ప్రియురాలి కోసం బిగ్ స్క్రీన్

Date:16/05/2020

ముంబై ముచ్చట్లు:

లాక్‌డౌన్ నేపథ్యంలో మాల్స్.. సినిమా హాల్స్ అన్నీ మూసే ఉన్న సంగతి తెలిసిందే. దీంతో ప్రజలు ఎంటర్‌టైన్మెంట్‌ను బాగా మిస్ అవుతున్నారు. ప్రేమ పక్షుల గురించి ప్రత్యేకంగా చెప్పాల్సిన అవసరమే లేదు. టైమ్ దొరికితే.. సినిమా హాల్‌లో కార్నర్ సీట్లో కూర్చొని ఎంజాయ్ చేసే జంటలు.. ఇప్పుడు ఇంట్లోనే కుర్చొని విరహ వేదన అనుభవిస్తున్నారు. అయితే, సహ జీవనం చేస్తున్న జంటలు మాత్రం సమయం తెలియకుండా ఎంజాయ్ చేస్తున్నారు. ఓ యువకుడైతే.. తన ప్రియురాలికి బోర్ కొడుతోందని తన ఇంటినే సినిమా హాల్‌లా మార్చేశాడు.ప్రేమికులు తమ ఇష్టమైనవారిని సంతోష పెట్టేందుకు ఏమైనా చేస్తారనే సంగతి తెలిసిందే. మైఖెల్ అనే ఈ టిక్‌టాకర్ కూడా అదే చేశాడు. తన గర్ల్‌ఫ్రెండ్‌ను సర్‌ప్రైజ్ చేయడం కోసం తన ఇంటిని చిన్న సైజు సినిమా హాల్‌లా మార్చేశాడు. టికెట్ కౌంటర్‌తో పాటు.. స్నాక్స్ స్టాల్ కూడా ఏర్పాటు చేశాడు. పై అంతస్తులో ఉన్న రెండు గదులకు సినిమా హాల్ స్టైల్‌లో ఆడిటోరియం-1, ఆడిటోరియం-2 అని రాశాడు.

 

 

 

కారు దిగి ఇంట్లోకి వచ్చిన వెంటనే అతడి స్నేహితుడు ఆమెకు టికెట్, స్నాక్స్ ఇచ్చాడు. అనంతరం ఆమె మెట్లు ఎక్కి ఆడిటోరియం-1లోకి వెళ్లింది.అయితే, మీరు అక్కడ సినిమా హాల్‌ తరహాలో ‘బిగ్ స్క్రీన్’ ఉంటుందని మాత్రం అనుకోవద్దు. తన బడ్జెట్‌కు తగినట్లు తన టీవీనే సినిమా స్క్రీన్‌గా ఏర్పాటు చేశాడు. అయితే, ఆ హాల్ మొత్తం డెకరేషన్ లైట్లతో అందంగా అలంకరించాడు. అనంతరం ఆమెతో సోఫాలో కుర్చొని స్నాక్స్ ఎంజాయ్ చేస్తూ.. సినిమా చూశాడు. ఈ వీడియో ఇప్పుడు సోషల్ మీడియాలో వైరల్‌గా చక్కర్లు కొడుతోంది. ఈ వీడియో చూసిన టిక్‌టాకర్లు.. ‘‘వావ్.. నీ క్రియేటివిటీ అదుర్స్.. నీ గర్ల్‌ఫ్రెండ్‌ను భలే సర్‌ప్రైజ్ చేశావ్’’ అని పొగిడేస్తున్నారు. మీకు కూడా బోర్ కొడితే ఇలా ట్రై చేయండి.

కరోనా పేషంట్ల వాహానం బోల్తా

Tags: Big screen for girlfriend

Leave a Reply

Your email address will not be published. Required fields are marked *