Bunny connects with everyone: Sameer

బన్నీ అందరితో కనెక్ట్ అవుతాడు : సమీర్

Date:26/05/2020

హైద్రాబాద్ ముచ్చట్లు:

బిగ్ బాస్ సీజన్ 1లో సీనియర్ కంటెస్టెంట్‌గా అడుగుపెట్టిన యాక్టర్ సమీర్.. హౌస్‌లో ఉన్నది కొన్ని రోజులైనా మంచి క్రేజ్ సంపాదించారు. ఇక వెండితెరపై నటుడిగా ఈయన ప్రస్థానం పాతికేళ్లు పైనే. 1993 నాటి ‘ప్రేమ పుస్తకం’ నుంచి 2019 నాటి ‘మహర్షి’ వరకూ 50 పైగా చిత్రాల్లో నటించారు సమీర్. ముఖ్యంగా మెగా హీరోలు ఇంద్ర, ఠాగూర్, జై చిరంజీవ, మగధీర, ఆరెంజ్, సరైనోడు, అజ్ఞాతవాసి తదితర చిత్రాల్లో చిరంజీవి, బన్నీ, పవన్, రామ్ చరణ్ చిత్రాల్లో కీలకపాత్రల్లో నటించారు.తాను పనిచేసిన మెగా హీరోలందరిలోనూ కామన్‌గా ఒక లక్షణ ఉంటుందని.. అయితే బన్నీలో మాత్రం అలాంటిది ఉండదంటున్నారు యాక్టర్ సమీర్. మెగా హీరోల గురించి గతంలో ఆయన చేసిన కామెంట్స్ యూట్యూబ్‌లో ట్రెండ్ అవుతోంది. అందులో ఆయన మాట్లాడుతూ.. ‘చరణ్ చాలా హార్డ్ వర్క్ చేస్తారు.. కాని షూటింగ్‌లో చాలా రిజర్వ్‌గా ఉంటారు.

 

 

తన పని తాను చేసుకుంటారు. అందరితోనూ మాట్లాడతారు కాని అంత తొందరగా ఇతరులతో కనెక్ట్ కారు. నిజంగా ఆయనతో కనెక్ట్ అయ్యారంటే అంత తొందరగా వదలరు. అలా కావడం అనేది చాలా చాలా కష్టం. ఎప్పుడో కాని అది జరగదు. చరణ్‌తో గోవిందుడు అందరివాడేలే చిత్రానికి దాదాపు 60 రోజులు షూటింగ్ ఆయనతో కలిసే చేశాం. అప్పుడైతా నాతో బాగానే కనెక్ట్ అయ్యారు.చరణ్, చిరంజీవి, పవన్ మనుషుల్ని చాలా స్టడీ చేస్తారు. వీడు ఏంటి?? ఎలాంటి వ్యక్తి?? వీళ్లతో ఉండొచ్చా లేదా? అని మనుషుల్ని బాగా స్టడీ చేస్తారు. ఎవరితో ఉండాలి ఎవరితో ఉండకూడదు అనే విషయంలో కాస్త ఫీలింగ్ ఉంటుంది. కాని బన్నీ అలా కాదు.. ఆయనతో కనెక్ట్ కావడం చాలా ఈజీ. ఆయన నేచర్ చాలా ఈజీ. అందరితో చాలా సరదాగా ఉంటారు. ప్రత్యేకించి లెక్కలు ఉండవు. బన్నీ ఎవరితోనైనా కనెక్ట్ అయిపోతారు’ అంటూ చెప్పుకొచ్చారు సమీర్.

రైతు బాగుంటేనే రాష్ట్రం బాగుంటుంది : జగన్

Tags: Bunny connects with everyone: Sameer

Leave a Reply

Your email address will not be published. Required fields are marked *