ఆమె ఫిర్యాదు చేసింది.తాను స్పృహతప్పి పడిపోవడంతో వెళ్లిపోయారని.. ఎలాగో వారి నుంచి తప్పించుకుని బయటపడ్డానని ఆమె పేర్కొంది. తనపై అత్యాచారం చేసి.. పెళ్లి చేసుకుంటానని నమ్మించి మోసం చేసిన డాక్టర్, అతని స్నేహితులు, ఇంటి యజమానులపై చర్యలు తీసుకుని తనకు న్యాయం చేయాలని కోరింది. ఫిర్యాదుపై కేసు నమోదు విషయంపై స్పష్టత రావాల్సి ఉంది

 గ్రేటర్ లో హోరెత్తుతున్న ప్రచారం

Tags:Another atrocity in Guntur

Leave a Reply

Your email address will not be published. Required fields are marked *