Natyam ad

బీఆర్ఎస్, బీజేపీ కలిసున్నాయి-సీఎల్పీ నేత భట్టి విక్రమార్క

నల్గోండ ముచ్చట్లు:


సీఎల్పీ నేత భట్టి విక్రమార్క శనివారం మీడియాతో మాట్లాడారు. బిఆర్ఎస్, బిజెపి అసలు స్వరూపం బయటపడింది.  ఈ సమాజానికి అత్యంత ప్రమాదకారిగా మారిన ప్రధాని మోడీ నాయకత్వంలో ఉన్న బిజెపి ఈ సమాజానికి చీడ అని నిన్నటి వరకు ప్రతి సందర్భంలో మాట్లాడిన సీఎం కేసీఆర్ గవర్నర్ తో కలిసి వెళ్లి వారి అసలు స్వరూపాన్ని బయటపెట్టారని అయన అన్నారు. బిజెపి, బిఆర్ఎస్ పార్టీలు వేర్వేరు కాదు. రెండు ఒకటేనని, ఇద్దరు కలిసి ఆడుతున్న నాటకంలో నువ్వు కొట్టినట్టు, తిట్టినట్టు  చెయ్యి. నేను ఏడ్చినట్టు చేస్తా అని రాష్ట్రంలో ఇతర రాజకీయ పార్టీల ఉనికి లేకుండా చేయాలన్న వారి కుట్రపూరిత ఆవలక్షణాలను కాంగ్రెస్ పార్టీగా ఇప్పటికే బయటపెట్టాం. నిన్నటితో అది నిజమని తేలిపోయిందని అన్నారు.

 

 

శాసనసభ బడ్జెట్ సమావేశాలు, జాతీయ జెండా ఆవిష్కరణ లాంటి ప్రభుత్వ కార్యక్రమాల్లో ఎప్పుడు గవర్నర్ తో కలిసి మాట్లాడటం కానీ, ఎదురుపడటానికి ఇష్టపడని కేసీఆర్ ఇప్పుడు సయోధ్య కుదుర్చుకొని, బేరం కుదుర్చుకొని, చిరునవ్వులు నవ్వుతూ గవర్నర్తో కలిసిపోవడం తెలంగాణ సమాజానికి కేసీఆర్ గురించి సంపూర్ణంగా అర్థమైంది. *బిజెపి, బీఆర్ఎస్ పార్టీలు ఆడుతున్న  రాజకీయ క్రీడ  గురించి తెలంగాణ సమాజానికి  సంపూర్ణంగా అర్థమైందని అన్నారు.
నిరంకుశ నియంత్రత్వ పోకడలతో ఫాసిస్టు పాలన సాగిస్తున్న ప్రధాని మోడీ, సీఎం కేసీఆర్ లను వదిలించుకోకుంటే భావ స్వేచ్ఛ ఉండదని ప్రజలు గ్రహిస్తున్నారు. నిరంకుశ నియంతృత్వ విధానాల అవలంబిస్తున్న మోడీ, కేసీఆర్ లు మాట్లాడే స్వేచ్ఛ లేకుండా చేయడంలో భాగంగానే ఇద్దరు కలిసి ప్రొఫెసర్ హారగోపాల్ తదితరులపై కుట్రపూరితంగా దేశ ద్రోహం (ఉపా) కేసులో ఇరికించారు. దేశంలో మాట్లాడే స్వేచ్ఛ లేకుండా హరిస్తున్న బిజెపి, బిఆర్ఎస్ ప్రభుత్వాలకు బుద్ధి చెప్పాలని అన్నారు.

 

పది ఏళ్ల కేసీఆర్ పరిపాలనలో అవినీతి అక్రమాలు, ధరణితో భూ కుంభకోణం, హైదరాబాద్ ఔటర్ రింగ్ రోడ్డు లీజ్ అక్రమాలు, హైదరాబాద్ చుట్టూ ఉన్న విలువైన భూముల అమ్మకాల అవినీతి, కాలేశ్వరం అవినీతి, లిక్కర్ స్కాం అవినీతి చిట్టా ఉందని మాట్లాడిన అమీత్ షా, మోడీలు చట్టపరంగా ఇప్పటి వరకు ఎలాంటి చర్యలు తీసుకోకుండా మాటలకే పరిమితమయ్యారు. బిజెపి, బిఆర్ఎస్ వేర్వేరు కాదు కాబట్టే ఇప్పటివరకు కేసీఆర్ పై ఎలాంటి చర్యలు లేవని అన్నారు. బిఆర్ఎస్, బిజెపి ఒకటే అని తెలంగాణ సమాజానికి అర్థం కావడంతో ఆ పార్టీలోకి వెళ్లిన నాయకులు పెద్ద ఎత్తున కాంగ్రెస్ లో చేరడానికి సిద్ధమవుతున్నారు. ప్రధాని మోడీ సీఎం కేసీఆర్ ను వదిలించుకోవడానికి రాజకీయ పునరేకీకరణ జరుగుతున్నది.

 

 

ప్రజాస్వామ్య పరిరక్షణ, లౌకిక వాదాన్ని కాపాడుకోవడం కోసం జరుగుతున్న రాజకీయ పునరేకీకరణలో  గ్రామస్థాయి నుంచి రాష్ట్ర స్థాయి వరకు నాయకులు  కలిసి రావాలి. కదంతొక్కాలి. నవ తెలంగాణ నిర్మాణం చేసుకుందామని పిలుపునిచ్చారు. పీపుల్స్ మార్చ్ పాదయాత్ర మొదలు పెట్టి మూడు నెలలు దాటుతున్నది. రాష్ట్ర ప్రజలకు సంబంధించిన గుండెచప్పుడు వారి ఆవేదనను మీడియా సాక్షిగా తెలంగాణ సమాజానికి తెలియజెప్పే ప్రయత్నం చేస్తున్నానని అన్నారు.

 

Tags: BRS and BJP have met – CLP leader Bhatti Vikramarka