మార్చి 4 నుండి 13వ తేదీ వరకు ఏకాంతంగా శ్రీ కపిలేశ్వరస్వామివారి బ్రహ్మోత్సవాలు

Date:23/02/2021

తిరుపతి ముచ్చట్లు:

తిరుపతిలోని శ్రీ కపిలేశ్వరస్వామివారి ఆలయంలో మార్చి 4 నుండి 13వ తేదీ వ‌ర‌కు జ‌రుగ‌నున్న వార్షిక బ్ర‌హ్మోత్స‌వాల‌ను కోవిడ్ -19 నేప‌థ్యంలో ఏకాంతంగా నిర్వ‌హించ‌నున్నారు. మార్చి 3వ తేదీ సాయంత్రం 4.30 నుండి 6.30 గంటల మధ్య అంకురార్పణతో బ్రహ్మోత్సవాలు ప్రారంభం కానున్నాయి.

బ్రహ్మోత్సవాల్లో వాహనసేవల వివరాలు :

తేదీ ఉదయం సాయంత్రం

04-03-2021(గురువారం) ధ్వజారోహణం(మీన‌లగ్నం) హంస వాహనం

05-03-2021(శుక్ర‌‌వారం) సూర్యప్రభ వాహనం చంద్రప్రభ వాహనం

06-03-2021(శ‌నివారం) భూత వాహనం సింహ వాహనం

07-03-2021(ఆది‌వారం) మకర వాహనం శేష వాహనం

08-03-2021(సోమ‌‌వారం) తిరుచ్చి ఉత్సవం అధికారనంది వాహనం

09-03-2021(మంగ‌ళ‌వారం) వ్యాఘ్ర వాహనం గజ వాహనం

10-03-2021(బుధ‌వారం) కల్పవృక్ష వాహనం అశ్వవాహనం

11-03-2021(గురు‌వారం) రథోత్సవం(భోగితేరు) నందివాహనం

12-03-2021(శుక్ర‌వారం) పురుషామృగవాహనం కల్యాణోత్సవం, తిరుచ్చి ఉత్సవం

13-03-2021(శ‌నివారం) శ్రీనటరాజస్వామివారి రావణాసుర వాహనం,

సూర్యప్రభ వాహనం, త్రిశుల స్నానం. ధ్వజావరోహణం.

ఈ సంద‌ర్భంగా ప్ర‌తి రోజు ఉద‌యం 7 నుండి 9 గంట‌ల వ‌ర‌కు, రాత్రి 7 నుండి 9 గంట‌ల వ‌ర‌కు స్వామి, అమ్మ‌వార్ల‌కు ఆల‌యంలో ఏకాంతంగా వాహ‌న సేవ‌లు నిర్వ‌హిస్తారు.

ఫిబ్రవరి 28న కోయిల్‌ ఆళ్వార్‌ తిరుమంజనం :

శ్రీ కపిలేశ్వరస్వామివారి ఆలయంలో ఫిబ్రవరి 28వ తేదీ కోయిల్‌ ఆళ్వార్‌ తిరుమంజనం నిర్వహించనున్నారు. బ్రహ్మోత్సవాల ముందు కోయిల్‌ ఆళ్వార్‌ తిరుమంజనం నిర్వహించడం ఆనవాయితీ.

ఈ సందర్భంగా ఉదయం 11.30 నుండి మధ్యాహ్నం 2.30 గంటల వరకు కోయిల్‌ ఆళ్వార్‌ తిరుమంజనం జరుగనుంది. మధ్యాహ్నం 3.00 గంటల నుండి భక్తులను స్వామివారి దర్శనానికి అనుమతిస్తారు.

వైఎస్‌ జగన్‌ను మర్యాదపూర్వకంగా కలిసిన మంత్రి పెద్దిరెడ్డి రామచంద్రారెడ్డి.

Tags: Brahmotsavas of Sri Kapileswaraswamy in solitude from March 4 to 13

Leave a Reply

Your email address will not be published. Required fields are marked *