Balireddy counter to Harish Rao

 హరీష్ రావుకు బాలిరెడ్డి కౌంటర్

Date;25/09/2020

విజయవాడ ముచ్చట్లు:

తెలంగాణ మంత్రి హరీష్‌రావుకు ఏపీ మంత్రి బాలినేని శ్రీనివాస్ రెడ్డి కౌంటర్ ఇచ్చారు. రైతులకు ఉచిత విద్యుత్ బోర్లకు మీటర్లు అమర్చే విషయంలో కేంద్రంతో సఖ్యతగా ఉంటూ కష్టాల్లో ఉన్న రాష్ట్ర
అభివృద్ధి కోసం కేంద్రానికి మద్దతు ఇచ్చామన్నారు. కేంద్రం ఇచ్చే రూ.4వేల కోట్ల ఫండ్ ప్రజల అభివృద్ధికి ఉపయోగిస్తామే తప్ప అవి తమ జేబుల్లో వేసుకోమనే విషయాన్ని తెలంగాణ మంత్రి హరీష్
రావు గ్రహించాలి అన్నారు. టీఆర్ఎస్ ప్రభుత్వంలా కేంద్రంతో ఒకరోజు మంచిగా ఉండటం మరో రోజు గొడవ పడటం కాకుండా రాష్ట్ర అభివృద్ధికోసం దీర్ఘకాలిక సఖ్యత అవసరమని భావించామన్నారు.

 

అదే పరిస్థితిలో రైతులకు అందించే ఉచిత విద్యుత్ విషయంలో రాజీపడే అవసరం లేదు అన్నారు మంత్రి బాలినేని. మరో 30 ఏళ్ల పాటూ రైతులకు ఉచిత విద్యుత్ అందించే విషయంలో మాట
తప్పమని రైతులకు హామీ ఇస్తున్నామన్నారు. డిస్కంలకు చెల్లించవలసిన బిల్లును కూడా నేరుగా రైతుల అకౌంట్లలో ముందుగానే డబ్బులు జమ చేస్తున్నామని చెప్పారు. దీనిపై ఎవ్వరూ
అనుమాన పడవలసిన అవసరంలేదన్నారు.వ్యవసాయ పంపుసెట్లకు మీటర్ల వ్యవహారంపై రెండు రోజుల క్రితం తెలంగాణ ఆర్థిక మంత్రి హరీష్‌రావు వ్యాఖ్యలు చేశారు. కేంద్రం రైతులను నిండా
ముంచాలని చూస్తోందని.. అందుకే సీఎం కేసీఆర్ ఈ నిర్ణయాన్ని వ్యతిరేకించారన్నారు. మీటర్లు వద్దు, బిల్లులు వద్దంటూ తేల్చిచెప్పారని.. రైతు సంక్షేమమే ముఖ్యమని భావించామన్నారు. రైతు
ఉపయోగించే ప్రతి బావికి, బోరుకు విద్యుత్‌ మీటర్‌ పెడితే.. తెలంగాణకు రూ.2500 కోట్లు, ఆంధ్రప్రదేశ్‌కు రూ.4వేల కోట్లు ఇస్తామని కేంద్రం చెప్పిందని.. తెలంగాణ ప్రభుత్వం తిరస్కరించిందన్నారు.
కానీ రూ.4 వేల కోట్లకు ఆశపడిన ఏపీ ముఖ్యమంత్రి జగన్.. ఆ డబ్బు తెచ్చుకుని ఇప్పుడు మీటర్ల పేరుతో ఆంధ్రా రైతుల మెడకు ఉచ్చు బిగిస్తున్నారని వ్యాఖ్యానించారు. ఓ వైపు రైతును నిండా
ముంచుతూనే.. మరోవైపు విద్యుత్‌ మీటర్ల పేరుతో వారి ఉసురు తీయాలని చూస్తున్నారని మండిపడ్డారు. దీనికి మంత్రి బాలినేని కౌంటర్ ఇచ్చారు.

పనిమనిషిపై కన్నేసిన యజమాని.. 

Tags:Balireddy counter to Harish Rao

Leave a Reply

Your email address will not be published. Required fields are marked *