Chandrababu, a backbone to the NTR's father

తండ్రిలాంటి ఎన్టీఆర్‌కు వెన్నుపోటు పొడిచిన చంద్రబాబు

 Date:30/03/2019

గుంటూరు ముచ్చట్లు :
ఓవైపు తండ్రిలాంటి ఎన్టీఆర్‌కు వెన్నుపోటు పొడిచిన చంద్రబాబు.. మరోవైపు కాంగ్రెస్‌కు ఎదురు తిరిగి.. తొమ్మిదేళ్లు ప్రజల్లో ఉన్న జగన్‌ ఉన్నారంటున్నారు వైసీపీ అధినేత జగన్ సోదరి షర్మిల. చంద్రబాబు అవినీతి, అబద్దాల పాలన కావాలో.. జగన్ రాజన్న రాజ్యం కావాలో ఏపీ ప్రజలు ఆలోచించాలంటున్నారు . ఎన్నికల్లో ఓటేసే ముందు ప్రజలంతా ఒక్కసారి చర్చించుకొని నిర్ణయం తీసుకోవాలన్నారు. ఈ ఎన్నికల్లో రాజన్న బిడ్డ జగనన్నకు ఒక్క అవకాశం ఇవ్వాలన్నారు. గుంటూరులో జరిగిన ఎన్నికల ప్రచారంలో పాల్గొన్న షర్మిల.. చంద్రబాబు, లోకేష్‌లపై మండిపడ్డారు. అన్నం పెట్టడు కానీ.. చిన్నమ్మకు బంగారు గాజులు చేయిస్తానన్నట్లు.. ఐదేళ్లుగా ప్రజలను పట్టించుకోని చంద్రబాబు.. ఇప్పుడు ప్రజల్ని మభ్యపెట్టి మళ్లీ అధికారంలోకి రావాలని చూస్తున్నారని మండిపడ్డారు. 2014 ఎన్నికల్లో గెలవాలని ఇష్టం వచ్చినట్లు 600 హామీలు ఇచ్చారన్నారు. ఇచ్చిన హామీల్లో ఒక్కటైనా సరిగా నెరవేర్చారా అని ప్రశ్నించారు. మహిళలు, యువత, రైతులు ఇలా అన్ని వర్గాలను మోసం చేశారని.. ఈ ఐదేళ్లలో నెలకు రూ.2 వేల చొప్పున రాష్ట్రంలోని ప్రతి ఇంటికీ దాదాపు రూ.1.25 లక్షలు చొప్పున చంద్రబాబు బాకీ పడ్డారన్నారు షర్మిల. గత ఐదేళ్లగా జగన్ ప్రత్యేక హోదా కోసం పోరాడుతుంటే.. చంద్రబాబు మాత్రం ఏడాదికో మాట మార్చి హోదా డిమాండ్‌కు తూట్లు పొడిచారని విమర్శించారు షర్మిల.
హోదా వద్దు.. ప్యాకేజీ కావాలన్న చంద్రబాబును యూటర్న్‌ తీసుకున్నారని.. ఇది జగనే పోరాటాల ఫలితమేనన్నారు. ఈ ఐదేళ్లగా జరిగిన పరిణామాల విషయాల గురించి చంద్రబాబు నిజం చెప్పాలి.. కానీ ఆయన చెప్పరు.. ఎప్పుడైతే చంద్రబాబు నిజం చెబుతారో అప్పుడు ఆయన తల వేయి ముక్కలవుతుందట అన్నారు. పాపం అందుకే ఆయన ఎప్పుడూ అబద్ధాలే చెబుతుంటారు అంటూ షర్మిల ఎద్దేవా చేశారు. బాబు వస్తే జాబు వస్తుందని యువతకు చెప్పారని.. కానీ జాబ్ మాత్రం చంద్రబాబు గారి కొడుకు లోకేష్‌కు వచ్చిందన్నారు. ఈ పప్పు గారికి కనీసం జయంతికి, వర్ధంతికి తేడా కూడా తెలియదు.. అలాంటి వ్యక్తిని ఏకంగా మూడు శాఖలకు మంత్రిని చేశారన్నారు. అ,ఆలు రావు గానీ అగ్ర తాంబూలం నాకే కావాలన్నాట్లు ఉందన్నారు. పప్పు తీరు కూడా అలాగే ఉందని.. ఒక్క ఎన్నికలో కూడా గెలవని పప్పుకు ఏ అర్హత ఉందని ఇన్ని ఉద్యోగాలు ఇచ్చారని ప్రశ్నించారు. ముఖ్యమంత్రి కొడుకుకు మూడు జాబులు.. నిరుద్యోగ యువతకు ఉద్యోగాల్లేవన్నారు.వైసీపీకి ఏ పార్టీతోనూ పొత్తులు లేవని.. సింహం సింగిల్‌గానే వస్తుందన్నారు షర్మిల. నాలుగేళ్లు బీజేపీతో కాపురం చేసిన చంద్రబాబు.. ఇప్పుడు కాంగ్రెస్‌తో పొత్తుకు సిద్ధపడ్డారని విమర్శించారు. ఓటుకు నోటు కేసులో దొరికిపోయి హైదరాబాద్‌ నుంచి పారిపోయి వచ్చారని.. తర్వాత సిగ్గు లేకుండా తెలంగాణలో టీఆర్ఎస్‌తో పొత్తుకు ప్రయత్నించారన్నారు. హరికృష్ణ శవం సాక్షిగా కేసీఆర్‌తో పొత్తు ప్రయత్నాలు చేసింది నిజం కాదా అని ప్రశ్నించారు. టీఆర్‌ఎస్‌తో పొత్తు కోసం ప్రయత్నించిన చంద్రబాబు.. వైసీపీపై ఆరోణలు చేయడం సిగ్గు చేటన్నారు.
Tags:Chandrababu, a backbone to the NTR’s father

Leave a Reply

Your email address will not be published. Required fields are marked *